மனம்+

அடோப் ஃபிளாஷ் (66) - Mask zooming effect

2011-02-22T15:57:00.000-08:00

முதலில் படத்தை எடுத்துக் கொள்ளவும். அதை சிம்பலாக கன்வர்ட் செய்யவும். typeல் movie clipஐ தேர்ந்தெடுக்கவும்.
100வது பிரேமில் ஒரு கீபிரேமை இன்சர்ட் செய்யவும்.

மீண்டும் 1வது பிரேமை கிளிக் செய்து, சிம்பலை கிளிக் செய்யவும். பிறகு, கீழே பிராப்பர்ட்டி பேனலில் Filtersஐ கிளிக் செய்யவும். பின் +ஐ கிளிக் செய்து Blurஐ சேர்க்கவும். அந்த பூட்டு போன்று இருப்பதை கிளிக் செய்து விடவும். பின் Blur X: 49, Blur Y:73 என கொடுக்கவும்.

பிறகு மீண்டும் Filtersல் +ஐ கிளிக் செய்து Adjust Colorஐ சேர்க்கவும். அதில், Brightness: -100, Contrast: 100, Hue: 0, Saturation: 0 என கொடுக்கவும்.

இப்போது 1 மற்றும் 100வது பிரேம்களுக்கு இடையில் ரைட்கிளிக் செய்து create motion tween என்பதை கிளிக் செய்யவும்.

புதிய லேயரை உருவாக்கவும்.

ஒரு பெரிய வட்டத்தை வரையவும். ஸ்டேஜை விட மிகப்பெரியதாக இருத்தல் நலம்.

பின் 100 வது பிரேமில் ஒரு கீபிரேமை இன்சர்ட் செய்யவும். அந்த வட்டத்தை சிறியதாக்கவும். ஆனால் அது ஸ்டேஜை விட பெரியதாக இருக்கும்படி பார்த்துக் கொள்ளவும். அது ஸ்டேஜின் மையத்தில் இருக்கிறதா என சரி பார்க்கவும்.

பின் இப்போது 1 மற்றும் 100வது பிரேம்களுக்கு இடையில் ரைட்கிளிக் செய்து create
shape tween என்பதை கிளிக் செய்யவும். அது ஸ்டேஜின் மையத்தில் இருக்கிறதா என சரி பார்க்கவும்.

கடைசியாக அந்த இரண்டாவது லேயரை ரைட்கிளிக் செய்து mask என்பதை தேர்ந்தெடுக்கவும்.

பிறகு உங்கள் மூவியை பார்க்க Control+Enterஐ கிளிக் செய்யவும்.
பிறகு இதை சேமிக்க File என்பதில் Export என்பதை கிளிக் செய்து Export to movie என்பதை கிளிக் செய்து swf ஃபைலாக சேமிக்கவும்.

DEMO :

அடோப் ஃபயர்வொர்க்ஸ் 1 - அறிமுகம் & Photo to Negative effect

2011-01-17T12:57:00.000-08:00

அடோப் ஃபிளாஷ் மற்றும் அடோப் ஃபோட்டோஷாப்பை தொடர்ந்து இனி புதியதாக அடோப் ஃபயர்வொர்க்ஸ் (Adobe Fireworks) பற்றிய பாடங்களையும் காணப் போகிறோம்.

அடோப் ஃபயர்வொர்க்ஸ் என்பது ஒரு bitmap மற்றும் vector graphics editor ஆகும். இதில் பல வித கிராஃபிக்ஸ்களை உருவாக்கவும் அனிமேஷன்களை உருவாக்கவும் இயலும். ஃபோட்டோஷாப் மற்றும் ஃபிளாஷ் இரண்டிலுமுள்ள வசதிகள் இதில் இருப்பதால் இது அவை இரண்டும் இணைந்த மென்பொருள் போன்றதாகும்.

இது மட்டுமில்லாமல் ஃபயர்வொர்க்ஸ் தன்னகத்தே சில சிறப்பான வசதிகளையும் கொண்டுள்ளது. ஸ்லைட் ஷோக்கள், வெப்சைட் லே அவுட்கள் போன்றவற்றை எளிதாக உருவாக்கலாம். அடோப் ஃபயர்வொர்க்ஸ் வெப்சைட் டெம்ப்ளேட்களை உருவாக்க பயன்படுத்தப்படும் மென்பொருள்களில் முக்கியமான ஒன்றாகும். பல வசதிகள் இருந்த போதும், ஃபிளாஷ், போட்டோஷாப்புடன் ஒப்பிடும்போது பயன்படுத்தக் கொஞ்சம் கடினமானதாகும். ஆனால் பயன்படுத்த பயன்படுத்த எதுவும் எளிதுதானே!

இங்கே தரப்போகும் பாடங்கள் Adobe Fireworks CS5-ல் செய்யப்படுபவை ஆகும். Adobe Fireworks CS5-ஐ டவுன்லோட் செய்ய இந்த டோரண்ட் லிங்க்கை கிளிக் செய்யுங்கள்.
Adobe Fireworks CS5 (575. 29 MB)

---------------------------------------

முதல் பாடமாக ஒரு படத்தை ஃபோட்டோ நெகடிவ் இமேஜாக மாற்றும் விதத்தை காண்போம்

முதலில் படத்தை எடுத்துக் கொள்ளுங்கள். File->Import-ஐ கிளிக் செய்து படத்தை தேர்ந்தெடுத்துவிட்டு கேன்வாஸை கிளிக் செய்தால் அங்கே படம் வந்து விடும்.

பிறகு மேலே Filters-> Adjust Color-> Hue/Saturation-ஐ கிளிக் செய்யவும்.

அதில் Hue: -180; Saturation: -100; Lightness: 0 முதல் 10க்குள் என கொடுக்கவும்.

பிறகு கீழே பிராப்பர்ட்டி பேனலில் blend mode-ஐ Difference ஆக மாற்றவும். அவ்வளவுதான்!

பிறகு File->Save-ஐ கிளிக் செய்து விருப்பப்படும் ஃபார்மெட்டில் சேமிக்கவும்.

DEMO:

ஃபோட்டோஷாப் 22 - Water color Effect

2010-12-26T14:35:00.000-08:00

தேவையான படத்தை எடுத்துக் கொள்ளவும். அதை மூன்று முறை duplicate செய்து கொள்ளவும். மேலிரண்டு லேயர்களையும் turn off செய்யவும்.

முதல் duplicate layer-க்கு Filter-> Artistic-> Cutoutஐ கிளிக் செய்யவும். Number of Levels: 4, Edge Simplicity: 4, மற்றும் Edge Fidelity: 2 என கொடுக்கவும். (இந்த அளவுகள் படத்திற்கு தகுந்தாற்போல் மாற்றிக் கொள்ளலாம்)

அந்த லேயரின் Blending Modeஐ Luminosity ஆக மாற்றவும். அடுத்த லேயரை turn on செய்து select செய்யவும்.

இரண்டாவது duplicate layer-க்கு Filter-> Artistic-> Dry Brushஐ கிளிக் செய்யவும். Brush Size: 10, Brush Detail: 10, மற்றும் Texture: 3 என கொடுக்கவும். (இந்த அளவுகள் படத்திற்கு தகுந்தாற்போல் மாற்றிக் கொள்ளலாம்)

அந்த லேயரின் Blending Modeஐ Screen ஆக மாற்றவும். அடுத்த லேயரை turn on செய்து select செய்யவும்.

மூன்றாவது duplicate layer-க்கு Filter-> Noise-> Medianஐ கிளிக் செய்யவும். Radius: 12 என கொடுக்கவும். (இந்த அளவையும் படத்திற்கு தகுந்தாற்போல் மாற்றிக் கொள்ளலாம்)

அந்த லேயரின் Blending Modeஐ Soft Light ஆக மாற்றவும். தேவைப்பட்டால் லேயர்களின் opacityஐ சரி செய்து கொள்ளலாம்.

DEMO:

கனவுகள் 18 - நிழல் நினைவுகள்

2010-12-15T13:33:00.000-08:00

The invariable mark of a dream is to see it come true.

- Ralph Waldo Emerson

Without leaps of imagination, or dreaming, we lose the excitement of possibilities. Dreaming, after all, is a form of planning.

- Gloria Steinem

என் கனவில் என் பற்கள் அனைத்தும் தளர்ந்து விழுந்து விட்டன. நான் அவற்றை என் வாயில் மீண்டும் போட விரும்பி, அவை எல்லாவற்றையும் வாயில் பழையபடி வைத்தேன். ஆனால் கடையில் எல்லாம் மீண்டும் கீழே விழுந்து விட்டன.

பற்கள் விழும்படியான கனவுகள் பொதுவானதாகும். ஆனால் இதைப் பற்றிய விளக்கங்கள் பல்வேறு ஆராய்ச்சியாளர்கள் பல்வேறு விதமாக தந்துள்ளார்கள். ஃபிராய்டு பற்கள் விழுவதை பாலுணர்வு ஆசைகளோடு ஒப்பிட்டார். சிலர் அது ஊட்டச்சத்து குறைபாடின் அறிகுறியாக கருதினர். ஆனால் பெரும்பாலும் பற்கள் விழுவது கவலைகளை குறிக்கின்றது. ஒதுக்கப்படுவது பற்றிய பயத்தையும் இது குறிக்கின்றது.

consciousness, subconscious, unconscious என்பது நம் மனது நுழையும் இடங்களாகும். எனவே நீங்கள் நினைக்கும்போது ஆழ்மனதுக்கு செல்ல முடியும். அதிலிருந்து வெளிவரவும் முடியும். நீங்கள் ஆழ்மனதுக்குள் செல்லும்போது உங்கள் நினைவுகள், உள் கனவுகள், ஆசைகள், கற்பனைகள் என ஒரு பெரிய உலகையே காணலாம். இந்த நினைவுகளைத்தான் நிழல் நினைவுகள் என்கிறோம். சிறு குழந்தைகள் அடிக்கடி ஆழ்மனதிற்கு பிரவேசிப்பார்கள். பெரும்பாலான நேரங்களில் கனவுகள், கற்பனைகளிலேயே இருப்பார்கள். நாம் பெரியவர்களாகும்போது இது குறைந்தாலும் சில சமயங்கள் ஆழ்ந்த சிந்தனை ஆழ்மனதிற்குள் கொண்டு விடலாம்.

சாதாரணமாக நாம், சாப்பிடுதல், ஓடுதல் நடத்தல் போன்ற சராசரி செயல்களை செய்யும்போது ஆழ்மனதிற்குள் நாம் செல்வதில்லை. ஆனால் நாம் மூச்சு எப்படி சீராக செல்கிறது என நினைப்பது போன்று சில விஷயங்களை ஆழமாக யோசிக்கும்போது ஆழ்மனதிற்கு நுழைய ஆரம்பிக்கிறோம். அதனால்தான் சில சமயம் இப்படிப்பட்ட விஷயங்களை ஆழ்ந்து யோசித்து விட்டு மீளும்போது ஏதோ நீண்ட நேரம் எங்கோ இருந்ததுபோல் இருக்கின்றது.

ஆழ்மனதிற்குள் இருக்கும் எல்லா விஷயங்களும் முக்கியமானதல்ல. மனம் கிட்டதட்ட குப்பைகளும் புதையல்களும் கலந்து நிறைந்த இடம்தான்! மனதில் ஒருவாரம் முன் சாப்பிட்ட உணவு பற்றிய நினைவுகளும் உங்கள் மனதில் இருக்கும். நீங்கள் சிறுவயதில் செய்த தவறும் இருக்கும்! நீங்கள் ஓய்வு நிலையிலிருந்து ஆழ்மனதிற்குள் செல்லும்போது அதைப் பற்றி உணர்வு உங்களுக்கு இருக்கலாம். ஏனெனில் நினைவுகள் என்பது சங்கிலி போலத்தான். ஆழ்மனம் வெளிமனம் இரண்டையும் தொடர்பில் வைக்க முடியும்.

ஆனால் இந்த நிழல் நினைவுகள் என்பன முழுக்க முழுக்க ஆழ்மனதுடன் சம்பந்தபட்டவை. இவற்றின் மூலம் கனவுகளை நினைவில் கொள்ளலாம்! சரி, நாம் அடிக்கடி கனவு காண்கிறோம். ஆனால் சில கனவுகள் நினைவில் இருக்கின்றன. சில நினைவில் இருப்பதில்லை. ஏன்?

நாம் விழித்த பின் முதல் 10 நிமிடங்களில் மட்டுமே கனவின் சில பகுதிகளை மட்டுமே நினைவில் வைத்திருக்கிறோம். பிறகு அவற்றை மறந்து விடுகிறோம். இது தினமும் காலை நடக்கின்றது. நாம் விழிக்கும்போது சுற்றி என்ன நடக்கின்றது என்பது பற்றி குழப்பமும் மந்தமும் இருப்பதை உணரலாம். நம் வெளிமனம் ஒரு கணிப்பொறி போன்று மெதுவாக booting up ஆகிக் கொண்டிருக்கின்றது. அப்போது இந்த நிழல் நினைவுகளின் ஒரு சிறு window திறந்திருக்கும். இந்த நேரத்தில் நீங்கள் உங்கள் நிழல் நினைவுகளை ஆராயலாம். ஆனால் இலக்கின்றி நம் கனவுகள், நம் ஆழ்மனதில் பல்வேறு விஷயங்களின் சிறு சிறு பகுதிகளை இது காண்பிக்கும். இந்த விஷயங்கள்தான் அந்த 10 நிமிடத்திற்கு பிறகு நாம் கனவு என நினைத்துக் கொள்கிறோம்.

ஆனால் பயங்கர கனவுகளை நாம் நீண்ட நேரம் நினைவில் வைக்கிறோம் ஏன்? நம் மனதில் குறிப்பாக ஆழ்மனதில் நம் உணர்வுகளை ஆழமாக தாங்கி வரும் பயங்கர கனவுகள், பாலுணர்வு கனவுகள் போன்றவை முக்கியமானவையாக குறிக்கப்படுகின்றன. எனவே இவை நீண்ட நேரம் நினைவில் இருக்கின்றன.

இந்த நிழல் நினைவுகள் முக்கியமானவை என நம் வெளி மனதிற்கு உணர்த்தினால் கனவுகளை ஞாபகத்தில் வைக்கலாம். கனவுகளை மற்றவர்களிடம் சொல்லுதல், அதைப் பற்றி எழுதி வைத்தல் போன்றவை அதன் படிகளாகும். ஏனெனில் இவை வெளி மனம் செய்யும் செயல்கள் ஆனால் அவை உள் மன நினைவுகளை பற்றி பேசுவதால் அவற்றிற்கு படிப்படியாக முக்கியத்துவம் அளிக்கின்றது.

இந்த நிழல் நினைவுகள் நம் கனவுகளை மட்டும் சொல்வதில்லை. நமக்கே தெரியாத நம்மை கூட அடையாளம் காண்பிக்கும். நம்மில் இருக்கும் நல்ல குணங்களை, கெட்ட குணங்களை, ரகசியங்களை வெளிக்காட்டும்! நமக்கு அதில் ஈடுபாடு அதிகரிக்க அதிகரிக்க அந்த நினைவுகளில் நாம் எளிதில் சென்று வர முடியும்.

கனவுத் தொடரின் கடைசிக் கட்டத்திற்கு வந்து விட்டோம். இதுதான் மிகவும் சுவாரசியமான ஆனால் கடினமான பகுதி! கனவு பொருள் விளக்கம் - dream interpretation! உங்கள் கனவையும் மற்றவரின் கனவையும் புரிந்துகொள்ளுதல்!

காண்போம் இனி....

ஃபோட்டோஷாப் 21 - Cartoon Effect

2010-12-15T13:32:00.000-08:00

படத்தை எடுத்துக் கொள்ளுங்கள். அதை duplicate செய்துகொள்ளுங்கள்! அதன் blending modeஐ color dodge ஆக மாற்றவும்.

பின் Image-> Adjustments-> Invertஐ கிளிக் செய்யவும்.

பிறகு Filter-> Blur-> Gaussian Blurஐ கிளிக் செய்யவும். Radius: 7.0 என கொடுக்கவும்.

பின் Layer-> New Adjustment Layer-> Threshold என கிளிக் செய்யவும்.

Threshold Level: 233 என கொடுக்கவும். இது படத்திற்கு தகுந்த மாதிரி மாற்றிக் கொள்ளவும்.

புதிய லேயரை உண்டாக்கவும். அதன் blending modeஐ Multipleஆக மாற்றவும். பிறகு brush டூல் மூலம் ஒவ்வொரு பாகத்திற்கு தேவையான நிறத்தை அளிக்கவும். தேவைப்பட்டால் eraser டூல் மூலம் மாற்றம் செய்து கொள்ளலாம்.

DEMO:

ஃபோட்டோஷாப் 20 - Graffiti Effect

2010-12-10T12:54:00.000-08:00

முதலில் சுவற்றில் நீங்கள் எழுத நினைப்பதை எழுதி டிசைன் செய்து அதை ஒரு படமாக சேமித்துக் கொள்ளவும். படங்களையும் தேர்ந்தெடுத்துக் கொள்ளலாம்.

பிறகு சுவரின் படத்தை ஃபோட்டோஷாப்பில் திறந்துகொள்ளவும். பின் மீண்டும் எழுத்து படத்திற்கு சென்று அதை காப்பி சுவர் படத்திற்கு வரவும். அதில் புதிய லேயரை உருவாக்கி அதில் காப்பி செய்ததை பேஸ்ட் செய்யவும்.

ட்ரான்ஸ்ஃபார்ம் டூல் மூலம் அளவை சரி செய்யவும். பின் Edit-> Transform-> Perspectiveஐ கிளிக் செய்து படத்தை தூரப்பகுதிகளில் சிறிதாகவும் பக்கத்தில் பெரிதாகவும் உள்ளது போல் மாற்றவும்.

பின் blending modeஐ overlay-ஆக மாற்றவும்.

பின் அதை duplicate செய்து கொள்ளவும். இந்த லேயரின் blending mode: normalஆக இருக்க வேண்டும். பிறகு filters-> Blur-> Gaussian Blur-ஐ கிளிக் செய்யவும். radius 5 என அளிக்கவும்.

பின் controlஐ அழுத்திக் கொண்டே blur லேயரை click செய்யவும். இப்போது அந்த மங்கலான எழுத்துக்கள் செலக்ட் ஆகும். delete பட்டனை அழுத்தி அதை டெலீட் செய்யவும். பிறகு select-> deselect செய்யவும்.

சுவர் உடைந்திருந்தால் அந்த பகுதிகளில் எழுத்தை அழிக்கவும்.

DEMO:

ஃபோட்டோஷாப் 19 - Superimposed image

2010-12-08T19:19:00.000-08:00

படத்தை எடுத்துக் கொள்ளவும். அதை ரைட்கிளிக் செய்து duplicate செய்து கொள்ளவும். பிறகு புதிய லேயரை உருவாக்கவும்.

