கனவுகள் 3 - சில தகவல்கள்

நம் கனவை நம்மை தவிர வேறு ஒருவரால் மிகத் தெளிவாக புரிந்துகொள்ள முடியாது. நம் ஒவ்வொரு கனவும் நிச்சயம் நம்மிடம் எதையோ சொல்கிறது. எல்லாக் கனவுகளும் கெடுதலை உணர்த்துவதாக நினைக்க வேண்டாம். கனவுகள் நமக்கு நன்மை செய்யவே ஏற்படுகின்றன. நமக்கு பயத்தை ஏற்படுத்தும் கனவுகளை கூட தெளிவாக புரிந்துகொண்ட பின், பயப்பட மாட்டோம்.

கனவு நாம் ஏன் காண்கிறோம்?
நம் உள்ளுணர்வு நம்மிடம் எதையோ தெரிவிக்கிறது. அதை கனவின் மூலம் உணர்த்துகிறது. இதை நாம் தெளிவாக புரிந்துகொள்ள நம் மனதின் நிலைகளை அறிய வேண்டும் இதைப் பற்றி defense mechanisms பற்றி எழுதப்போகும் பதிவில் விளக்கமாக சொல்கிறேன்.


நாம் எப்போது கனவு காண்கிறோம்?
உலகில் அனைவரும் கனவு காண்கிறோம்! உங்கள் கனவு உங்களுக்கு நினைவிலில்லை என்பதால் கனவு காண்பதில்லை என அர்த்தமில்லை. அறிவியல் ஆய்வுகள் நாம் தூக்கத்தின் ஐந்தாம் நிலையான REM(Rapid Eye Movement) நிலையில் கனவு காண்பதாக தெரிவிக்கின்றன. இருப்பினும் metaphysician எனப்படும் தத்துவ அறிஞர்கள் ஒப்புக்கொள்வதில்லை. மேலும் தூக்கத்தின் மற்ற நிலைகளிலும் நாம் அரிதாக கனவு காண்பதை அறிவியல் ரீதியாகவும் நிரூபித்துள்ளனர். (தூக்க நிலைகள் பற்றி வேறு பதிவில் சொல்கிறேன்).

நாம் நம் வாழ்நாளில் மூன்றில் ஒரு பங்கை தூக்கத்திற்காக செலவழிக்கிறோம். சராசரி வாழ்நாளில் சுமார் 6 வருடங்களை கனவு காண்பதற்காக செலவழிக்கிறோம். அதாவது 2100க்கும் மேற்பட்ட நாட்களை வேறொரு உலகில் கழிக்கிறோம். ஒவ்வொரு இரவும், சராசரியாக ஒரிரு மணி நேரங்கள் கனவு காண்கிறோம் மேலும் வழக்கமாக ஒரு நாளில் 4-7 கனவு காண்கிறோம்.

கனவு பற்றி சுவாரசியமான தகவல்கள்:

கனவுகள் என்பவை இன்றியமையாதவை. கனவு பற்றாக்குறை என்றொரு விஷயம் உண்டு. அதாவது கனவு காண்பதில் குறைபாடு இருந்தால் அது புரதச் சத்து குறைபாடு அல்லது personality disorder எனப்படும் பண்பு ஒழுங்கின்மையை குறிக்கின்றது. ஆண்கள் மற்ற ஆண்களை பற்றி அதிகமாக கனவு காண்கிறார்கள். பெண்கள் ஆண்கள் மற்றும் பெண்கள் என சமமாக கனவு காண்கிறார்கள். புகைப்பழக்கம் இல்லாதவர்கள்/கைவிடுபவர்கள் நீண்ட மற்றும் ஆழமான கனவுகளை காண்கிறார்கள். 3-4 வயது வரும் வரை குழந்தைகள் தங்களைப் பற்றி கனவு காண்பதில்லை. நீங்கள் குறட்டை விட்டு தூங்கும்போது கனவு காண்பதில்லை. கண் பார்வை அற்றோரும் கனவு காண்கிறார்கள். இடையில் கண்பார்வை இழந்தோர் அதற்கு முன் வரை பார்த்தவைகளை பற்றி கனவு காணலாம். மேலும் கனவு என்பது காட்சியை மட்டும் குறிக்காமல், ஒலிகள், தொடு உணர்வு மற்றும் வாசனை போன்ற மற்ற உணர்வுகளையும் சார்ந்து ஏற்படலாம்.

------------------------------------------------

1979 மே 25. அமெரிக்கன் ஏர்லைன்ஸ் ஃப்ளைட் 191 . டிசி-10 ஜம்போ ஜெட் 270 நபர்களுடன் சிகோகாவிலிருந்து லாஸ் ஏஞ்சல்ஸ்க்கு கிளம்பியது. கிளம்பிய கொஞ்ச நேரத்திலேயே எஞ்சின்கள் செயலிழந்து 500 அடி உயரத்திலிருந்து தரையில் விழுந்து நொறுங்கியது. அதில் அனைவரும் உயிரிழந்தனர். அச்சமயம் அமெரிக்காவில் இதுதான் கோரமான விபத்து. இந்த விபத்தை பற்றி சிலருக்கு கனவு வந்துள்ளது. ஆனால் இதைப் பற்றி அவர்களால் பலரிடமும் தெரிவித்து விமானத்தில் செல்வதை தடுக்க முடியவில்லை. இந்நிகழ்வு The Crash of Flight 191 என்னும் படமாக வந்துள்ளது Final Destination என்ற படம் கூட இந்நிகழ்வை அடிப்படையாக வைத்து உருவாக்கப்பட்டதுதான்.