பின் text tool-ஐ பயன்படுத்தி தேவையானதை எழுதவும் கூடுமானவரை தடிமனான எழுத்துக்கள் இருந்தால் நலம்.

பிறகு அதை ரைட்கிளிக் செய்து Blending options-ஐ கிளிக் செய்யவும். அதில் drop shadow-ஐ தேர்ந்தெடுக்கவும்.

பிறகு duplicate image உள்ள லேயரை எழுத்து லேயருக்கு மேலாக கொண்டு செல்லவும். பின் அதை ரைட்கிளிக் செய்து create clipping mask-ஐ கிளிக் செய்யவும்.

இப்போது படம் எழுத்திற்குள் சென்று விடும். எழுத்து லேயரை கிளிக் செய்து எழுத்தை தேவையான இடத்திற்கு நகர்த்தி கொள்ளலாம். படம் அப்படியே இருக்கும். எழுத்து லேயரில் Blending options-ல் drop shadow-ஐ தவிர inner shadow, inner glow, outer glow, bevel and emboss என தேவையானதை தேர்ந்தெடுக்கலாம். எஃபக்ட் வேறு மாதிரி கிடைக்கும்.

DEMO:

அடோப் ஃபிளாஷ் (65) - Attractive picture presentation

2010-12-03T16:12:00.000-08:00

படத்தை எடுத்துக் கொள்ளவும். அதை ரைட்கிளிக் செய்து சிம்பலாக கன்வர்ட் செய்யவும். typeல் Movie clipஐ எடுத்துக் கொள்ளவும்.

50வது பிரேமில் ஒரு கீபிரேமை இன்சர்ட் செய்யவும். மீண்டும் முதல் பிரேமை கிளிக் செய்து சிம்பலை கிளிக் செய்யவும். Filters பேனலில் +ஐ கிளிக் செய்து Blurஐ தேர்ந்தெடுக்கவும் 45% அளிக்கவும்.

பிறகு பிராப்பட்டிஸ் பேனலில் Colorல் Advancedஐ தேர்ந்தெடுக்கவும். படத்தில் உள்ளபடி செட்டிங்ஸ் செய்யவும்.

1 மற்றும் 50 பிரேமுக்கு இடையே ரைட்கிளிக் செய்து create motion tweenஐ கிளிக் செய்யவும்.

பிறகு புதிய லேயரை உண்டாக்கவும். ஒரு செவ்வகத்தை ஸ்டேஜின் அகலத்தை விட இரு மடங்கு இருக்கும்படி வரையவும். அதை ஸ்டேஜுக்கு வெளியே ஒரு ஓரத்தில் வைக்கவும். பிறகு செலக்சன் டூலால் அதன் குறுக்கே நீள நீளமாக செலக்ட் செய்து டெலீட் செய்யவும். இவ்வாறு பட்டை பட்டையாக கிட்டதட்ட செவ்வகத்தின் பாதி அளவு செய்யவும்.

50வது பிரேமில் ஒரு கீபிரேமை இன்சர்ட் செய்யவும். செவ்வகத்தை ஸ்டேஜின் மேல் வரும்படி நகர்த்தவும். வெட்டாத பகுதி சரியாக சிம்பலின் மேல் இருக்கும்படி பார்த்துக் கொள்ளவும்.

1 மற்றும் 50 பிரேமுக்கு இடையே ரைட்கிளிக் செய்து create shape tweenஐ கிளிக் செய்யவும்.

அந்த லேயரை செலக்ட் செய்து Mask என்பதை கிளிக் செய்யவும்.

ஃப்ரேம் ரேட் ஸ்பீடாக இருக்கட்டும்.

DEMO:

சமகால கல்வி - Survival of the fittest

2010-11-27T17:06:00.001-08:00

சமகால கல்வி முறை எப்படி இருக்கிறது என்பது பற்றி எழுத சொன்ன தேவா அவர்களுக்கு முதலில் நன்றி தெரிவித்து கொள்கிறேன்.

ஒவ்வொருவரும் தங்கள் அனுபவங்கள், கேள்விப்படும் கருத்துக்கள் இவற்றிலிருந்தே தங்கள் முடிவுகள், தீர்மானங்கள் எடுக்கப்படுகின்றன. அப்படி பார்த்தால் என் அனுபவங்களிலிருந்து சமகால கல்வி முறை சரியில்லை என்றே சொல்லலாம்.

சிறுவர்களின் மூளை களிமண் போன்றது அதை நாம் முறையாக கையாண்டால் எளிதாக நல்லவற்றை பதிய வைக்கலாம். ஆனால் பலமுறை பெற்றோர்களும், ஆசிரியர்களுமே, மற்றவர்களுமே சிறுவர்களுக்கு தெரிந்தோ தெரியாமலோ தவறான வழிகாட்டிகளாகிவிடுகிறோம். கல்வி என்பது ஒரு மனிதனை உருவாக்கும், பண்படுத்தும் ஒன்று. அது முறையாக கிடைக்காத போது மனிதனும் முழுமையற்ற சீரற்றவனாகிறான்.

இன்று பள்ளியில் படிக்கும் பலருக்கும் தங்கள் தாய்மொழியே சரியாக தெரிவதில்லை. தமிழ் எழுத்துக்கள் எத்தனை என்று தெரியாதவர்களும் இங்கே இருக்கிறார்கள். உச்சரிப்பு என்பது மிக மோசமாக உள்ளது. ஆங்கில மீடியம் படிப்பவர்கள்தான் இப்படி இருக்கிறார்கள் என்று நினைக்கிறார்கள். தமிழ்வழியில் பத்தாவது வரை படித்த மாணவர்களுக்கு ஒரு செய்திதாளை கூட தெளிவாக படிக்க முடிவதில்லை. காரணம் ஆசிரியர்கள்தான் என்பேன். இது அடிப்படையாக ஆரம்பகால பள்ளி நாட்களில் கற்க வேண்டியவை. ஆனால் அந்த சமயத்தில் சரியாக சொல்லி தராவிட்டால் இந்நிலை ஏற்படுகிறது. ஆர்வமாக தானாக கற்காத மாணவர்கள் நிலை இதுதான்.

தற்கால பாடத்திட்டங்கள் வாழ்க்கைக்கு தேவையானவற்றை போதிப்பதில்லை என பலரும் சொல்கிறார்கள். ஒரு மனிதன் பல்வேறு சூழ்நிலைகளில் எப்படி நடந்துகொள்ள வேண்டும் என பாடத்திட்டங்கள் போதிப்பதில்லை. குறிப்பாக தனிமனித ஒழுக்கம் பற்றி பள்ளி மாணவர்களுக்கு முழுமையாக தெரிவதில்லை. இதனை போதிக்க வேண்டியது ஆசிரியர்கள் மற்றும் பெற்றோர்களின் பொறுப்பாக இருப்பதால், இது ஒழுங்காக நடக்காவிட்டால் மாணவரின் எதிர்காலம் பாதிக்கப்படுகிறது. பள்ளிகளில் நீதி நெறிக்கென்னு ஒரு பாடவேளை இருக்கும். அதில் எத்தனை பள்ளிகளில் பாடம் நடத்தப்படுகிறது. பெரும்பாலான மாணவர்களுக்கு அந்த பாடவேளை எதற்கென்றே தெரியாது!

பாலுறவு, சுய சுகாதாரம், விடலைப் பருவத்தில் ஏற்படும் உடல், மனரீதியான மாற்றங்கள் இது பற்றியல்லாம் யாருக்கும் முழுமையாக தெரிவதில்லை. இதனால் ஏற்படும் பின்விளைவுகளை பெற்றோர்களோ, ஆசிரியர்களோ சரியாக சிந்திப்பதில்லை. என் அனுபவத்திலேயே பாலுறுப்புகள் பற்றிய அறிவியல் பாடத்தை கூட நடத்தாத ஆசிரியர்களை பார்த்துள்ளேன். இது பற்றி தெரியாதவர்கள் சில சமயம் ஆர்வத்தால் தவறான வழிகளுக்கு செல்வது இங்கே நடக்கின்றது. அடிப்படை மருத்துவ விஷயங்கள், சுகாதார விஷயங்கள் போன்றவை படிக்கின்ற புத்தகத்தில் இருந்தாலும் அதை மாணவர்கள் அறியாத நிலை ஏற்பட்டால் அது மாணவர்களின் குற்றம் மட்டும் என ஒதுக்கி விட முடியாது!

எப்போதுமே படிக்கும் காலத்தில் எல்லோருக்கும் கல்வி ஒரு சுமை போலத் தான் தெரியும். ஆனால் அதையும் தாண்டி பாடம் மீதான ஈடுபாடு என்பது எப்போதுமே மாணவர்களுக்கு இருக்க வேண்டும். அப்படி ஈடுபாடே இல்லாமல் இருந்தால் அவர்களின் கல்வி வீண்தான்! பெரும்பாலோனோர் பரீட்சை சமயத்தில்தான் முனைப்பாக படிக்கவே செய்வார்கள். அதுவும் பொதுத் தேர்வு உள்ள 10ஆம், 12ஆம் வகுப்பு போன்ற வகுப்புகளில்தான் தீவிரமாக படிப்பார்கள். இப்போது பொதுத் தேர்வை சில பாடதிட்டங்களில்/பள்ளிகளில் நிறுத்தி விடுவதால் மாணவர்கள் எப்படியும் தேர்ச்சியடைந்து விடலாம் என சாதாரணமாக கூட இருக்கலாம்.

கல்வி திட்டம் மட்டுமில்லாமல் பல பள்ளிகளில் போதுமான ஆசிரியர்களே இருப்பதில்லை. நான் +1, +2 படிக்கும்பொழுது எனக்கு கணிதம் மற்றும் உயிரியல் போன்ற பாடங்களுக்கு ஆசிரியர்களே இல்லை. மாணவர்கள் தலைமை ஆசிரியரிடம் முறையிட்ட பின், முழு ஆண்டு பரீட்சை நெருங்கும் சமயத்தில் அப்பாடங்களுக்கு வேறு பள்ளியிலிருந்து ஒரு ஆசிரியர் வந்து வாரம் இருமுறை பாடம் எடுத்தார். பலர் அந்த ஆண்டு எங்கள் பள்ளியில் கணிதத்தில் தோல்வியடைந்தனர். இத்தனைக்கும் அது ஒரு அரசு பள்ளி. அரசு பள்ளியிலேயே இந்நிலை என்றால் தனியார் பள்ளிகளில்???! எத்தனையோ மாணவர்கள் ஆசிரியர்கள் இல்லாததால் அந்தந்த பாடங்களை படிக்காமல்/புரியாமல் கடந்து செல்கின்றனர்.

பலர் தனியார் பள்ளிகளை தேடிச் சென்று தங்கள் பிள்ளைகளை சேர்க்க காரணம் அங்கே நல்ல கல்வி கிடைக்கும் என்றுதான், ஆனால் பல தனியார் பள்ளிகளில் கட்டணங்கள் எட்டாத உயரத்தில் உள்ளது. அதையும் மீறி கஷ்டப்பட்டு படிக்க வைக்கும் குடும்பங்களும் உண்டு. என்னை பொறுத்த வரை நல்ல கல்வி கிடைப்பது ஆசிரியர்களை பொறுத்தது! அது அரசுப் பள்ளியிலும் கிடைக்கலாம், தனியார் பள்ளியிலும் கிடைக்கலாம். நான் படித்த அரசு பள்ளியிலேயே நன்றாக புரியும்படியும், படிக்கின்றவர்களுக்கு ஆர்வம் ஏற்படுத்தும்படியும் பாடம் நடத்து ஆசிரியர்கள் இருக்கிறார்கள். அதேபோல் கட்டணம் அதிகமாக வாங்கிக் கொண்டு பேருக்கு பள்ளி நடத்தும் தனியார் பள்ளிகளும் இங்குள்ளன.

சில பள்ளிகள் தங்கள் பள்ளியின் மதிப்பை உயர்த்தவும், தேர்ச்சியடைபவர்களின் எண்ணிக்கை உயர்த்தவும், பிள்ளைகளை படி படி என்றும் கடுமையாக தொந்தரவு செய்யும் நிலையும் உள்ளது. பரீட்சை சமயங்களில் இரவு முழுதும்/விடுமுறை நாட்களில் கூட ஸ்பெஷல் கிளாஸ் நடத்தப்படுகின்றன. இது மாணவர்களின் மனம் மற்றும் உடல்நிலை இரண்டையுமே பாதிக்கும். மேலும் படிப்பின் மீது ஒரு வெறுப்பு கூட ஏற்படலாம். அதேபோல் சில பள்ளிகளில் தண்டனைகளும் கடுமையாக உள்ளன. உடல்ரீதியாக மாணவர்களுக்கு தண்டனை தருவது ஒருபுறமிருக்க ‘லேட்டா வந்தா ஃபைன், யூனிஃபார்ம் சரியில்லனா ஃபைன்’ என ஒவ்வொன்றிற்கும் கட்டணம் வசூலிக்கும் பள்ளிகளும் உள்ளன.

ஒவ்வொரு மாணவருக்கு தங்கள் எதிர்காலம் பற்றிய முடிவெடுக்க வழிகாட்ட உதவ வேண்டியது பள்ளியின் கடமையாகும். பள்ளியில் படிக்கும் பல பேரிடம் நீ அடுத்து என்ன படிக்கலாம் என்றிருக்கிறாய் என்ற கேள்வியை கேட்டால், தெரியலை அப்போ பார்த்துக்கலாம் என்பார்கள். இவர்களில் பெரும்பாலோனரின் எதிர்காலம் கேள்விக்குறியாகவே இருக்கும். இது அவர்களின் தனிப்பட்ட பண்பை சார்ந்தது இதில் பள்ளியின் பங்கில்லை என நீங்கள் நினைக்கலாம் ஆனால் ஒரு நல்ல கல்வி மாணவரை செப்பனிட வேண்டும் அவரால் எதிர்காலம் பற்றி கூட முடிவெடுக்க அக்கல்வி உதவா விட்டால், அதனால் பயன் என்ன?

பள்ளிக் கல்வி மட்டுமல்ல கல்லூரி கல்வியும் இப்படித்தான்! உண்மையில் அதன் நிலை இதைவிட மோசமாக உள்ளது! பல கல்லூரிகளில் கட்டணங்கள் மிக அதிகமாக இருப்பதால் பலருக்கு விரும்பிய பாடங்கள் எட்டாக் கனியாகவே போய் விடுகின்றன. ஏதேதோ கட்டணங்கள் என பெரிய பட்டியலே போட்டு கட்டணங்கள் வாங்குவது போதாதென்று நன்கொடை என்ற பெயரிலும் வசூலிக்கிறார்கள். கட்டணம்தான் எக்கசக்கம், கல்வி தரமாக அமைகிறதா என்றால் அதுவுமில்லை. கணிப்பொறி பொறியியல் கல்லூரியில் கணிப்பொறிக்கள் மட்டுமே உள்ளன. அங்கே ஒழுங்காக பாடம் சொல்லி தரப்படுவதில்லை. (இது என் நண்பனுக்கு நடந்தது). பெரும்பாலும் கல்லூரி என்றாலே பள்ளி போன்று பாடம் நடத்த மாட்டார்கள் என்றாலும் இருப்பதையும் ஒழுங்காக செய்யாவிட்டால் மாணவர்களின் நிலை என்ன? எத்தனை பேருக்கு துறை சார்ந்த அறிவு போதுமான அளவு இருக்கின்றது? கல்லூரியில் தானாக ஆர்வம் எடுத்து படிப்பவர்கள் மட்டுமே சமாளித்து வெளிவர முடிகிறது. கல்லூரி முடித்து வெளிவரும் பலரிடமும் சான்றிதழ்கள் மட்டுமே உள்ளன, ஆனால் Knowledge?

இந்த கல்வி முறையில் நன்மைகளே இல்லையா என்றால், இருக்கிறது!!! இந்தியா கல்வி முறையில் பெரும் வளர்ச்சியடைந்திருப்பது உண்மைதான்! இக்காலத்தில் படித்தவர்களின் எண்ணிக்கை அதிகமாகியுள்ளது! கல்வி கற்க பல வசதிகள், வாய்ப்புகள் உள்ளன! நவீன வசதிகள் மாணவர்கள் எளிமையாக பாடங்களை கற்க வழிவகை செய்கின்றதான்! அடிப்படைக் கல்வி இலவசம் என்பதால் பலரால் பள்ளிக் கல்வியை ஓரளவுக்கு இலவசமாக பெற முடிகிறது. மேலும் கணிணி வழி கல்வி, தொலைக்காட்சி வழி கல்வி, கருத்தரங்குகள், என நவீன வசதிகள் பலவற்றின் மூலம் மாணவர்கள் இங்கு பல விஷயங்களை தெளிவாக கற்க வாய்ப்புகள் உள்ளன. இதெல்லாம் நல்ல விஷயமாக தோன்றினாலும் எல்லாமே முழுமையாக நடப்பது அரசின் கையில்தானே உள்ளது!

அரசு கல்வித் துறையை தன் கட்டுப்பாட்டில் ஒழுங்காக வைத்து முறையாக செயல்படுத்துமானால் பள்ளிகளிலும் கல்லூரிகளிலும் கட்டணங்கள் அதிகமென்ற பேச்சே வராது! ஆசிரியர் பற்றாக்குறையும் இருக்காது! மேலும் பல வாய்ப்புகள் வசதிகளை முழுமையாக செய்யுமானால் பலருக்கும் கல்வியின் பலன் அதிகமாக கிடைக்கும். அரசு எல்லா கல்வி சாலைகளை தொடர் கண்காணிப்பில் வைத்திருந்து தவறு நடக்கும்பட்சத்தில் கடுமையான தண்டனை அளிக்குமானால் கல்வி துறைகள் செம்மையாக இருக்கும். ஆனால் அப்படி இல்லையே!!! அரசாங்கத்திலும் பணத்திற்காக வளைந்து கொடுப்பவர்கள் இருக்கின்றார்கள். இல்லையென்றால் Paper Chasing என்ற பெயரில் காசு வாங்கி கொண்டு பரீட்சையில் தேர்ச்சியடையச் செய்வது நிகழுமா?

இக்கட்டுரையின் ஆரம்பத்தில் நான் இக்கல்வி முறை சரியில்லை என கூறக் ஒரு முக்கிய காரணம் உள்ளது. இந்த விஷயத்தை வேறொரு நாளில் வலையுலக நண்பர்களிடம் பகிர்ந்துகொள்ள எண்ணியிருந்தேன். இருப்பினும் இந்த கட்டுரைக்கு அது பொருத்தமானதென எண்ணி சொல்கிறேன். நான் சிறு வயது முதலே மருத்துவ படிப்பு படிக்க ஆசைப்பட்டவன். +2 முடித்தபின் எனக்கு பிசியோதெரபி படிப்பில் சேர இடம் கிடைத்தது. அரசு வைக்கும் கவுன்சிலிங் மூலமாகவே மாற்றுத் திறனாளிகள் சிறப்பு பிரிவின் கீழ் தேர்ந்தெடுக்கப்பட்டிருந்தேன். கல்லூரியில் சேர்ந்து 3 வருடங்கள், கிட்டதட்ட பாதி படிப்பு முடிந்திருந்தது. அந்த செமஸ்டரில் செய்முறை தேர்வுக்காக அரசு பிசியோதெரபி கல்லூரிக்கு சென்றிருந்தேன். அங்கே விதி தன் விளையாட்டை ஆரம்பித்தது. நான் கல்லூரியிலும் வகுப்பிலும் வீல் சேரில்தான் செல்வேன், இருபேன், அப்படியே செய்முறை தேர்வுக்கும் அப்படியே சென்றேன். அவர்கள் கேட்ட கேள்விக்கு பதில் சொன்னேன். செய்முறை தேர்வை செய்தேன். ஆனால் அங்கே இருந்த எக்ஸாமினர்களின் பார்வை: இவன் ஒரு கால் ஊனமுற்றவன் எப்படி பிசியோதெரபி படிக்கிறான் என ஆச்சரியப்பட்டார்கள். அது வெறும் ஆச்சரியமல்ல என்று பின்னால் தெரிந்தது. நான் நன்றாக செய்முறை தேர்வு செய்தும் என்னை ஃபெயில் செய்தார்கள். அத்தோடு விட்டிருந்தால் பரவாயில்லை, இவன் பிசியோதெரபியில் படிக்க தகுதியானவன் அல்ல இவன் எப்படி இந்த படிப்பில் சேரலாம் என அவர்கள் மருத்துவ பல்கலைகழகத்திற்கு எழுதி போட்டனர். செய்முறை தேர்வில்லாமல் எல்லா தேர்வுகளிலும் என்னை பெயில் செய்தனர். கவர்மெண்ட்டின் கவுன்சிலிங் மூலம் படிப்பில் சேர்த்த என்னை முக்கால்வாசி படிப்பு முடிந்த பிறகு அவர்களே படிக்க தகுதியில்லை என நீக்கி விட்டனர். பல்கலைகழகம், கவுன்சலிங் செய்யுமிடம், கல்லூரி என மாறி மாறி பல இடங்களுக்கு பல முறை நானும் என் பெற்றோர்களும் அலைந்தோம் ஒன்றும் பலனில்லை. ஆசையாய் படித்த படிப்பு ஒன்றுமில்லாமல் போனது. அலைந்தோம் நானும் என் பெற்றோர்களும். கேஸ் போடலாம் என்றனர். அப்போதிருந்த எங்கள் குடும்ப சூழ்நிலை அதை செய்ய எங்களால் இயலவில்லை. என்ன செய்தாலும் போன படிப்பு போனதுதானே. நானும் என் பெற்றோர்களும் பட்ட கஷ்டம் வீண்தானே. முழுதாக 3 வருடம் வீண்!!!

வாழ்க்கையில் அந்த சம்பவத்திற்கு பிறகு மிகவும் மனமுடைந்து போனேன் சிறுவயதிலிருந்து என் ஊனத்தை நான் குறையாக நினைக்காத வகையில் என் பெற்றோர்கள் என்னை வளர்த்திருந்தனார். ஆனால் நான் மிகவும் ஆசைப்பட்ட படிப்பு, என் ஊனத்தை காரணம் காட்டியே மறுக்கப்பட்ட போது மனம் கடுமையாக பாதிக்கப்பட்டது. கொஞ்ச நாள் பயங்கர விரக்தியில் இருந்தேன், தற்கொலை எண்ணம் கூட வந்தது. ஆனால் என் பெற்றோர் தந்த அன்பு என்னை கொஞ்சம் கொஞ்சமாக மாற்றியது. பிறகு அஞ்சல் வழியில் சைக்காலஜி சேர்ந்தேன் முடித்தேன். நடுவில் கணிப்பொறியில் வேலை செய்ய ஆரம்பித்தேன். இதோ இன்று வலையுலகில் இத்தனை நண்பர்கள் எனக்கு கிடைத்திருக்கிறார்கள்!!

யோசித்து பாருங்கள் ஒரு மாணவனின் படிப்பு வீணாகும் என்று யோசிக்கவில்லை. அத்தனை வருட உழைப்பு வீணாகும் என்று யோசிக்கவில்லை. அவர்களே என்னை சோதித்து எல்லா சான்றிதழ்களையும் சரிபார்த்து(அதற்குதானே கவுன்சிலிங் என்று ஒன்று!) பிறகே என்னை தேர்ந்தெடுத்தார்கள். பிறகு தாங்கள் செய்தது தவறென்று கூட சொல்லவில்லை, ஆனால் நான் சேர்ந்தது தவறென்று என்னை ஒதுக்கி விட்டார்கள். ஒரு மருத்துவ கல்விக்கே இந்நிலை என்றால் மற்ற பாடங்களுக்கு??

இக்கல்வி முறை வெறும் வியாபாரம் நடைபெறும் இடமாகவே இருக்கின்றது. அதிகாரம் இங்கே உறுதியாக இல்லை. கல்வியை முடித்து கையில் பட்டமெனும் காகிதங்களை மட்டும் வைத்துக் கொண்டு இங்கே வாழ்க்கையில் முன்னேற முடியாது. Survival of the fittest என்றபடி முட்டி மோதி வாழ்க்கையில் எழுபவர்கள் மட்டுமே முன்னேறுகிறார்கள். பலர் வெறும் பட்டத்தை பேரின் பின்னால் சுமந்து கொண்டு தெரியாத எதிர்காலத்தை எண்ணி புரியாமல் வாழ்க்கையில் பயணிக்கிறார்கள்.

இங்கே நான் என் அனுபவம் சார்ந்தே எழுதி இருக்கிறேன் இதனை தொடர்பதிவாக விருப்பமுள்ளவர்கள் தொடரலாம்!

கனவுகள் 17 - தெளிவான கனவுகள் (iv)

2010-11-27T17:06:00.000-08:00

The only thing that will stop you from fulfilling your dreams is you. - Tom Bradley

ஒரு கனவை ஆழமான கனவென்று உணர்ந்த பின் அக்கனவை நீங்க தொடர முடியும். அப்படி தொடரும்போது அக்கனவில் உள்ள இடங்கள், கட்டிடங்கள் போன்றவற்றை நீங்கள் மேலும் உருவாக்கலாம், நீக்கலாம்!!! கனவில் வரும் உருவங்களையும் கேரக்டர்களையும் கூட இப்படி செய்யலாம். கனவில் வரும் நிகழ்வுகளை நீங்கள் ஆட்டுவிப்பது கடினமென்றாலும் அதையும் கூட செய்ய முடியும். மொத்தத்தில் உங்கள் கனவை நீங்கள் ஆட்டுவிக்கலாம்! ஆனால் அது அவ்வளவு எளிதானதல்ல! கனவை ஆட்டுவித்தலும் ஒரு கலைதான்! அதை கற்க பல பயிற்சிகள் தேவை!

கனவை நாம் உணர முதலில் மூளை கனவு கண்டு கொண்டிருக்கும்போதே விழித்துக் கொள்ள வேண்டும், ஆனால் அது வெளிமனதை முழுமையாக எழுப்பாமல் வெறும் நடப்பவற்றை உணர மட்டும் செய்ய வேண்டும். அதற்கு மூளைக்கு ஒரு கட்டளை தேவை! அந்த கட்டளை என்னவென்று நீங்களே உருவாக்கலாம். இதை கனவு குறியீடு என சொல்வார்கள்! அதை உங்கள் மனதுக்குள் பலமுறை சொல்ல வேண்டும் குறிப்பாக தூங்க செல்லும் முன்!

ஒரு உளவியல் நிபுணரின் அனுபவம்:

ஒவ்வொரு நாளும் தூங்கும் முன் உட்கார்ந்து என் உள்ளங்கைகளை பார்க்கத் தொடங்கினேன். ‘என் கனவில் இன்று என் கைகளை பார்ப்பேன் உடனே அது கனவென்று உணர்ந்துகொள்வேன்’ என பலமுறை எனக்குள்ளேயே அமைதியாக சொல்லிக் கொண்டேன். இதை எனக்கு டயர்டாகி தூக்கம் வரும்வரை சொல்லிக் கொண்டே இருந்தேன். பிறகு தூங்கி விட்டேன். முதலில் சில நாட்கள் என் பயிற்சிக்கு எந்த பலனுமில்லை எந்த கனவும் எனக்கு ஞாபகமில்லை. ஆனால் நான் என் முயற்சியை கைவிடாமல் தொடந்தேன். ஒரு நாள் இரவு எனக்கு தெளிவான கனவு வந்தது.

நான் என் பள்ளி வராண்டாவில் நடந்து கொண்டிருந்தேன். பெல் அடித்தது வேகமாக வகுப்பை நோக்கி சென்றேன். இரண்டு பிரிவுகளுக்கு இடையே இருந்த கதவை திறக்க முயன்றபோது என் கைகள் தானக என் முகத்திற்கு முன் வந்தன. அவற்றை ஆச்சரியமாக பார்த்தேன். அப்போதுதான் நான் உணர்ந்தேன். அது கனவென்று!! சுற்றிலும் பார்த்தேன் எல்லாம் ஒளிமயமாக நிஜத்தை போலவே இருந்தன. நான் தொடர்ந்து எல்லாவற்றை பார்த்து கொண்டு நடந்தேன். மிகுந்த உற்சாக நிலையோடு இருந்தேன். ஒரு சுவற்றை பார்த்தேன். அது கடினமாக இருந்தது அப்போது கனவில் தள்ளாடுவது போல் தெரிந்தது. உடனே மீண்டும் கைகளை பார்த்தேன். அதில் உள்ள ரேகைகள் எல்லாவற்றையும் கூர்ந்து கவனித்தேன். தள்ளாடுவது குறைந்தது. இப்போது பறக்க வேண்டுமென நினைத்தேன். குதித்து வானத்தில் பறந்தேன். அளவில்லாத உற்சாகம் என்னில் வந்தது. திடீரென விழித்துக் கொண்டேன்.

நான் மிகுந்த திகைப்பிலிருந்தேன், என் இதயம் வேகமாக துடித்துக் கொண்டிருந்தது. தலை சுற்றுவது போல் இருந்தது. ஆனால் என் மனதில் அளவில்லாத உற்சாகம் அப்போதும் இருந்தது. அது என் பயிற்சிகளுக்கு பிறகு நான் கண்ட முதல் தெளிவான கனவு.

தெளிவான கனவு என்பது ஒரு paradoxical வடிவம்தான். ஏனெனில் உணர்வுநிலையிலும் உணர்வற்றநிலையிலும் ஒரே சமயத்தில் இருக்கும் முரண்பாடான விஷயம் அது. அப்படிப்பட்ட தெளிவான கனவுகளை காண்பது எளிதானதல்ல. முதலில் ஒரு கனவை எப்படி உணர்வது என்பதை மேற்கண்ட எடுத்துக்காட்டில் பார்த்தோம். அடுத்து அக்கனவில் தொடர்ந்து இருப்பது எப்படி?

முதலில் தெளிவான கனவில் நீடித்து இருக்க நீங்கள் உங்கள் உணர்வுகள்/உணர்ச்சிகளை மட்டுப்படுத்த வேண்டும். அளவுக்கு அதிகமாக உணர்ச்சிவசப்படுதல் தெளிவான கனவை தகர்த்து விடும். அடுத்து நீங்கள் எடுத்துக்காட்டில் கண்டவாறு நீங்கள் உங்களுக்கு என்று உருவாக்கிய கனவு உணர்த்தியை கூர்ந்து நோக்குதல் கனவை நீடிக்க செய்யும். அடுத்து கனவில் உங்கள் புலன் உணர்வுகளை பயன்படுத்த வேண்டும். அதாவது கனவில் காண்பவை பார்த்து, கேட்டு, தொட்டு, முகர்ந்து, ருசித்து அவை நிஜம்போல் உள்ளதை உணர வேண்டும். ஏனெனில் நம் புலனுறுப்புகள் கனவை நிஜத்தையும் பெரிதாக வேறுபடுத்தி பார்ப்பதில்லை. நம் மனம் மட்டுமே அவற்றை வேறுபடுத்துகிறது. இப்படி ஒவ்வொன்றை கனவென்று தெரிந்த பின்னும் உணர்ந்து கொள்வது தெளிவான கனவு காணுதலை நீட்டிக்கும்.

இங்கே ஒன்றை கவனிக்க வேண்டும் தெளிவான கனவு காணுதலில் நன்றாக கனவென்று உணர்ந்து கனவை விட்டு வெளியேறும் நிலைக்கு வரக் கூடாது. அதே சமயம் கனவில் உணர்வுகளை பயன்படுத்தி உணர்வதால் அது ஆழமாக அது கனவென்று உணரும் நிலையிலிருந்து அது நிஜமே என நினைக்கும் நிலைக்கும் செல்லக் கூடாது(இன்ஷப்சன் படம் இதற்கு சிறந்த உதாரணம்). இந்த இடைப்பட்ட சமநிலையையே தொடர்ந்திருக்கச் செய்ய வேண்டும்.

1. கனவு குறிப்பேடுகள்- கனவுகளை குறித்து வைத்தல்
2. கனவு பற்றிய விஷயங்களை அடிக்கடி படித்தல், கேள்விப்படுதல், ஆராய்தல்
3. தூங்கும் முன் மனதை ஒருமுகப் படுத்துதல், ஓய்வாக்கி கொள்ளல்- தியானம், யோகா, மூச்சுப் பயிற்சி
4. சுய ஹிப்னாடிசம்/நினைவுத் தூண்டல் - இதுதான் கனவு குறியீடு உருவாக்கி உங்களுக்குள்ளேயே சொல்லிக் கொள்ளும் செயல்

இவை கனவை உணர செய்யப்படும் அடிப்படையான செயல்கள் ஆகும். தெளிவான கனவை நாம் முதலில் உணர்வதே நம் முதல்படி ஆகும். அதனை நன்கு பழக்கப் படுத்திய பிறகு அடுத்த படியான நீடித்து நிலைத்திருத்தலுக்கு செல்ல வேண்டும்.

இன்றிலிருந்து நீங்களும் ஒரு கனவு குறீயீட்டை உங்களுக்கென்று தீர்மானித்து கொள்ளுங்கள். தூங்கும் முன் தூக்கம் வரும் வரை ‘அதை இன்று கனவில் பார்ப்பேன் பார்த்த உடன் அது கனவென்று உணர்ந்து கொள்வேன்’ என மனதிற்குள் சொல்லிக் கொள்ளுங்கள். தொடர்ந்து செய்யுங்கள். சில நாட்களில் கனவை நீங்களும் உணர்வீர்கள். அப்படி உணர்ந்தால் பகிர்ந்து கொள்ளுங்கள்!

அடுத்த பதிவில் நிழல் நினைவுகள் பற்றி பார்ப்போம். தெளிவான கனவுகள் மேலும் தொடரும்......

ஃபோட்டோஷாப் 18 - Picture to Oil Painting

2010-11-27T17:05:00.000-08:00

முதலில் தேவையான படத்தை எடுத்துக் கொள்ளவும். அதை Duplicate செய்து கொள்ளவும். பிறகு Image-> Adjustments-> Hue/Saturationஐ கிளிக் செய்து Saturationஐ மட்டும் 40-50%க்குள் அமைக்கவும்.
இப்போது நான்கு filterகளை இப்படத்திற்கு அளிக்க போகிறோம். முதலில் Filter -> Distort-> Glass என்பதை கிளிக் செய்யவும். Distortion: 3, Smoothness: 3, Texture: Canvas, Scaling: 79% என அமைக்கவும். இது படத்திற்கேற்ப மாறுபடலாம். ok கொடுக்க வேண்டாம். உடனே New effect layer பட்டனை கிளிக் செய்யவும். தனித்தனியாக filterகளை அளிக்காமல் effects layer மூலம் அளிப்பதால் filterகளை அளித்த பிறகும் அவற்றை எளிதாக அட்ஜஸ்ட் செய்யலாம்.

பிறகு Artistic-> Paint Daubsஐ கிளிக் செய்யவும். Brush Size: 4, Sharpness: 1, மற்றும் Brush Type: Simple என தேர்ந்தெடுக்கவும். இதுவும் படத்திற்கேற்ப மாறுபடலாம். பிறகு New effect layer பட்டனை கிளிக் செய்யவும்.

பிறகு Brush Strokes-> Angled Strokesஐ கிளிக் செய்யவும். Direction Balance: 46, Stroke Length: 3, Sharpness: 1 என கொடுங்கள். இதுவும் படத்திற்கேற்ப மாறுபடலாம். பிறகு New effect layer பட்டனை கிளிக் செய்யவும்.

கடைசியாக Texture-> Texturizerஐ கிளிக் செய்யவும். Texture: Canvas, Scaling: 65%, Relief: 2 எனவும் Light: Top Left எனவும் தேர்ந்தெடுங்கள். பின் ஃபில்டர்களில் மாற்றம் தேவையென நினைத்தால் செய்து விட்டு ok கொடுக்கவும்.

பிறகு அந்த லேயரை Duplicate செய்யவும். Filter-> Stylize-> Embossஐ கிளிக் செய்யவும். Angle: 135%, Height: 1 pixel, Amount: 500% என கொடுக்கவும்.

கடைசியாக Blending Modeஐ Overlay என மாற்றவும். Opacityஐ தேவையான அளவு குறைக்கவும்.

DEMO:

கனவுகள் 16 - ஒரு சிறிய இடைவேளை

2010-11-22T15:54:00.000-08:00

“Great dreams of great dreamers are always transcended.”

(சிறப்பாக கனவு காண்பவர்களின்) சிறந்த கனவுகள் எப்போதும் நம்பிக்கைக்கு அப்பாற்பட்டவைகளாக, அனுபவ வரம்பை மீறியவைகளாகவே இருக்கின்றன.

- அப்துல் கலாம்

கனவு என்பது ஒரு சாதாரணமான ஒன்று. அதுபாட்டுக்கு நடந்துட்டு போகட்டுமே. அதை ஏன் இப்படி யோசிக்க வேண்டும்? அதை ஏன் ஞாபகம் வைக்க வேண்டும்? அதைப் பற்றி நாங்கள் ஏன் அறிந்துகொள்ள வேண்டும்? அதற்கு விதிகள், பலன்கள், இப்படி நடக்கணும் அப்படி நடக்கனும்கிறதெல்லாம் தேவையா? இதற்கு இத்தனை பதிவுகளா என நீங்கள் நினைக்கலாம்.

சரி, நம் உடலில் ஏன் வியர்க்கிறது? ஏன் நம் இதயம் துடிக்கிறது? நம் சிறுநீரகம் ஏன் வேலை செய்கிறது? நமக்கு ஏன் முடி முளைக்கிறது?

இந்த எல்லா கேள்விகளுக்கு ஒரு பதில் உண்டு. இவையெல்லாம் தானாக உடலில் நிகழும் நிகழ்வுகள். ஆனால் உடல் எந்த செயலையும் தேவையில்லாமல் செய்வதில்லை. எல்லாவற்றிற்கு ஒரு முக்கியமான அவசியமான காரணம் உண்டு!!

நாம் தூங்குகிறோம். அது எதற்காக? மூளை ஓய்வெடுக்கவா? இல்லவே இல்லை! தூங்கும்போதும் மூளை செயல்பட்டு கொண்டுதான் இருக்கிறது. தூக்கம் பிறகு உறுப்புகளுக்கு கொஞ்சம் ஓய்வளிக்கவே நடக்கிறது. சரி அப்படிபட்ட தூக்கத்தில் மூளை செயல்பட்டு கொண்டே இருக்கின்ற போது, அதில் பெரும்பகுதியை எடுத்துக் கொள்ளும் கனவுகள் தேவையற்றதா?????

அப்படி தேவையற்றதானால் ஏன் நம் மூளை அதற்கு அனுமதிக்க வேண்டும்? நாமாக செய்வதானால் அது தேவையற்றதாக இருக்கலாம், ஆனால் கனவுகள் தானாக நடக்கும் செயல்! அப்படியானால் கனவுகள் நம் உடலுக்கு, நம் மனதிற்கு அவசியம் தேவை!!!!

பெரும்பாலான நேரங்களில் மூளை கனவுகளை ஒரு வடிகாலாகவே பயன்படுத்துகிறது. ஆம்! நம் ஆசை, விருப்பு, வெறுப்பு, கோபம், பயம், விரக்தி போன்று, நாம் வெளி உலகில் முழுமையாக வெளிப்படுத்த முடியாத உணர்வுகளை வெளிப்படுத்தவே கனவுகளை உருவாக்கிறது. கனவுகள் நம்மை பிரதிபலிக்கும் கண்ணாடி!

மூளை தன்னுள் பதித்து வைத்துள்ள நினைவுகளை, ஞாபகங்களை கொண்டு அதில் உணர்வுகளை புகுத்தி, சம்பவங்கள், இடங்கள் போன்ற ஒரு மாய உலகத்தை படைத்து கனவுகளை உருவாக்குகிறது. இப்படி பல விஷயங்களை ஒரே சமயத்தில் கலப்பதால் அது புரியாததாக தோன்றுகிறது. ஆனால் கூர்ந்து கவனித்தால் அது சொல்ல வரும் விஷயம் தெரியும்.

சரி, கனவுகள் உடலுக்கும் மனதுக்கும் அவசியமானதென்றே வைத்துக் கொள்வோம். அதுபாட்டுக்கு நடந்து போகட்டுமே. அதை ஏன் நான் ஞாபகம் வைக்க வேண்டும்? அதற்கு வழிமுறைகளெல்லாம் செய்ய வேண்டும்? என கேட்பீர்களானால்.....

**************************

இந்த தொடரை ஆரம்பித்த காரணம், கனவு பற்றி எனக்கும் ஆர்வம் இருந்ததால் அதைப் பற்றி கொஞ்சம் எழுதலாம் என நினைத்தேன். ஆனால் எழுத ஆரம்பித்தவுடன் அதைப் பற்றி ஆராய ஆராய அதன் பலன்கள் ஆச்சரியமாக இருந்தது. அதைப் பற்றி மற்றவர்களுக்கு தெரியப்படுத்தி அவர்களும் பலனடைந்தால் மகிழ்ச்சியே என்று நினைத்தே எழுதுவதை தொடர்ந்தேன். அது நீளமாகி விட்டது. ஆனால் இப்படி எழுதாவிட்டால் தொடரின் பலன் கிடைக்காதோ என்று எண்ணி தொடர்கிறேன்.

இந்த தொடரின் மைய நோக்கம் தெளிவான கனவுகள் தான்!!! ஏன்?

தெளிவான கனவுகள் ஒரு வித்தியாசமான அனுபவம், உணர்வை அளிக்கும். அதே சமயம் அதற்கு பலன்கள் அதிகம்!

எதிர்காலத்தை அறிதல், உடலை விட்டு வெளியேறுதல் போன்ற பலன்களை விட்டு விடுங்கள்! ஏனெனில் அவற்றை நம் அறிவு நம்ப இயலாது! ஆனால் நிச்சயமாக தெளிவான கனவுகளை காணும் வழிகளை கற்றுக் கொண்டு அதை செயல்முறை படுத்தும்போது சில பலன்களை நீங்கள் கண்கூடாக உணர முடியும்.

உங்கள் அறிவு/புத்திக்கூர்மை அதிகமாகும்
பிரச்சினைகள், குழப்பங்கள் போன்றவை எளிதாக தீர்ப்பீர்கள்
உங்களுக்குள் இருக்கும் மனரீதியான பிரச்சினைகள் எளிதில் சரியாகும்.(தானாக எப்படி சரியானதென்று கூட தெரியாது!)
ஒரு மாயலோகத்திற்கு இனிமையான பயணம் சென்று வருவது போன்ற இன்ப உணர்வை அளிக்கும்
முக்கியமாக எப்போதும் மனதில் உற்சாகம் இருந்துகொண்டே இருக்கும்!

தெளிவான கனவுகளை ஞாபகம் வைப்பதும், கனவை கனவென்று உணர்ந்து கனவு காணுதலும் எளிதான விஷயமல்ல! அதற்கென சில வழிமுறைகளை நாம் கையாளத்தான் வேண்டும். சில வழிகள் குழப்பமாக இருக்கலாம்! இது எப்படி பலனளிக்கும் என தோன்றலாம். ஆனால் அவற்றை பயன்படுத்தி பார்த்தலே சரியான விடையை உங்களுக்கு அளிக்கும்.

-----------------------

கனவை கனவென்று உணர்ந்த பின் அது எப்படி கனவை தொடர முடியும் என்றால்,

முடியும் அதை நீங்கள் உணர்ந்திருக்கலாம், உதாரணமாக என் சிறுவயது கனவொன்றை சொல்கிறேன். இதன் அர்த்தம் அப்போது எனக்கு புரியவில்லை. ஆனால் நினைவில் தங்கிவிட்டது. கனவின் ஆராய்ச்சியில் அதைப் பற்றி புரிந்து கொண்டேன்.

எனக்கு பூந்தளிர் போன்ற புத்தகங்களில் ஆர்வம் அதிகம். ஆனால் அவை எனக்கு படிக்க கிடைக்கவில்லை. அதன் மீதான ஆசை அதிகம் இருந்தது.

நான் என் கிராமத்து வீட்டில் ஒரு அறையில் எதையோ தேடும்பொழுது பூந்தளிர் புத்தகங்கள் நிறைய அடுக்கி வைக்கப்பட்டிருந்தன. அவற்றை பார்த்தவுடன் அளவில்லா மகிழ்ச்சி! உடனே ஒரு புத்தகத்தை எடுத்து அதில் ஒரு கதையை (அது ஒரு விருப்பமான கதை) படிக்க ஆரம்பித்தேன். சுவாரசியமாக ஒவ்வொரு பக்கமாக படித்து கொண்டிருந்தபோது ஒரு பக்கத்தை காணவில்லை, அது எங்கே என தேடியபோது அங்கே அடுக்கி வைக்கப்படிருந்த புத்தகங்கள் எதையும் காணவில்லை! தலை சுற்றுவது போல் இருந்தது. அந்த பக்கம் எங்கே என தெரியவில்லை. எனக்கு அது கனவு என புரிந்தது. ஆனால் நான் அதிலிருந்து விலக விரும்பவில்லை, (மிக முக்கியம்- நான் கண் விழிக்கவில்லை) கட்டாயமாக மீண்டும் கதைப் புத்தகத்தை பார்த்து மீதம் இருந்த கதைப்பகுதியை படித்தேன். ஆனால் அதற்கு மேல் தொடர முடியவில்லை. நான் கண் விழித்தேன்.

அந்த கனவு அதிகபட்சம் 10 நிமிடம் இருந்திருக்கலாம். ஆனால் அது தந்த அந்த இன்ப உணர்வை உண்மையாக அந்த புத்தகத்தை அதன் பின் படித்தபோது கூட ஏற்படவில்லை. அதுதான் தெளிவான கனவின் அற்புதம்!

ஆனால் என் வாழ்வில் அப்படி ஒருமுறைதான் நிகழ்ந்தது! எனவே தெளிவான கனவுகளை கனவென்று உணர்ந்தபின்னும் தொடர முடியும்!

-----------------

இந்த தொடரில் தெளிவான கனவுகள் பற்றிய வழிமுறைகள் விளக்கங்களை எழுதிய பின் கடைசியாக கனவு பலன் எப்படி பார்ப்பது என எழுதப் போகிறேன். நிச்சயம் உங்களாலும் 50%-ஆவது கனவு பலன்களை துல்லியமாக சொல்ல முடியும். அதற்கான வழிகள் இத்தொடரின் வரும். அவை எல்லாம் உளவியல் அடிப்படையில் அமைந்தவை.

இந்த பதிவை எழுதக் காரணம் சில பின்னூட்டங்கள். அதன் சாராம்சம், கனவின் பயன்கள், அதன் விளக்கங்களை அவர்கள் சரியாக புரிந்துகொள்ள வில்லையோ அல்லது நான் சரியாக சொல்லவில்லையா என சந்தேகம் எழுப்பிவிட்டது! அதனாலேயே சிறிது விளக்கம் கொடுக்கும் வகையில் இந்த பதிவு! ஆனால் இது என் ஆராய்ச்சியை மேலும் செம்மைபடுத்தியுள்ளது!

இதுவரை தொடர்ந்து இத்தொடரை படித்துவரும் அனைவருக்கும் மிக்க நன்றிகள்! இதனால் ஒருவர் பயன்பட்டாலும் எனக்கு மிக்க மகிழ்ச்சியே!

இனி கனவுகளை மேலும் தெளிவாக சொல்ல முயற்சிக்கிறேன். அடுத்த பதிவில் தெளிவான கனவுகள் தொடரும்!

அடோப் ஃபிளாஷ் (64) - Transportation Effect

2010-11-22T15:53:00.001-08:00

முதலில் ஒரு பேக்ரவுண்ட் படத்தை எடுத்துக் கொள்ளவும். பிறகு புதிய லேயரை(pic layer) உருவாக்கி அதில் ஒரு நபரின் படத்தை எடுத்துக் கொள்ளவும். அதை ரைட்கிளிக் செய்து சிம்பலாக மாற்றிக் கொள்ளவும். typeல் movie clipஐ தேர்ந்தெடுக்கவும். மூன்றாவதாக ஒரு லேயரை(effect layer) உருவாக்கி அதிலும் அந்த சிம்பலை எடுத்து விடவும்.

எஃபக்ட் செய்யும் முறை:

இரண்டாவது லேயரை லாக் செய்து கொள்ளவும். மூன்றாவது லேயரில் சிம்பலை செலக்ட் செய்யவும். பிறகு கீழே பிராப்பர்டி சேனலில் colorல் Tintஐ தேர்ந்தெடுத்து வெள்ளை நிறத்தை 100% கொடுக்கவும்.

பிறகு கீழே Filtersல் +ஐ கிளிக் செய்து Blurஐ தேர்ந்தெடுக்கவும். Blur X, Y ஐ 11 என கொடுக்கவும். Qualityஐ Low என கொடுக்கவும்.

பிறகு 10 பிரேம்களுக்கு கீபிரேமை இன்சர்ட் செய்யவும். 11வது பிரேமில் Blank keyframeஐ இன்சர்ட் செய்யவும். கடைசி 2 பிரேமை தவிர்த்து மீதி பிரேம்களில் படத்தை கிளிக் செய்து பிராப்பர்டி பேனலில் Colorல் Alpha: 0% என கொடுக்கவும்.

படத்தினை காண்பிக்கும் முறை:

மூன்றவாது லேயரை லாக் செய்து விட்டு இரண்டாவது லேயருக்கு வரவும். லாக்கை எடுத்து விடவும். 1வது பிரேமில் உள்ள கீபிரேமை 11வது பிரேமுக்கு இழுத்துவிடவும். அப்படியே 12வது பிரேமிலும் ஒரு கீபிரேமை இன்சர்ட் செய்யவும். மீண்டும் 11வது பிரேமை கிளிக் செய்து படத்தை கிளிக் செய்யவும். Filtersல் +ஐ கிளிக் செய்து Glowஐ தேர்ந்தெடுக்கவும். Blur X, Y ஐ 57 என கொடுக்கவும். வெள்ளை நிறத்தை தேர்ந்தெடுக்கவும். Qualityஐ Low என கொடுக்கவும்.

60வது பிரேமில் ஒரு கிபிரேமை இன்சர்ட் செய்யவும். 61வது பிரேமில் ஒரு blank keyframeஐ இன்சர்ட் செய்யவும். இதேபோல் மூன்றாவது லேயரில் 60வது பிரேமில் ஒரு blank keyframeஐ இன்சர்ட் செய்யவும். கடைசியாக மூன்றாவது லேயரில் 1முதல் 10வது பிரேம்களை செலக்ட்செய்து காபி செய்து 61 பிரேமில் பேஸ்ட் செய்யவும்.

மேலும் அடுத்த எஃபக்ட்டு இடைவெளியாக 10 பிரேம்களை காலியாக விடவும். இதேபோல் ஒவ்வொரு இடத்திலும் சிம்பலை நுழைத்து அதன் அளவை மாற்றவும். பிறகு எஃபக்ட் மற்றும் படத்திற்கு தேவையானதை செய்யவும்.

DEMO:

ஃபோட்டோஷாப் 17 - Gradient Map

2010-11-22T15:53:00.000-08:00

படத்தை எடுத்துக் கொள்ளுங்கள்.

New Adjustment Layer பட்டனை அழுத்தி Black & White என்பதை கிளிக் செய்யவும். அதில் ஸ்லைடர்களை விருப்பம்போல் படத்தின் நிறங்களை bright அல்லது darkஆக மாற்றவும்.

பிறகு New Adjustment Layer பட்டனை அழுத்தி Gradient Map என்பதை கிளிக் செய்யவும். அதில் கிரேடியண்டை கிளிக் செய்து Gradient Editerஐ வரவழைத்து விருப்பம்போல் நிறங்களை அமைக்கவும்.

கிரேடியண்ட் நிறங்களை அமைக்கும் முறை இப்பதிவில் விரிவாக அளிக்கப்பட்டுள்ளது.

http://manamplus.blogspot.com/2010/11/15-rainbow-effect.html

அந்த கிரேடியண்ட் லேயரின் Blending Modeஐ Soft Lightஆக மாற்றவும். அல்லது Opacityஐ குறைக்கவும். இரண்டையும் கூட செய்யலாம்.

DEMO:

கனவுகள் 15 - தெளிவான கனவுகள்(iii)

2010-11-18T10:34:00.000-08:00

Nothing happens unless first we dream. - Carl Sandburg

கனவு உலகிற்கும் நிஜ உலகிற்கு தொடர்பை எப்படி உணர்வது? கனவில் நாம் ஒரு கோட்டைக் செல்கிறோம் என்று வைத்துக் கொள்வோம். அங்கு ஒரு வைரக் கல்லை எடுக்கிறோம். கனவிலிருந்து விழித்த பின் அந்த வைரக் கல் நம் கையில் இருக்குமா? இல்லை! ஆனால் தெளிவான கனவுகள் அந்த அளவிற்கு உண்மையாக தெரியும். அதில் குறிப்பிட்ட ஒரு புள்ளியில்தான் கனவு என உணரவே முடியும். எனவே உங்கள் கனவு உண்மையாக தோன்றுகிறது. ஆனால் அது கனவென்று தோன்றிய பிறகு விழித்து விடுவீர்கள். சில சமயங்கள் ஒரு கனவு கண்டு விழித்த பின் கனவில் வந்த உருவம்/இடம் போன்றவை கண் முன் ஒரு நிழல்போல தோன்றுவதை உணர்ந்திருக்கலாம்.

பிறகு உங்கள் தெளிவான கனவை எப்படி மற்றவர்களுக்கு நிரூபிப்பது? பல ஆய்வுகளுக்கு பிறகு ஆய்வாளர்கள் கண்டறிந்தது: தெளிவான கனவுகளின் போது துரித கண் அசைவுகள் (REM) இருக்கும் என்பதை நாம் அறிவோம். தூங்கும் முன் சில மின்காந்த கருவிகள் மூலம் மூளையின் அலைகள், மற்றும் கண் அசைவுகள், தசை தொனிளை பதிவு செய்த பின், தெளிவான கனவுகளுடன் ஒப்பிட்டு பார்த்தவும் ஒரு முடிவுக்கு வந்தனர். அதாவது தெளிவான கனவுகளில் ஏற்படும் கண் அசைவுகள் கனவுகளில் நாம் பார்க்கும் திசையை குறிக்கிறது. அதாவது நம் கண் அசைவு இடது பக்கமிருந்து வலது பக்கம் சென்றால் நாம் கனவில் இடது பக்கமிருந்து வலது பக்கமாக பார்க்கிறோம் என்று அர்த்தம்.

சரி கனவு உலகிற்கும் நிஜ உலகிற்கும் நேர வித்தியாசம் என்னவாக இருக்கும்? உண்மையில் ஆய்வுகள் கனவு காணும் நேரம் நிஜ உலக நேரத்திற்கு கிட்டதட்ட சமமாகவே உள்ளன. ஆனால் சில சமயம் கனவு கண்டவுடன் பல நாட்கள், ஏன் பல வருடங்கள் கனவு கண்டது போல் கூட இருக்கலாம். இந்த மாயத் தோற்றம் கிட்டதட்ட ஒரு படத்தில் வருவது போலவே உள்ளது. அதாவது படத்தில் இரவை காண்பிப்பார்கள். பிறகு கொஞ்ச நேரத்தில் சூரிய உதயத்தை காண்பிப்பார்கள். நாமும் விடிந்து விட்டதாக ஏற்றுக் கொள்கிறோம். ஆனால் உண்மையில் ஆனது சில வினாடிகள் தான். இப்படித்தான் கனவிலும் நிகழ்கிறது சில நிமிடங்கள் கனவில் பல மணி நேர நிகழ்வுகள் நடப்பதாக ஒரு மாயத் தோற்றம் உண்டாகின்றது.

கனவில் நிகழும் நிகழ்வு நிஜத்தில் நடக்கும்போது மூளை எந்த அளவு வேலை செய்கிறது அதே அளவு கனவிலும் செயல்படுகிறது. உதாரணமாக பாடும்போது வலது பக்க மூளை செயல்படும். கனவில் பாடும்போதும் அவ்வாறே மூளை(சில சமயம் உடலும்) செயல்படுகிறது. இந்த மூளை செயல்படுவதாலும் கனவு நிஜம் போல தோன்றுகிறது.

நானும் என் நண்பனும் பைக்கில் காலேஜுக்கு சென்று கொண்டிருந்தோம். அவன் எப்போதாவது வண்டி ஓட்டுவான். அவன் வண்டியை வேகமாக ஓட்டிக் கொண்டு போனான். டிராபிக் சிக்னலில் ரெட் விழுந்திருந்தது. ஆனால் அவன் வண்டியை நிறுத்தாமல் வண்டியை ஓட்டிக் கொண்டு போனான். நான் கத்தினேன். ஆனால் அவன் கேட்கவில்லை. டிராபிக் கான்ஸ்டேபிளும் எங்களை கண்டுகொள்ளவில்லை. இப்படியே எல்லா சிக்னலிலும் சென்றான். நாங்கள் காலேஜை அடைந்தோம். அவன் எப்படி வந்தேன் பார்த்தியா என சந்தோசமாக சொல்லிக் கொண்டே கிளாஸை நோக்கி சென்றான். திடீரென  ஒரு புறாக் கூட்டம் பறந்து வந்தது. காலேஜில் புறாவே இருக்காதே என நினைத்துக் கொண்டிருக்கும்போதே புறாக்கள் அதிகமானது. அது கனவென அப்போது உணர்ந்தேன். புறாக்கள் என்னை நோக்கி வேகமாக வர நான் விழித்துக் கொண்டேன்.

-------------------------------

பலருக்கு தெளிவான கனவுகள் தோன்றியிருக்கும். ஆனால் எத்தனை தெளிவான கனவுகளை கண்டிருக்கிறீர்களா என கேட்டால் மிக குறைவான எண்ணிக்கையே சொல்வார்கள். காரணம் கனவுகளை, குறிப்பாக தெளிவான கனவுகளை நினைவில் கொள்வது அவற்றை நிலைநிறுத்துவதும் கடினமாகும். தெளிவான கனவு நிலையில் நீண்ட நேரம் எப்படி இருப்பது?

தெளிவான கனவை முதலில் ஊக்கப்படுத்த வேண்டும். இதற்கு தூங்கும் முன் தியானம் செய்வது ஒரு சிறந்த வழிமுறை ஆகும். தூங்கும் முன் “இன்று நான் ஒரு தெளிவான கனவை காண வேண்டும் அது விழித்த பிறகு அது நினைவில் இருக்க வேண்டும்.” தூங்கும் முன் உடலை முடிந்தவரை ஓய்வாக்கி, மூச்சை சீராக்கிக் கொள்ள வேண்டும். அடுத்தது ஒரு சிம்பலை உங்களுக்குக் சென்று உருவாக்கிக் கொள்ளுங்கள். அதாவது “நான் ஒரு குரங்கை பார்த்தால் நான் கனவு காண்பதை உணர்வேன்” இப்படி செய்வது கனவை உணர வைக்கும். தூங்கும் நிலையும் கனவு காண உதவுகிறது. ஒவ்வொருவரும் ஒவ்வொரு நிலையில் தூங்குவார்கள். உங்களுக்கு எது வசதியான நிலையோ அந்நிலையில் தூங்குங்கள்.

தெளிவான கனவு நீடிக்க இயலாமல் போக காரணம் அது கனவு என்று உணர்ந்தவுடனே விழித்து விடுவார்கள். தெளிவான கனவு நிலையில் இருக்க சில வழிகள்: (இவை கனவில் செய்ய வேண்டியவை)

1. உங்கள் முன் உள்ள ஒரு உறுதியான பொருளை(பொருட்கள், தரை, உடல் போன்றவை) கூர்ந்து கவனியுங்கள். கெட்டியான எதையாவதை தொடுங்கள். உங்கள் கைகளை இறுக்கமாக பிடித்துக் கொள்ளுங்கள்.

2. உங்களை நீங்களே சுழற்றுங்கள்(சுற்றுங்கள்). கனவில் நீங்கள் அடுத்து காணப்போகும்/கையாளப்போகும் பொருளை நோக்கி திரும்புவது சுழன்று நில்லுங்கள்.

3. பொதுவாக கனவுகளில் எழுச்சி நிலையில் இருப்போம். அதுவும் தெளிவான கனவுகளில் நிச்சயம் உற்சாகம் அதிகமாக இருக்கும். ஆனால் இந்த கிளர்ச்சி கனவிற்கு எதிரி போன்றது. எனவே உங்களை அமைதிப் படுத்திக் கொள்ளுங்கள். இது கனவு, நான் கனவு கண்டுகொண்டிருக்கிறேன் என்று திரும்ப திரும்ப சொல்லிக் கொள்ளுங்கள்.

தெளிவான கனவுகள் பற்றி மேலும் தெளிவடைய அடுத்த பதிவில் சந்திப்போம்....

ஃபோட்டோஷாப் 16 - Antique effect

2010-11-18T10:33:00.000-08:00

முதலில் தேவையான படத்தை எடுத்துக் கொள்ளுங்கள். புதிய லேயர் உண்டாக்கவும்.

பிறகு கீழ்காணும் படத்தை எடுத்துக் கொண்டு அதை போட்டோஷாப்பில் திறந்து செலக்ட் செய்து புதிய லேயரில் பேஸ்ட் செய்யவும். பழைய படத்தின் அளவிற்கு இந்த படத்தை அமைக்கவும். Blend Modeஐ Soft Light ஆக மாற்றவும்.

பிறகு கீழ்காணும் புதிய லேயர் உருவாக்கவும். பிறகு கீழ்காணும் படத்தை எடுத்துக் கொண்டு அதை போட்டோஷாப்பில் திறந்து செலக்ட் செய்து புதிய லேயரில் பேஸ்ட் செய்யவும். Blend Modeஐ Multiply ஆக மாற்றவும். Image-> Adjustments-> Brightness and contrastஐ எடுத்து Brightnessஐ தேவையான அளவு அதிகமாக்கவும்.

Layer->New Adjustment Layer-> Levelsஐ கிளிக் செய்யவும். 15, 1.48, 255 என மதிப்புகளை அளிக்கவும்.

Layer->New Adjustment Layer-> Hue/Saturationஐ கிளிக் செய்யவும். Colorizeஐ டிக் செய்யவும். Hue : 38, Saturation: 22 மற்றும் Lightness: 0 என அமைக்கவும்.

DEMO:

அடோப் ஃபிளாஷ் (63) - Forward, Backward, Close Buttons

2010-11-17T05:25:00.000-08:00

இங்கே Main என்ற மூவிகிளிப்பிற்குள் ஒரு சிறிய ஸ்லைட் ஷோவை உருவாக்கப்பட்டுள்ளது. அந்த மூவிகிளிப்பின் நீளம் 90 பிரேம்கள்.

பிறகு அந்த மூவிகிளிப்பை ஸ்டேஜில் கொண்டு வந்த பிறகு அதற்கு clipname என்ற Instance Nameஐ கொடுங்கள்.

Forward, backward என இரண்டு பட்டன்கள உருவாக்குங்கள்.

Forward பட்டனை ரைட்கிளிக் செய்து Actions பேனலில் கீழ்காணும் ஸ்கிரிப்டை எழுதவும்.

on(release){
currentpos = clipname._currentframe
//-- Assume 24 frames = 1 second jump
newpos = currentpos + 24;
clipname.gotoAndPlay(newpos);
}

Backward பட்டனை ரைட்கிளிக் செய்து Actions பேனலில் கீழ்காணும் ஸ்கிரிப்டை எழுதவும்.

on(release){
currentpos = clipname._currentframe
//-- Assume 24 frames = 1 second jump
newpos = currentpos - 24;
clipname.gotoAndPlay(newpos);
}

ஹைலைட் செய்யப்பட்டுள்ள இடத்தில் எத்தனை ஃபிரேம்கள் தாண்ட வேண்டுமோ அதை இடவும்.

ஸ்லைட்ஷோ போல இல்லாமல் சிம்பிளாக படங்கள் இருக்க, பட்டனை கிளிக் செய்து நகர்த்த வேண்டுமானால்

ஒவ்வொரு பிரேம்களிலும் ஒவ்வொரு படத்தை வைக்கவும். Forward, Backward, Numbers பட்டன்களை உருவாக்கவும். முதல் பிரேமில் ரைட்கிளிக் செய்து ஆக்சன் பேனலில் stop (); என்ற ஸ்கிரிப்டை எழுதவும்.

Forward பட்டனை ரைட்கிளிக் செய்து கீழ்காணும் ஸ்கிரிப்டை எழுதவும்.
on(press) {
nextFrame();
}

Backward பட்டனை ரைட்கிளிக் செய்து கீழ்காணும் ஸ்கிரிப்டை எழுதவும்.
on(press) {
prevFrame();
}

எண்கள் பட்டன்களை கிளிக் செய்து கீழ்காணும் ஸ்கிரிப்டை எழுதவும்.
on(press){
gotoAndStop(1);

}
ஹைலைட் செய்யப்பட்டுள்ள இடத்தில் பிரேமின் எண்ணை எழுதவும்.

Close buttonஐ சேர்க்க இந்த ஸ்கிரிப்டை சேர்க்கவும்.

on (release) {
unloadMovie(this);
}

குறிப்பு: இவை அனைத்தும் ActionScript 2.0 ல் செய்யப்பட்டவை.

கனவுகள் 14 - தெளிவான கனவுகள்(ii)

2010-11-14T16:04:00.000-08:00

நான் என் அக்வேரியத்தில் நின்று தொட்டியில் உள்ள புள்ளி வைத்த ரெமோரா(Remora-suckerfish) மீனை பார்த்துக் கொண்டிருந்தேன். அந்த மீன் வழக்கமாக பகல் நேரத்தில் நகர்வதில்லை அதனால் அதையே உற்றுப்பார்த்துக் கொண்டிருந்தேன். நான் உற்றுப் பார்த்துக் கொண்டிருந்தபோது அதே போல் அச்சு அசலான மேலும் இரண்டு மீன்கள் இருந்தன. முதலில் அதிர்ச்சியானேன். அவை எப்படி அதிகமானது என ஆச்ச்சரியப்பட்ட பிறகுதான் நான் உணர்ந்தேன் “நான் கனவு கண்டு கொண்டிருக்கிறேன்” உடனே நான் என்னைச் சுற்றி பார்த்தேன். 
என் கணவர், என் மகன், என் நாய்க்குட்டி எல்லாம் அங்கே இருந்தனர். அவர்களிடம் நாம் கனவு கண்டு கொண்டிருக்கிறோம் என கத்தினேன். இதனால் கனவை என்னால் இன்னும் நன்றாக உணர முடிந்தது. ஆனால் அவர்கள் என்னை நம்பவில்லை. இது கனவானால் நம்மால் பறக்க முடியுமே எனவே நான் குதித்து பறந்தேன். அப்போது அவர்கள் முகத்தை பார்த்தேன் அவர்கள் பயம் மற்றும் சந்தேகத்துடன் இருப்பது முகத்தில் தெரிந்தது நான் கீழே விழுந்து விட்டேன். பிறகு நான் விழித்துக் கொண்டேன்.

உங்கள் வாழ்வில் ஒரு முறையேனும் நீங்கள் நாம் இப்போது காண்பது கனவு என்பதை உணர்ந்திருக்கலாம். ஆனால் அதன் அக்கனவு தொடர்ந்திருக்குமா என்பது கேள்விக்குறியே! ஒரு தெளிவான கனவை நீங்கள் உணர்ந்தபின், சாதாரண கனவை விட அதில் நடக்க இயலாத, நம்ப முடியாத, அசாதாரணமான நிகழ்வுகள் நடக்கும். தெளிவான கனவை பற்றி ஆழமாக அறியும் முன் நம் விழிப்பு நிலை, தூக்க நிலை, கனவு நிலை ஆகியவை பற்றி பார்ப்போம்.

விழிப்பு என்பது ஒரு உயிரியல் நிகழ்வாகும். நம்மைச் சுற்றி என்ன நடக்கிறது என்பதை நம் புலனுறுப்புகள் ஒளி, ஒலி, சூடு, குளிர்ச்சி, வாசனை போன்றவைகளின் மூலம் கண்டறியப்பட்டு நம் மூளைக்கு அனுப்புகின்றன. நம் மூளை அத்தகவலை ஆராய்ந்து வெளி உலகில் என்ன நடக்கிறது என்பதை உணர்கிறது. நம் மூளை அப்டேட்டாக இருக்கிறது. உலகில் என்ன நடக்கிறது என்பதையும் அதன் மூலம் என்ன நடக்க கூடும் என்பதையும் கணிக்கிறது. எல்லா உயிரினங்களிலும் இதுவே நடக்கிறது. இதனால் ஒரு தவளை பறக்கும் ஒன்றை தன் உணவாக நினைத்து விழுங்க நினைக்கிறது, பெரிய நிழலை ஆபத்தாக நினைக்கிறது. எனவே விழிப்பு என்பது சுற்றியுள்ளவற்றை உணர்தல் அதன் மூலம் விஷயங்களை தீர்மானித்தல் ஆகும்.

நாம் விழித்துக் கொண்டு ஏதாவது செயலை செய்துகொண்டிருக்கும்போது நம் மூளை வெளி உணர்வுகளுடன் தொடர்பு கொண்டு நல்ல இயக்கத்தில் இருக்கும், மேலும் நம் ஞாபக சக்தியுடன் தொடர்பில் இருக்கும். அதாவது நம் மூளை வெளி உலகுடன் நல்ல தொடர்பில் இருக்கும். நீங்கள் விழித்துக் கொண்டு, ஆனால் இயக்கத்தில் இல்லாதபோது, மூளை வெளி உலகுடன் குறைவான தொடர்புடனேயே இருக்கும். மேலும் மூளை ஏற்கனவே மூளையில் பதிந்துள்ள விஷயங்களையே பெரும்பாலும் கையாண்டு கொண்டிருக்கும். ஆனால் உங்கள் கவனத்தை நீங்கள் எளிதாக நிஜ உலகிற்கு கொண்டு வர முடியும்.

தூங்கும்போது மிக மிக குறைவான புலனுறுப்பு செயல்பாடு இருக்கும். எனவே மூளைக்கும் வெளி உலகிற்குமான தொடர்பு மிக மிக குறைவாக இருக்கும். தூங்கும்போது மூளை ஓய்விலிருக்கும் என நீங்கள் நினைப்பீர்கள் ஆனால் அது முற்றிலும் தவறு. தூக்கம் என்பது நம் மற்ற உடல் உறுப்புகளுக்கு ஓய்வளிப்பதற்காக செய்யப்படுவது ஆகும். தூக்கத்திலும் மூளை செயல்பட்டு கொண்டிருக்கும். ஆனால் அது வெளி உலகுடன் தொடர்பில்லாமல் இதுவரை சேர்ந்த நினைவுகளை கொண்டு வேலை செய்யும். தூக்கத்தில் சுயநினைவின் பிம்பங்களை சேர்த்து மூளையால் ஒரு சிறு உலகம் உருவாக்கப்படும். இது கனவிலிருந்து மாறுபட்டது. எல்லா சமயங்களிலும் இப்படி இரு உலகத்தை மூளை உண்டாக்காது, சில சமயங்களில் வெறுமனே சிந்தித்துக் கொண்டு கூட இருக்கும்.

தூக்க நிலை என்பது இரண்டு படிநிலைகளை கொண்டது. 1. அமைதி நிலை 2. இயக்க நிலை. இந்த இரண்டு நிலையிலும் நம் உடல் உறுப்புகளின் செயல்பாடு, உடல் இயக்கங்கள், வேதி மாற்றங்கள், உளவியல், நடத்தை மாற்றங்கள் ஆகியவை மாறுபடுகின்றன. மூளை அலைகள், கண் அசைவுகள், தசை தொனி போன்றவையும் இந்த இரண்டு நிலைகளிலும் வெவ்வேறாக உள்ளன. அமைதி நிலையில் நம் மூளை மிக குறைந்த அளவே செயல்படுகிறது மேலும் நாம் மூச்சு விடுதல் மெதுவாகவும் ஆழமாகவும் இருக்கின்றது. மேலும் வளர்சிதை மாற்றம் குறைவாக உள்ளது, வளர்ச்சி ஹார்மோன்கள் மீட்பு பணியை செய்கின்றன. இந்த நிலையிலிருந்து விழித்தால் விழிப்பவர்களுக்கு சூழல் உணர்வின்மை(நாம் எங்கே இருக்கிறோம் என்பது போல தோன்றுதல்) இருக்கும் மேலும் கனவுகள் மிக அரிதாகவே நினைவில் இருக்கும். இந்த நிலையை பூனை அல்லது நாய் தூங்கும்போது எளிதாக காணலாம். அவற்றின் மூச்சு சீராக மெதுவாக வந்து கொண்டிருக்கும். மேலும் இந்த நிலையில்தான் நபர்களுக்கு தூக்கத்தில் பேசுதல், தூக்கத்தில் நடத்தல் போன்றவை ஏற்படுகிறது.

இயக்க நிலையில் தூக்கம் முற்றிலும் மாறுபட்டிருக்கும். இந்த நிலையில்தான் கண் அசைவுகள் (இமை மூடியிருந்தாலும்) அதிகமாக இருக்கும். நாம் விழித்திருப்பதாக கூட மற்றவர்கள் நினைக்கலாம். மூச்சும் சீரற்று வேகமாக வந்து கொண்டிருக்கும். மூளை நீங்கள் விழித்து கொண்டிருக்கும்போது எந்த அளவு செயல்படுமோ அந்த அளவு செயல்பட்டுக் கொண்டிருக்கும். இதுதான் கனவிற்கான நிலை(குறிப்பாக தெளிவான கனவுகளுக்கு.) [இந்நிலையில் ஆண்களுக்கும் பெண்களுக்கு தங்கள் பிறப்புறுப்புகளுக்கு அதிகமான இரத்த ஓட்டம் பாயும்] இந்த எல்லா செயல்பாடுகள் நடை பெற்றாலும் உங்கள் உடல் அசைவற்று இருக்கும். இந்த நிலையில் நீங்கள் விழித்தால் சட்டென்று உங்களால் உடலை அசைக்க முடியாது. இந்த நிலையை நாய் தூங்கும்போது எளிதாக காணலாம். அதன் மூச்சு சீரற்று இருக்கும், வாலை அசைத்தல், சில சத்தங்களை எழுப்புதல் போன்றவற்றை தூக்கத்தில் செய்யும். அப்படியானால் அது கனவு கண்டு கொண்டிருக்கிறது என அர்த்தம்.

இந்த இயக்க நிலையில்தான் கனவுகள் ஏற்படுகின்றன. எனவே மூளை முழுக்க முழுக்க வெளி உலக தொடர்பின்றி இருக்கும். மூளையில் உள்ள விசயங்கள் மூலம் அது கனவுகளை உண்டாக்குகிறது. தூக்கத்தின் எந்த நிலையிலும் கனவு ஏற்படலாம் என்ற போதிலும் இயக்க நிலையில் காணப்படும் கனவுகளே ஞாபகம் வைத்துக் கொள்ள கூடியவையாகவும், பயனுள்ளவையாகவும் அமைகின்றன. தூக்க ஆரம்பித்த பிறகு முதல் நிலையும் இரண்டாம் நிலையும் மாற்றி மாற்றி ஏற்படும் சராசரியாக ஒவ்வொரு 90 நிமிடங்களுக்கும் இரவு முழுவது நடக்கும். இதில் நாம் கவனிக்க வேண்டியது. நம் தூங்க ஆரம்பித்த பின் ஏற்படும் முதல் REM தூக்கத்தின் 5-10 நிமிடங்களுக்கு பிறகு சிறு விழிப்பு வர வாய்ப்புண்டு அப்படி வந்தால் கனவை நாம் நன்றாக நினைவில் வைக்கலாம்.

நாம் இந்த தெளிவான கனவு பயிற்சியில் REM தூக்கத்தின் கால அளவை நீட்டித்தல், கனவை உணரும் வழிகள், கனவை ஞாபகம் வைத்தல் போன்றவற்றை முதலில் காணப்போகிறோம். தெளிவான கனவுகள் தொடரும்.....

கனவுகள் 13 - தெளிவான கனவுகள்(i)

2010-11-14T16:03:00.000-08:00

இது வரை நாம் இத்தொடரில் பார்த்தவை:
கனவு என்றால் என்ன?
கனவின் முக்கியத்துவம் மற்றும் பயன்கள்
கனவை ஞாபகம் வைக்கும் முறைகள்
கனவின் வகைகள்

அடுத்து நாம் காணப்போவது தெளிவான கனவுகள் (Lucid dreams). இதுவும் கனவின் ஒரு வகை என்றாலும் இதனை விரிவாக நாம் காணப்போவதற்கான காரணம் இதன் அளவில்லா பயன்கள். தெளிவான கனவுகளுக்கு செல்வோம்....

நானும் என் நண்பனும் என் வீட்டருகே உள்ள சாலை ஓரமாக நடந்து கொண்டிருந்தோம். மதிய வெயில் சுட்டெரித்தது. என் நண்பனிடம் வரும் வாரம் நாங்கள் நடத்த உள்ள நாடகம் பற்றி பேசிக் கொண்டிருந்தேன். அவன் அடிக்கடி மழை வரப்போகிறது என்றான். நான் அப்படி நடக்காது என்று கூறிக் கொண்டே வந்தேன். திடீரென வானம் இருண்டது. கிட்டதட்ட இரவு போல வானம் கருமையானது. நான் வானத்தை பார்த்துக் கொண்டே இருந்தேன். அது நீல, மஞ்சள், பச்சை, கருப்பு, வெள்ளை என நிறம் மாறிக் கொண்டே இருந்தது. இது எப்படி நடக்கும்? அப்போதுதான் நான் உணர்ந்தேன் நான் கனவு கண்டு கொண்டிருக்கிறேன்.

பொதுவாக கனவு என்பது செயலாலற்றல் அற்றது, தானாக நடப்பது. அதே போல கனவு காண்பவர் கனவை உண்டாக்க முடியாது, கட்டுப்படுத்தவும் முடியாது. ஆனால் தெளிவான கனவுகள் என்பது வித்தியாசமானது.தெளிவாக கனவு காண்பது என்பது ஒரு படத்தில் நடித்துக் கொண்டே அதை பார்ப்பது போலாகும். கனவு காண்பவர் கனவில் இருந்துகொண்டே கனவை காண்பார், சில சமயங்களில் அதை கட்டுப்படுத்தக் கூட முடியும். தெளிவான கனவு காண்பதில் சாதாரணமாக கனவை உணர்வது முதல் கனவின் நிகழ்வுகளை முழுமையாக கட்டுப்படுத்துவது வரை பல்வேறு படி நிலைகள் உள்ளன. சிலருக்கு எப்போதுமே இதை நடந்த முடியும், சிலருக்கு இரவில் மட்டும் நிகழும்.

பண்டைய காலங்களிலும் தெளிவான கனவுகள் பற்றி ஆழமாக ஆரய்ந்துள்ளனர். அவர்கள் தெளிவான கனவுகளை மாயஜாலங்கள் மற்றும் கடவுளை அடையும் வழியாக பயன்படுத்த முடியும் என நம்பினர். கனவு கோவில்களை கேள்விப்பட்டுள்ளீர்களா? அவை தூக்க கோவில்கள் எனவும் அழைக்கப்படுகின்றன. 4000 வருடங்களுக்கு முன் இக்கோவில்கள் எகிப்தில் காணப்பட்டன. மேலும் கிரேக்கம், ரோம நகரங்களில் காணப்பட்டன.(இந்தியாவிலும் இருந்ததாக கூறுகின்றனர்). அக்காலங்களில் இவை மருத்துவமனைகள் போல சிகிச்சைகள் அளிக்க பயன்பட்டன. அவை பெரும்பாலும் உளவியல் அடிப்படையில் இருக்கும். அங்கே அளிக்கப்படும் சிகிச்சைகளில் தெளிவான கனவுகள் பெரும்பாலும் பயன்பட்டன. இக்கனவுகள் சிகிச்சை கனவுகள் என அழைக்கப்படுகின்றன.

நவீன காலத்தில் தெளிவான கனவுகளை மேம்படுத்தப்பட்ட கனவு காணும் திறனாக காண்கின்றனர். இவற்றின் மூலம் கலைத்திறன், படைப்பு திறன் போன்றவை மற்றும் சிகிச்சை பெறுதல் போன்ற பலன்களை அடையலாம் என்கின்றனர்.தெளிவான கனவுகள் ஆஸ்ட்ரல் டிராவல்(ஆவிப் பயணம்) மற்றும் உளவியல் கனவுகளை உள்ளடக்கியுள்ளது. ஆவிப் பயணம் என்பது உடலை விட்டு வெளியே வந்து பார்ப்பது போன்றது. இது போன்ற ஒரு உணர்வை தெளிவான கனவுகள் ஏற்படுத்தும். இதன் மூலம் எதிர்காலத்தை காணலாம் என சிலர் நம்புகின்றனர். எப்படியிருப்பினும் தெளிவான கனவுகள் நீங்கள் அனுபவித்து ரசிக்க முடியும், ஏனெனில் இதில் அதிகப்படியான விடுதலை மற்றும் ஆற்றல் பெற்ற உணர்வை அனுபவிக்க முடியும்.

ஒரு நிகழ்வு நடந்து கொண்டிருக்கிறது. அதை நீங்கள் உணர்ந்து கொண்டிருக்கிறீர்கள். அப்போது “ஒரு நிமிடம்! இது வெறும் கனவுதான்!” என்று நீங்கள் உணர்ந்தால் அதுவே தெளிவான கனவு. பெரும்பாலான சமயங்களில் இப்படி தோன்றியபின் நீங்கள் விழித்து விடுவீர்கள் அந்த கனவும் முடிந்து விடும். ஆனால் அப்படியே அதே கனவை தொடரச் செய்து அது வரும் நிகழ்வுகளை நீங்கள் தீர்மானிக்கும் ஆற்றலை உங்களால் வளர்க்க முடியும். கனவு தானாக நடக்கும் விஷயமானாலும் இந்த தெளிவான கனவுகளில் நீங்களாக பங்கேற்று விழிப்பு நிலைக்கு செல்லாமல் கனவு காண முடியும்.

தெளிவான கனவுகள் என்னும் இப்பதம் முதன் முதலில் 20ஆம் நூற்றண்டில் டச்சு உளவியல் மருத்துவரான Frederik Willem van Eeden என்பவரால் பயன்படுத்தப்பட்டது. அதற்கு முன் இவை அசாதாரணமான பண்புகள் கொண்ட கனவுகள் என அறியப்பட்டன. பண்டைய காலகட்டத்தில் மேற்கத்திய பகுதிகளில் தெளிவான கனவுகள் மீது இருந்த ஆர்வம் கிறிஸ்துவ மதம் வளர ஆரம்பித்த காலங்களில் குறைந்தது. இதன் மீதான ஆர்வம் இஸ்லாமிய, புத்த, ஹிந்து மதங்களிலும் காணப்பட்டது. 19ஆம் நூற்றாண்டில் உளவியலாளர்கள் தெளிவான கனவுகளை ஆராய்ந்தனர். சிக்மண்ட் ஃபிராய்ட், கார்ல் ஜங்க் போன்ற ஆய்வாளர்கள் தெளிவான கனவுகள் பற்றிய கருத்துக்களை தெரிவித்துள்ளனர்.

தெளிவான கனவுகளை பயன்படுத்தி நம் படைப்பு திறனை மேம்படுத்தலாம், பிரச்சினைகளுக்கு தீர்வு கண்டறியலாம், உறவு, உடல்நலப் பிரச்சினைகள் சீர் செய்யலாம். பயங்கர கனவுகளிலிருந்து விடுபடலாம். தெளிவான கனவுகளையும், கற்பனைகளையும் குழப்பிக் கொள்ள கூடாது. கற்பனை நாமாக உருவாக்கும் எண்ணங்கள், ஆனால் கனவுகள் தானாக உருவாகும், தெளிவான கனவுகள் அப்படி தானாக உண்டாகும் கனவுகளை உணர்தல் ஆகும்.

தெளிவான கனவுகளின் பண்புகளாவன:

1. கனவு நடப்பதை அறிதல்: கனவு காண்பவர்கள் கனவு காணும்போது தாங்கள் கனவில் இருப்பதை உணர்வார்கள். அப்படி உணர்வதால் தாங்கள் விழித்து விட்டதாக நினைப்பார்கள். ஆனால் அவர்கள் உண்மையில் இன்னமும் கனவு கண்டு கொண்டிருப்பார்கள்.

2. கனவிலுள்ள விஷயங்களை மாற்றும் திறன்: கனவில் நடக்கும் செயல்கள், நபர்களை நீங்கள் மாற்ற முடிவதன் மூலம் கனவை கட்டுப்படுத்தலாம். உங்களுக்கு பிடிக்காதவற்றை மாற்றலாம். ஆனால் எல்லோராலும் கனவை முழுமையாக கட்டுப்படுத்த முடியாது. சிலருக்கு சிறிதளவே கனவை கட்டுப்படுத்த முடியும்.

3. உடல் உணர்வு: அதாவது கனவில் பொருட்களை தொடும்போது ஏற்படும் உணர்வு நிஜ உலகில் அப்படி நடக்கும்போது ஏற்படும் உணர்வை ஒத்திருத்தல்.

4. அசாதாரணமான திறன்கள் மற்றும் செயல்கள்: கனவு காண்பவருக்கு உடல் எடையற்று இருப்பது போல தோன்றலாம். மிதக்கலாம், பறக்கலாம். அந்தரத்தில் நிற்கலாம்.

5. அசாதாரணமான சூழல்: உங்களை சுற்றியுள்ள இடம் ஒரு வித்தியாசமான சூழல், தோற்றம், உணர்வை அளிக்கலாம்.

6. அதிப்படியான வெளிச்சம்: அதிகப்படியான வெள்ளை நிற வெளிச்சம் காணப்படும்.

7. வண்ண மயமான ஒளிமயம்: தெளிவான கனவுகளில் நிறங்கள் அதிகப்படியாக இருக்கும். அவை பளிச்சென்றும், சிலசமயம் ஃப்ளூரசண்டாகவும் இருக்கலாம். சிலருக்கு இது இந்த உலகின் நிறமல்ல என தோன்ற வைக்கும்.

8. ஆழமான உணர்ச்சிகள்: நிறங்களை போல உணர்வுகளும் ஆழமானதாக அதிகப்படியானதாக இருக்கும்.

9. மூளை நுண்ணுணர்வு: தெளிவான கனவின் முக்கிய பண்பு இதுதான். இக்கனவில் உங்கள் அறிவு திறன் மிக நுண்ணுணர்வுடன் இருக்கும். பல கடினமான விசயங்களை புரிந்துகொள்வீர்கள், பிரச்சினைகளுக்கு தீர்வு காண்பீர்கள்.

10. உடலை விட்டு வெளியே இருக்கும் உணர்வு: உங்கள் உடலை வெளியே இருந்து பார்க்கும் உணர்வு.

பெரும்பாலானோருக்கு தெளிவான கனவுகளில் இப்பண்புகள் காணப்பட்டிருந்தாலும், இவை இருப்பதால் அது தெளிவான கனவுகள் என கூறிவிட முடியாது. நீங்கள் தெளிவான கனவு காண்பதை உணர ஏதாவது ஒரு சிக்னல் இருக்கும். அதன் மூலமே அதை உணர முடியும் அது ஒலி, ஒளி, தொடு உணர்வு, குரல் போன்று எது வேண்டுமானாலும் இருக்கலாம்.

தெளிவான கனவுகள் தொடரும்...........

ஃபோட்டோஷாப் 15 - Rainbow effect

2010-11-14T16:02:00.001-08:00

படத்தை எடுத்துக் கொள்ளவும். புதிய லேயரை உருவாக்கவும்.

Gradent toolஐ கிளிக் செய்யவும். அதன் Modeஐ Linear lightஆக மாற்றவும். Typeல் Radialஐ தேர்ந்தெடுக்கவும். சில சமயம் Gradient imageகளில் வானவில் போன்ற நிறங்கள் கலந்த அமைப்பு இருக்கும். அப்படி இல்லாவிட்டாலும் படத்தில் உள்ளவாறு நிறத்தை அமைக்கலாம். (gradient image இருந்தாலும் சில மாற்றங்களை செய்ய வேண்டி வரும்).

Gradient நிறங்களை உருவாக்குவது எளிது. கிரேடியண்ட் இமேஜை கிளிக் செய்தால் Gradient Editor வரும். கீழே உள்ள பட்டைதான் நிறத்தை அமைக்கும் இடம். இதில் கீழ் பகுதியில் கர்சரால் கிளிக் செய்தால் ஒரு பார் தோன்றும் அதை கிளிக் செய்து தேவையான நிறத்தை அமைக்கலாம் மேல் பக்கம் கிளிக் செய்தாலும் ஒரு பார் தோன்றும் அது opacityஐ அமைப்பதாகும். 0% கொடுத்தால் Transparent ஆகிவிடும்.

இவ்வாறு படத்தில் உள்ளவாறு ஏழு வண்ணங்களை அமைத்துக் கொள்ளவும்.

பின் புதிய லேயரில் கர்சரை கிளிக் செய்து இழுக்கவும். (கர்சர் ஆரம்பித்து முடிக்கும் இடம் வரை அந்த வட்டத்தின் விட்டமாகும்).

பிறகு லேயரின் opacityஐ 30%-35%ஆக மாற்றவும். தேவையில்லாத பகுதிகளை Eraserஆல் அழித்து விடவும்.

DEMO:

ஃபோட்டோஷாப் 14 - Rain effect

2010-11-14T16:02:00.000-08:00

படத்தை எடுத்துக் கொள்ளவும். புதிய லேயரை உருவாக்கவும். அதன் Blending Modeஐ Screenஆக மாற்றவும். பிறகு Edit-> Fillஐ கிளிக் செய்யவும். Use: 50% Gray என அமைக்கவும்.

பிறகு Filters-> Noise-> Add Noise என்பதை கிளிக் செய்யவும். படத்தில் உள்ளவாறு செட்டிங்ஸ் அமைக்கவும். பிறகு Image-> Auto Tone என்பதை கிளிக் செய்யவும்.

பின், Filters-> Blur-> Motion Blurஐ கிளிக் செய்யவும். படத்தில் உள்ளவாறு செட்டிங்ஸ் அமைக்கவும்.

பிறகு Image->Adjustments-> Levelsஐ கிளிக் செய்யவும். இதில் Input கருப்பு ஸ்லைடரை தேவையான அளவு நகர்த்தவும்.

பிறகு Filters-> Others->Maximumஐ கிளிக் செய்து Radiusஐ தேவையான அளவு அமைக்கவும்.

பிறகு Filters-> Gaussian Blurஐ கிளிக் செய்து Radiusஐ தேவையான அளவு அமைக்கவும். சில சமயம் இதனால் மேலேயும் கீழேயும் வெள்ளையாக தோன்றலாம். அதனை ட்ரான்ஸ்ஃபார்ம் டூல் மூலம் இழுத்து படத்தை விட்டு மறைக்கவும்.

தேவைப்பட்டால் opacityஐ குறைக்கவும்.

DEMO:

ஃபோட்டோஷாப் 13 - Scanlines

2010-11-14T16:00:00.000-08:00

மிக எளிமையான எஃபக்ட்.

முதலில் தேவையான படத்தை எடுத்துக் கொள்ளவும்.

அதை Duplicate செய்துகொள்ளவும்.

பிறகு Filter-> Sketch-> Halftone Patternஐ கிளிக் செய்யவும்.

அதில் Size: 1, Contrast: 15, Pattern Type: Line எனவும் கொடுக்கவும்.

பிறகு Blending Modeஐ Color Burnஆக மாற்றவும். தேவைப்பட்டால் Fill, Opacityஐ மாற்றலாம்.

DEMO:

கனவுகள் 12 - பயங்கர கனவுகள் (3)

2010-11-07T15:09:00.001-08:00

If you can dream it, you can do it. -Walt Disney

ஒரு ஆளின் கனவு: நான் என் வீட்டிற்கு வந்து என் கதவை திறந்தேன். அங்கே என் முதலாளி என் வீட்டு சோஃபாவில் அவரின் மகளோடு உட்கார்ந்திருந்தார். அவர்கள் என் வீட்டு டிவியில் நிகழ்ச்சியை பார்த்து கொண்டிருந்தார்கள். எனக்கு ஆச்சரியமாக இருந்தது. நான் பால்கனிக்கு சென்றேன். அங்கே ஒரு பாம்பு இருந்தது. அதைக் கண்டு பயந்து விட்டேன். அந்த பாம்பு ஒரு வட்ட வடிவில் சுருண்டு இருந்தது. கொஞ்ச நேரம் கழித்து, என் முதலாளி பாம்பிடம் என்னை கடிக்கச் சொன்னார், அது என் மணிக்கட்டில் கடித்தது. நான் உடனே என் நண்பர்களை அழைத்தேன். அவர்கள் என்னை மருத்துவமனைக்கு கொண்டு சென்றார்கள். மருத்துவர் என்னை குணமாக்கினார் பிறகு நான் விழித்து விட்டேன்.

விளக்கம்: நீங்கள் உங்களை விட ஆற்றல் மிக்கவர்களால்(உதாரணமாக பெற்றோர்கள், முதலாளி, உயர் அதிகாரி) விருப்பமில்லாமல் எதையோ செய்ய கட்டாயப்படுத்தப்படுகிறீர்கள். உங்கள் கனவு உங்களுக்கு வேலையில் சில கஷ்டங்கள் உள்ளதை காட்டுகிறது, விஷயங்கள் நீங்கள் எதிர்பார்த்தார்போல் நிகழவில்லை. நீங்கள் உங்கள் உடல்நலத்தையும் கவனித்துக் கொள்ள வேண்டும், அதிகமாக வேலை செய்வது உடலை சோர்வடையச் செய்யலாம்.

------------------------------

பயங்கர கனவுகள் நம் சுய நினைவின்/வெளி மனதின் மனப்பாங்கின் பதிலீடு மற்றும் நம் நிஜ வாழ்வின் கவலைகள், பயங்களின் எதிரொலிப்பாக கனவுகள் வருவதாக விஞ்ஞானி கார்ல் ஜங்க்(Carl Jung) சொல்கிறார். ஆனால் ஃபிராய்டு பயங்கர கனவுகளை பல்வேறு விதமாக சொல்கிறார். கனவுகள் சமூகம் நமக்கு தடை விதித்துள்ளவைகளை செய்ய முடியாத தோல்வியின் விளைவாக வருகின்றன. மேலும் கனவுகள் ஆசைகளை மனது நிறைவேற்றிக் கொள்ளும் ஒரு வழியாகவும் கூறுகிறார். அவர் கூறுவதாவது, மனிதன் பயமுறுத்தப்பட விரும்புகிறான்- உதாரணமாக, நாம் ஹாரர் படங்களையும், ரோலர் கோஸ்டர்களையும் விரும்புவது.

பயங்கர கனவுகளை பொறுத்த வரை மூன்று விஷயங்கள் கனவிலும் கனவு கண்ட பிறகும் இருக்கும். 1. பயம் 2. கோபம் 3. கவலை. இந்த மூன்று உணர்ச்சிகள் முதன்மையாக இருந்தாலும் கூடுதலாக தோல்வி, வருத்தம், ஆக்ரோஷம் ஆகிய உணர்வுகளும் கலந்து இருக்கலாம். ஒருவருக்கு பூச்சிகள் பற்றிய பயம் இருந்தால், பூச்சிகள் அதிகமாக கனவில் வரலாம். அப்பயத்தை குறைக்கும்போது அவ்வகை கனவுகளும் குறையும். பயம் பயங்கர கனவுகளின் பிராதான உணர்வாகும்.

பயங்கர கனவுகளில் வரக்கூடிய பொதுவான தீம்கள்:

உடலை வருத்திக் கொள்ளுதல்/காயப்படுத்துதல்/காயப்படுதல்
மரணம் விளைவிக்கக் கூடிய காயங்கள்
உடல் உறுப்புகளை இழத்தல்/துண்டித்தல்/இல்லாமல் இருத்தல்
கட்டுப்பாடு இல்லாதிருத்தல்/இழத்தல்
ஏதாவது ஒன்றை பறிகொடுத்தல்
மிகவும் நெருக்கமானவருக்கு/நேசிக்கப்படுபவருக்கு பாதிப்பு ஏற்படுதல்
இயற்கை அழிவுகள்/ ஆபத்துக்கள்/விபத்துகள்
தீமை/அழிவு/துன்பம்
மரணத்தை விட மோசமானவை

சில பயங்கர கனவுகள் சாதாரணமானவைகளே. உதாரணமாக குழந்தைகளுக்கு ஏற்படும் 40% பயங்கர கனவுகள் இயல்பான கற்றல் வளர்ச்சியின் ஒரு பகுதியே ஆகும். பயங்கர கனவுகள் உடல்நலத்தை பற்றி சுட்டிக்காட்டலாம். நல்ல உடல்நலத்துடன் காணப்பட்ட ஒரு 43 வயது பெண்மணிக்கு அதிகமாக கவலை சம்பந்தபட்ட கனவுகள் வ்ந்து கொண்டிருந்தன. அவரை மருத்துவரீதியான சோதனைக்கு உட்படுத்திய போது அவருக்கு இதயத்தில் ஒரு சிறு பிரச்சினை இருந்தது கண்டறியப்பட்டது.

பயங்கர கனவுகள் உடலுக்கு தீங்கு விளைவிக்கும் பழக்கங்களை விடக்கூட உதவும். REM எனப்படும் துரித கண் அசைவுகளை வெளிப்படுத்திய William C. Dement அவர்களின் வாழ்வில் நடந்தது. அவர் அப்போது மிக அதிகமாக சிகரெட் பிடிப்பவராக இருந்தார். அவருக்கு வந்த ஒரு கனவில் அவருக்கு குணப்படுத்த முடியாத நுரையீரல் புற்றுநோய் வருகிறது. அதனால் மரண பயம் அவருக்கு அதிகமாக எழுகிறது. அவர் குடும்பம் வளர்வதை அவரால் பார்க்க முடியாதாதால் வருத்தப்படுகிறார். மேலும் அவரின் இழப்பால் குடும்பமும் கஷ்டப்படுகிறது. இக்கனவு கண்ட அடுத்த நாள் அவர் சிகரெட் பழக்கத்தை விட்டு விட்டார்.

பயங்கர கனவுகளை சரி செய்ய கனவை நன்கு ஆராய வேண்டும். ஆழ்மனம் என்ன சொல்ல வருகிறது என தெளிவாக புரிந்துகொள்ள வேண்டும். மேலும் கனவை நீங்கள் தெளிவாக உணர வேண்டும். (இதற்கு தெளிவாக கனவு காணும் முறையை அறிய வேண்டும். வரும் பதிவுகளில் இதை காண்போம்). உங்களுக்கு ஒரு பயங்கர கனவு வந்தால் அதை ஒரு நோட்டில் எழுது வையுங்கள். நம்பகமானவர்களிடம் அதை பகிர்ந்து கொள்ளுங்கள். உங்களுக்கு படம் வரைதல்/கதை/கவிதை எழுதுதல்போன்றவை முடியுமானால் உங்கள் கனவை அடிப்படையாக வைத்து ஒரு படம்/கதை/கவிதையை உருவாக்குங்கள். அதை ஆழ்ந்து நோக்குங்கள், உங்களுக்கு சில விசயங்கள் தானாக புரியும்.

பயங்கர கனவுகளை சரி செய்ய பயன்படும் முக்கிய முறையான Imagery Rehearsal Therapy பற்றி காண்போம். அதன் படிகளாவன:

1. உங்கள் கனவை பற்றி எழுதுங்கள். அது எவ்வளவு பயங்கர மாக இருந்தாலும் சரி உங்களுக்கு நினைவிலிருக்கும் வரை தெளிவாக விவரமாக எழுதவும்.

2. உங்கள் பயங்கர கனவிற்கு ஒரு புதிய முடிவை நீங்களே உண்டாக்கி அதனையும் எழுதுங்கள். அந்த முடிவு அமைதியானதாக இருக்க வேண்டும். உங்கள் கனவு கோபம், பயம் போன்ற உணர்வுகளால் நிறைந்திருக்கலாம். அதானல் உங்கள் புது முடிவு அந்த உணர்வுகளை மட்டுப்படுத்தும் வகையில் இருக்க வேண்டும், மாறாக தூண்டக்கூடாது.

3. ஒவ்வொரு இரவும் தூங்கும் முன் உங்கள் புது முடிவை கற்பனையாக மனதில் நினைத்து பார்க்கவும். இதை தூக்கம் வரும் வரை செய்யவும். இது ஒத்திகை எனப்படும். இந்த செயல் மற்றும் தூக்கத்திற்கு இடையே வேறு செயல்களை செய்யாமல் இதை மட்டும் செய்யவும்.

4. இந்த ஒத்திக்கைக்கு பிறகு உடனேயே ஒரு ஓய்வு பயிற்சியை செய்யவும். (ஓய்வு பயிற்சி பற்றி தனியாக பதிவிடுகிறேன்). ஓய்வு பயிற்சிக்கு பதிலாக தியானம், யோகா, மூச்சுப் பயிற்சிகளி கூட செய்யலாம். இது மூச்சை சீராக்கி தூக்கத்தை வரவழைப்பதற்காகத்தான்.

இப்படி செய்வதால் தொடர்ந்து வரும் பயங்கர கனவுகளின் தொல்லை நீங்கும்.

பயங்கர கனவுகள் வரவேற்கப்படாத ஆசிரியர்கள் போன்றவை. அவை தாங்கி வரும் பரிசுகள் ஏராளம். அதை நீங்கள் தெளிவாக புரிந்துகொண்டால் நன்மைகள் பல.

அடுத்து வரும் பதிவில் தெளிவான கனவுகளும், அதன் பயிற்சிகளும்.........

ஃபோட்டோஷாப் 12 - Water Reflection

2010-11-07T15:09:00.000-08:00

தேவையான படத்தை எடுத்துக் கொள்ளவும்.
முதலில் அதை duplicate செய்துகொள்ளவும்.
Image-> Canvas sizeக்கு சென்று படத்தில் உள்ளவாறு செட்டிங்ஸ் அமைக்கவும். இப்போது படத்தின் கீழ் படத்தின் அளவில் வெள்ளைப் பரப்பு உண்டாகி இருக்கும்.

பிறகு Edit-> Transform-> Filp Verticalஐ கிளிக் செய்தால் படம் தலைகீழாகி விடும். பிறகு Move டூல் மூலம் படத்தை சரியாக கீழே கொண்டு வரவும்.(Altஐ அழுத்திக் கொண்டு நகர்த்தினால் நேர்கோட்டில் நகரும்).

பிறகு புது லேயரை உண்டாக்கவும். Dஐ அழுத்தினால் backround வெள்ளையாகவும் foreground கருப்பாகவும் மாறும். பிறகு Control+Backspaceஐ அழுத்தினால் அந்த லேயர் வெள்ளையால் Fill செய்யப்படும்.

பிறகு Filters-> Sketch-> Halftone Patternஐ கிளிக் செய்யவும். அதில் Pattern Type: Line எனவும், Contrast: 50 எனவும், Sizeஐ விருப்பம்போல 3-7க்குள் அமைக்கவும்.

பிறகு Filters-> Blur-> Gaussian Blurஐ கிளிக் செய்யவும். Radius: 4 கொடுக்கவும். பிறகு Layer-> Duplicate Layerஐ கிளிக் செய்யவும். அதில் Document: New எனவும் Nameல் ஏதாவது பெயரையும் கொடுக்கவும். இப்போது அது புது டாகுமெண்டாக ஃபோட்டோஷாப்பில் உண்டாகும். அதை water.psd என்ற பெயரில் சேமிக்கவும். பிறகு அந்த ஃபைலை க்ளோஸ் செய்யவும்.

பிறகு உங்கள் பழைய ஃபோட்டோஷாப் டாகுமெண்டிற்கு வரவும் அதில் அந்த லைன்கள் லேயரை டெலீட் செய்யவும். பிறகு Shift+Ctrl+Alt+Eஐ கிளிக் செய்யவும். உங்கள் படம் இரண்டும் ஒன்றாகி புதிய லேயரை உண்டாகும்.

பிறகு Filters-> Distort-> Displaceஐ கிளிக் செய்யவும். பிறகு படத்தில் உள்ளவாறு செட்டிங்ஸ் அமைக்கவும். பிறகு ஒரு பாக்ஸ் திறக்கும் அதில் நீங்கள் சேவ் செய்த போட்டோஷாப் லைன் ஃபைலை(water.psd) தேர்ந்தெடுக்கவும்.

படம் வளைவுகளுடன் இருக்கும். இப்போது Controlஐ அழுத்திக் கொண்டு Backround copy லேயரை(கீழ்பக்க படம் உள்ள லேயர்) கிளிக் செய்யவும். கீழ்பக்கம் செலக்ட் ஆகும். பிறகு இரண்டு படங்கள் சேர்ந்த லேயரை கிளிக் செய்து லேயர் மாஸ்க் பட்டனை கிளிக் செய்யவும். இப்போது அந்த லேயரில் மேல் பக்க படம் மட்டும் தெளிவாக இருக்கும்.

பிறகு லேயர் மாஸ்க்கை கிளிக் செய்து பிறகு Filters-> Blur-> Gaussian Blurஐ கிளிக் செய்யவும். Radius: 4 கொடுக்கவும். பிறகு Altஐ அழுத்திக் கொண்டு New Adjustment Layer பட்டனை கிளிக் செய்து அதில் Hue/Saturationஐ தேர்ந்தெடுக்கவும். திறக்கும் பெட்டியில் Use Previous Layer To Create Clipping Maskஐ டிக் செய்யவும்.

கடைசியாக Adjustmentsல் Hue: 218, Saturation: 25, Lightness: 0 என அமைக்கவும். Colorizeஐ டிக் செய்யவும். லேயரில் Opacity 25% என கொடுக்கவும்.

DEMO:

கனவுகள் 11 - பயங்கர கனவுகள்(2)

2010-11-04T10:08:00.000-07:00

ஆகஸ்ட் 2001. அமெரிக்காவின் ஐயோவா(Iova) மாநிலத்தில் ஒருவருக்கு ஏற்பட்ட கனவு. ஒரு விமானம் ஒரு உயரமான கட்டிடத்தில் மோதுகிறது. பலபேர் இறக்கிறார்கள். அவருக்கு அதி நிஜ நிகழ்வுபோல் இருந்தது. காலையில் மற்றவர்களிடம் இதைப் பற்றி சொன்னார். கொஞ்ச நேரத்தில் அது வெறும் கனவென சமாதானமாகி விட்டார். ஆனால் செப்டம்பர் 11ல் அது நிஜமாகவே நடந்தது. 9/11 சம்பவத்திற்கு பிறகு பலர் அந்த நிகழ்வு சம்பந்தமான கனவு கண்டதாக கூறியுள்ளனர். ”நான் ஒரு உயரமான எரியும் கட்டிடம் உள்ள நாரில் இருக்கிறேன். மக்கள் ஜன்னல் வழியே சத்தமிடுகிறார்கள். சிலர் குதிக்கிறார்கள்”, “ஒரு விமானம் வானத்திலிருந்து நகரத்தில் விழுகிறது மிகவும் மேலே தூரமாக இருந்து நான் பார்க்கிறேன். நிறைய பேர் இறந்து போகிறார்கள், நான் மிகவும் வருந்தினேன்”, “ஒரே கலவரமும் அழிவும் இருந்தது. உலகத்தின் முடிவுபோல் இருந்தது. ஒரு சாம்பல் நிற படலம் குண்டு வெடித்ததை போல் பெரிதாக பரவியிருந்தது. மக்கள் அங்குமிங்கும் ஓடினார்கள்.”

-------------------------------------------------------

பழங்காலத்தில் மக்கள் ஆவிகள், பேய்கள், சூனியக்காரர்கள் அல்லது வெளி சக்திகளால்தான் பயங்கர கனவுகள் ஏற்படுவதாக நம்பினர். சிலசமயங்களில் கெட்ட கனவுகளுக்கு உணவைக் கூட காரணம் காண்பித்தார்கள். பயங்கர கனவுகள் உண்மையில் காய்ச்சல், தலைவலி போன்று ஒரு அறிகுறிதான். அதன் மூல காரணத்தை கண்டறிந்து சரி செய்தால் இவை தாகனாக காணாமல் போய்விடும். பயங்கர கனவுகள் சில சமயம் நம் நினைவில் நின்று கொண்டே இருக்கும். ஏனெனில் அவை நமக்கு எதையோ சொல்ல வருகிறது. அதேபோல் சில சமயம் இவை நினைவிலும் இருக்காது ஏனெனில் இவற்றை நாம் மறக்க நினைக்கிறோம்.

தூங்குபவர்களை ஒரு கெட்ட சக்தி பிடிக்கவும் துன்புறுத்தவும் செய்வதன் வெளிப்பாடாக பழங்காலத்தில் நினைத்தார்கள். இப்போது கூட சிலர் தூக்கத்திலிருந்து திடீரென்று விழித்து யாரோ என்னை கழுத்தை நெறிப்பதுபோல் இருந்தது, யாரோ என்னை வா வா என கூப்பிட்டார்கள் என சொல்வதை நீங்கள் கேட்டிருக்கலாம்.

பயங்கர கனவுகள் துன்பம் மற்றும் கைவிடப்பட்ட நிலை இவற்றை கொண்ட உணர்வுடன் வரக்கூடிய ஒரு பயமுறுத்தும் கனவு மட்டுமே. சில பயங்கரமான படங்களை நீங்கள் படுக்கும் முன் பார்த்துவிட்டால்(அவை மனதில் ஆழமாக பதிந்துவிட்டால்) அன்றைய கனவில் பயங்கர கனவுகள் ஏற்படுவது இயல்பே. ஆனால் எல்லோருக்கும் எல்லா சமயங்களிலும் அப்படி நடக்க வேண்டுமென்பது கிடையாது. நாம்/நம் மனதில் ஏதோ ஒரு பிரச்சினை அலைகழிக்கும்போது இப்படி பயங்கர க்னவுகள் ஏற்பட வாய்ப்பு அதிகம்.

சில பயங்கர கனவுகள் திரும்ப திரும்ப வரும். இப்படிப் பட்டவை சிறு வயது/இளம் வயதில் ஏற்பட்ட ஏதோ ஒரு விரும்பத்தகாத/பலவந்தவமான நிகழ்வால் ஏற்படலாம். உதாரணமாக ஒருவர் சிறு வயதி ல் ஒரு சிறு திருட்டை செய்து விட்டார். ஆனால் அதை வீட்டில் மறைத்து விட்டார். தற்போது வரை அதை சொல்லவில்லை. ஆனால் சிறு வயதில் யாரோ ஒருவர் அவரை மிரட்டுவதுபோலவும், துன்புறுத்துவது போலவும் கனவு ஏற்படுகிறது. பெரியவனான பின்பும் இது தொடர்கிறது. அது ஒரு சிறு திருட்டுதான். ஆனால் அதை வீட்டில் சொல்லாததால் அவரின் மனது குற்ற உணர்வில் தவிக்கிறது. அதன் விளைவே இவ்வகை கனவுகள்.

பயங்கர கனவு ஏற்படுவதற்கான மிக முக்கியமான காரணங்கள் பட்டியலிடப்பட்டுள்ளது. உங்களுக்கு ஒரு பயங்கர கனவு ஏற்படும்போது இவைகளை ஒப்பிட்டுப் பார்த்து அதற்கான காரணம் உங்களிடத்தில் என்னாவாக இருக்கும் என ஆராயுங்கள். ஆராய ஆரம்பித்தாலே கொஞ்சம் கனவு பிரச்சினை குறையும். பிறகு காரணத்திற்கு தீர்வு தேடுங்கள் பயங்கர கனவு பிரச்சினை குறையும்.

1. வாழ்வில் நடக்காதவைகள்: அது நடக்கவில்லை, இது கிடைக்கவில்லை என்ற உள்மனதின் ஏக்கம்/ஆற்றாமை. இதுபோல் வாழ்க்கை அமையவில்லையே என்ற வருத்தம். இவை ஏற்படுத்தும் மன அழுத்தம், உறவுகளுக்கு இடையேயான திருப்தியின்மை, பொருளாதார பற்றாக்குறை போன்றவை பயங்கர கனவுகளை உண்டாக்குகின்றன.

2. இது கொஞ்சம் விநோதமான காரணம். உதாரணத்தோடு சொல்கிறேன். ஒருவர் புதிதாக ஒரு வியாபாரத்தை தொடங்கினார்(ஆனால் அவர் உரிமையாளரில்லை). அவர் தன்னை அதிர்ஷ்டசாலியாக கருதினார். அவர் தன் குடும்பம், மற்றும் பணியாளர்களிடம் தலைவராக சிறந்து விளங்கினார், அதனால் கவலைப்படுவதற்கோ, பலவீனப்படுவதற்கோ நேரமில்லை என கருதினார். அதாவது தனக்கு வாழ்வில் குறைகளே இல்லை என கருதினார். ஆனால் அவருக்கு வரும் கனவுகளில்- அவர் நிர்வாணமாக பொது இடங்களில் உலவுகிறார், பள்ளிக்கு மீண்டும் சென்று படிக்கிறார், போலீஸ் அவரை ஏமாற்றியதற்காக கைது செய்கிறது. இது போன்று அவருக்கு கனவுகள் வந்தன. ஒரு வருடத்திற்கு பிறகு அவர் தன் தொழிலில் ஒரு நல்ல இடத்தை பிடித்தார். தன் தொழிலுக்கு உரிமையாளரானார். பிறகு கனவுகள் குறைந்து நிலைப்பாட்டுக்கு வந்தன. அவர் வெளி மனது கவலைப்படாவிட்டாலும் நிலையின்மை, கவலைகள் அக்கனவுகளில் வெளிப்பட்டது. சில உணர்வுகள் வெளிப்படுத்தப்படாவிட்டாலும் கனவுகள் வரும். இக்கனவுகள் மனதை சமநிலைப்படுத்தவும், உளக்காட்சியின் குரலாகவும் வெளிப்படுகின்றன.

3. உணர்வுப் போராட்டம்: நம் நம்பிக்கைகள், நோக்கங்கள், கருத்துக்கள், புரிதல்கள் ஒரு திசையில் செல்லும்போது, நம் உணர்வுகள் வேறுபக்கம் சென்றால் என்ன ஆகும்? நம் மனதில் ஒரு பெரும்ச்ச்ராட்டம்/அசைவின்மை ஏற்படும். உதாரணமாஅ ஒரு பெண் தன் வயதான பெற்றோர்களை கவனித்துக் கொள்கிறார், ஆனால் அவள் தன் சொந்த குழந்தைகளுக்காக நகரத்திற்கு செல்ல விரும்புகிறாள். ஆனால் பெற்றோர்கள் அங்கே வர விரும்பவில்லை. இப்போது அவளுக்கு பெற்றோர்களை கவனிக்கும் பொறுப்புள்ளது ஆனால் தன் குழந்தைகளுடன் செல்ல விரும்புகிறாள். இந்நிலையில் அவள்படும் மனப்போராட்டங்கள் பயங்கர கனவுகளை உண்டாக்கும்.

4. விலக்கப்பட்டவைகள்/தடை செய்யப்பட்டவைகளை மீறுதல்: ஒருவர்/அவர் வீட்டில் உள்ளவர் திருடும்பொழுது தவறான ஒன்றை செய்வதாக மனம் கூறுகிறது. ஆனால் அது அங்கே நிகழ்ந்துள்ளது. இதனால் மனம் காட்டும் எதிர்ப்பு கனவுகளாக மாறலாம்.

5. கவலை: எதிர்காலம் பற்றிய கவலை, சமீபத்திய பிரச்சினை(திருமணம், குழந்தை பிறப்பு, கல்வி, வேலை போன்றவை) குறித்த கவலை.

6. அதீத மன அழுத்தம்: விபத்துகள்/அதிர்ச்சியான சம்பவங்கள் அளவுக்கு அதிகமான மன அழுத்தத்தை உண்டாக்குகிறது. இது பயங்கர கனவுகளை உண்டாக்கலாம்.

7. உடல் சார்ந்த பிரச்சினைகள்: ஒரு கடுமையான உடல்வலி இருக்கும்போது (எலும்பு முறிவு/ அறுவை சிகிச்சை போன்றவைகளுக்கு பிறகு) அவை பயங்கர கனவுகளை உண்டாக்கலாம்.

பயங்கர கனவுகளை சரி செய்யும் முறையான வழிகளை அடுத்த பதிவில் பார்க்கலாம். அதற்காக பயங்கர கனவுகள் அடுத்த பதிவிலும்....

ஃபோட்டோஷாப் 11 - Retro Comics effect

2010-11-04T10:07:00.000-07:00

படத்தை எடுத்துக்கொள்ளவும்.
IMAGE-> ADJUSTMENTS-> LEVELSஐ கிளிக் செய்யவும். INPUT LEVELSஐ 60: 1.00: 220 என கொடுக்கவும்.

பிறகு FILTERS-> ARTISTIC->FILM GRAIN என கிளிக் செய்யவும். GRAIN: 4, HIGHLIGHT AREA: 0, INTENSITY: 10 என கொடுக்கவும். இது படத்திற்கு தகுந்தவாறு மாறலாம்.

பிறகு அந்த லேயரை ரைட்கிளிக் செய்து Duplicate செய்துகொள்ளவும். FILTER-> PIXELATE->COLOR HALFTONE என கிளிக் செய்யவும். MAX RADIUS: 4 என கொடுக்கவும். லேயர் பேனலில் BLENDING MODEஐ DARKEN என மாற்றவும்.

பிறகு படத்திற்கு பார்டர் கொடுக்க, Blending optionsஐ தேர்ந்தெடுத்து அதில் strokeஐ தேர்ந்தெடுக்கவும். WIDTH: 20px, POSITION: Inside மற்றும் COLOR: #F5ECE1(லேசான நிறம் இருக்கலாம்).

பின்னர் பேசுபவற்றை மேலும் தேவையான எழுத்துக்களை தேவையான இடங்களில் அமைத்துக் கொள்ளவும்.

கடைசியாக FILTER-> BLUR-> BLUR MORE
FILTER-> DISTORT-> RIPPLE (Amount 20%, Size Medium)
FILTER-> SHARPEN MORE ஆகியவற்றை அளிக்கவும்.

DEMO:

கனவுகள் 10 - பயங்கர கனவுகள்(1)

2010-10-31T09:24:00.001-07:00

நம்பிக்கை என்பது நாம் விழித்து கொண்டு காணும் கனவு - அரிஸ்டாட்டில்

17 வயது மாணவியின் கனவு: நான் பள்ளிக்கு செல்வதற்காக பேருந்தை பிடிக்க சென்றேன். பேருந்து நிறுத்தத்திற்கு செல்லும் வழியில், நான் என் நெருங்கிய தோழியை கண்டேன். அவள் ஒரு மரத்தின் அடியில் சுடப்பட்டு இறந்து கிடந்தாள். நான் கொஞ்ச தூரம் சென்ற பின் இன்னொரு தோழனை கண்டேன். அங்கே அவன் மட்டும்தான் இருந்தான். நான் அவனை அழைத்துக் கொண்டு இறந்து கிடந்த நெருங்கிய தோழியை காண்பித்தேன். நாங்கள் அங்குமிங்கும் ஆட்களை தேடினோம். நாங்கள் நிறைய பேரை கண்டுபிடித்தோம் மோசமாக இறந்த நிலையில். திடீரென்று என் நண்பன் என்னிடம் திரும்பி சொன்னான், “இதையெல்லாம் யார் செய்தது என எனக்கு தெரியும். நாம் இப்போது இங்கிருந்து செல்ல வேண்டும்” என்றான். நான் விழித்துக் கொண்டேன்.

நாம் எந்த கனவுகளையும் ஒதுக்கி விடுவோம் ஆனால் பயங்கர கனவுகளை மட்டும் அல்ல. அவை நம்மை தொந்தரவு செய்கின்றன. அவை எதைச் சொல்கின்றன என நாம் தெரிந்துகொள்ள விரும்புகிறோம். பயங்கர கனவுகள் ஒரு பிரச்சினையை சுட்டிக்காட்டும் அறிகுறியாக கருதப்படுகிறது. பயங்கர கனவுகள் என்பவை நம்மை ”கவனி!”, ”கவனி!” என ஏதோ விசயத்தை சுட்டிக்காட்டவே ஏற்படுகின்றன.

கனவு காண்பவரை தொந்தரவு செய்யும் எந்த கனவும் பயங்கர கனவாகும். சிலசமயங்களில் பயங்கர கனவுகள் மனரீதியான அதிர்ச்சிகள் அல்லது உடல் பாதிப்புகள் போன்ற ஆழமான விஷயங்களையும் சுட்டிக்காட்டலாம். சில தொந்தரவு செய்யும் கனவுகள் கனவு காண்பவர் மறக்க நினைக்கும் ஒரு விஷயம்/சம்பவத்தை சுட்டிக்காட்டுகிறது. பெரும்பாலும் பயங்கர கனவுகள் நிஜ

வாழ்வில் நடந்த ஒரு மன/உடல் ரீதியான பாதிப்பு அல்லது சம்பவத்தின் காரணமாகவே ஏற்படுகிறது. நம் வாழ்வில் நடந்த ஒரு குறிப்பிட்ட சம்பவத்தை நாம் மறக்க நினைக்கும் அல்லது நாம் ஏற்றுக் கொள்ள மறுக்கும்போதும் பயங்கர கனவுகள் ஏற்படலாம். பழங்காலத்தில் பயங்கர கனவுகள் மற்றும் கெட்ட கனவுகள் வராமல் தடுக்க மந்திரங்களை பயன்படுத்தினார்களாம்.

பயங்கர கனவுகள் ஏற்படும் பல பேரின் குடும்பத்தில், உளவியல் பிரச்சினைகள், தவறான மருந்து பழக்கம், தற்கொலை முயற்சிகள், இன்னல் ஏற்படுத்தும் உறவுகள் போன்றவை இருந்துள்ளதை ஆய்வுகள் கண்டறிந்துள்ளன! சில கனவுகள் திரும்ப திரும்ப வந்துகொண்டே இருக்கும். இப்படிப்பட்ட கனவுகளின் கதை அல்லது சம்பவத்தில் லேசான மாற்றத்துடன் மீண்டும் மீண்டும் வரும். இப்படிப்பட்ட கனவுகள் நேர்மறையானவைகளாகவும் இருக்கலாம். ஆனால் பெரும்பாலான அடிக்கடி வரும் கனவுகள் பயங்கர கனவுகளாகவே இருக்கின்றன. கனவில் வந்த ஒரு பிரச்சினையை நீங்கள் தீர்க்காமல் அல்லது அதைப் பற்றி கவலைப்படாமல் விட்டால் அந்த கனவு மீண்டும் வரக்கூடும்.

குழந்தைகளுக்குத்தான் பயங்கர கனவுகள் அதிகமாக வரும். பொதுவாக மூன்று வயது முதல் ஏழெட்டு வயது வரை சாதாரணமாக பயங்கர கனவுகள் ஏற்படும். குழந்தைகளுக்கு பயங்கர கனவுகள் வரக் காரணம் இந்த வயதில்தான் அவர்களின் உணர்ச்சிகள் வளர்ச்சி ஆரம்பிக்கும். அதிகமாக கவலைப்படுவர்களும் இம்மாதிரி பயங்கர கனவுகள் ஏற்படும்.

விபத்துகள், மன/உடல் பாதிப்பு/சம்பவங்களுக்கு பிறகும் பயங்கர கனவுகள் ஏற்படும். இவை மீண்டும் மீண்டும் ஆக்கிரமிக்கலாம். இக்கனவுகள் அந்த சம்பங்களை பிரதிபலிக்கும் வகையிலேயே இருக்கும். பெரும்பாலும் மரணம் அல்லது கைவிடப்படுதல் பற்றிய அச்சுறுத்தல், சுய அடையாளம் இழத்தல் பற்றிய பயம்
போன்றவை தொடர்பானதாகவே இவை இருக்கும். எனவே இவற்றை மற்ற கனவுகள்

போல இல்லாமல் வேறு விதமாக சரி செய்வார்கள். சில பயங்கர கனவுகள் உடலியக்கத்தையும் கட்டுப்படுத்தலாம். உதாரணமாக கனவு நடக்கும்போது/நடந்த உடனே நகர முடியாமல் இருத்தல், பேச முடியாமல் அழுவ முடியாமல் இருத்தல் போன்றவை.

சில கனவுகள் திரும்ப திரும்ப வந்துகொண்டே இருக்கும். இப்படிப்பட்ட கனவுகளின் கதை அல்லது சம்பவத்தில் லேசான மாற்றத்துடன் மீண்டும் மீண்டும் வரும். இப்படிப்பட்ட கனவுகள் நேர்மறையானவைகளாகவும் இருக்கலாம். ஆனால் பெரும்பாலான அடிக்கடி வரும் கனவுகள் பயங்கர கனவுகளாகவே இருக்கின்றன. கனவில் வந்த ஒரு பிரச்சினையை நீங்கள் தீர்க்காமல் அல்லது அதைப் பற்றி கவலைப்படாமல் விட்டால் அந்த கனவு மீண்டும் வரக்கூடும்.

பயங்கரக் கனவுகள் வருவதற்கான முக்கிய காரணங்கள்:

1. சிறுவயது ஆழமான உணர்வுகளின் நினைவுகள். முக்கியமாக இழப்பை மையமாக வைத்தே இருக்கும்.

2. சிறுவயது பயங்கள். தாக்கப்படுதல் பற்றிய பயம், நம் உள்மன கவலை போன்றவை இவற்றை உண்டாக்குகின்றன. மேலும் குழந்தைகளின் அடிப்படை தேவைகளான உணவு, அன்பு, உறைவிடம், போன்றவை முழுமைப்படுத்தப்படாவிட்டால் நாளடைவில் அவர்கள் வேறு (கற்பனை)உலகத்திற்கு சென்று விடுவார்கள். பிறகு அவை பயங்கர கனவுகளாக மாறும்.

3. விபத்துகள், மன/உடல் காயங்கள்-அதற்கு பின் வரும் கனவுகள். இவை குறுகிய காலத்தில் மறைந்து விட்டால் பிரச்சினை இல்லை. நீண்ட நாட்களுக்கு இவ்வகை கனவுகள் வந்தால் பிரச்சினை.

4. எதிர்காலம், வளர்ச்சி, மாற்றம் பற்றிய பயங்கள். இவை தெரியாத ஒன்றைப் பற்றிய பயங்கள்.

5. சில பயங்கர கனவுகள் ஒரு தீமையின் முன்னறிகுறியாக தெளிவாக உணரப்படலாம். மனிதனுக்கு ஒரு தகவலை புரிந்துகொள்ளாமலேயே, உணர்வுநிலை எல்லைக்கு கீழே அந்த தகவலை கைப்பற்றும் திறன் உள்ளது. இதனால் கெடுதலாக நினைக்கப்படும் எல்லாக் கனவுகளும் கெடுதலை தருவதில்லை.

6. மோசமான உடல்நிலை பாதிப்பும், மரணம் தொடர்பான பயமும் உள்ளவர்களுக்கும் பயங்கர கனவுகள் ஏற்படலாம்.

பயங்கர கனவுகள் அடுத்த பதிவிலும்......

ஃபோட்டோஷாப் 10 - Pop Art

2010-10-31T09:24:00.000-07:00

முதலில் தேவையான படத்தை எடுத்துக் கொள்ளவும்.

Image-> Mode-> Lab Color என்பதை கிளிக் செய்யவும். இப்போது படத்தில் எந்த மாற்றமும் இருக்காது.

Window-> Channelஐ கிளிக் செய்தால் ஒரு pallet தோன்றும். அதில் Lab, Lightness, a மற்றும் b என நான்கு channelகள் இருக்கும்.

முதலில் a ஐ கிளிக் செய்யவும். பிறகு Image-> Adjustments-> Posterizeஐ கிளிக் செய்யவும். Levels 4 என கொடுக்கவும்.

பிறகு Filter-> Blur-> Gaussian Blurஐ கிளிக் செய்யவும். Radius என்பதில் 4 என கொடுக்கவும்.

bயிலும் இதேபோல் செய்ய வேண்டும். [b ஐ கிளிக் செய்யவும். பிறகு Image-> Adjustments-> Posterizeஐ கிளிக் செய்யவும். Levels 4 என கொடுக்கவும். பிறகு Filter-> Blur-> Gaussian Blurஐ கிளிக் செய்யவும். Radius என்பதில் 4 என கொடுக்கவும்.]

பிறகு Lightness ஐ கிளிக் செய்யவும். பிறகு Filter->Artistic-> Cutout என்பதை கிளிக் செய்யவும். Edge Simplicity 0 எனவும், Edge Fidelity 1 எனவும் கொடுக்கவும். Number of Levels ஐ படத்திற்கு தகுந்தவாறு கொடுக்கவும்.

பிறகு Filter-> Sharpen-> Smart Sharpen Blurஐ கிளிக் செய்யவும். Amount 75% எனவும், Radius 1 எனவும், Remove: Gaussian Blur எனவும் கொடுக்கவும். More Accurate என்பதை டிக் செய்யவும்.

கடைசியாக நான்கு channelகளையும் ஒன்றாக செலக்ட் செய்துவிட்டு, Image-> Mode-> RGB Color என்பதை கிளிக் செய்யவும்.

DEMO:

கனவுகள் 9 - பயன்கள் சில.......

2010-10-26T14:30:00.002-07:00

சில சமயங்களில் கனவுகள் மொத்தமாக வாழ்க்கை செல்லும் திசையையே மாற்றி விடும்.

- JUDITH DUERK

நாம் நீண்ட நேரம் கனவு காண்கிறோம். வாழ்வில் ஒரு பெரும்பகுதியை கனவில் கழிக்கிறோம். இவ்வளவு நேரம் செலவழிக்கின்ற கனவை நாம் ஏன் பயன்படுத்திக் கொள்ள கூடாது?

உளவியலாளர்கள் உளவியல் சிகிச்சைகளில் கனவுகளை ஒரு முக்கிய கருவியாக பயன்படுத்திக் கொள்கிறார்கள். கனவுகள் மனதை காட்டும் கண்ணாடியாக உள்ளதால் தங்கள் நோயாளிகளின் கனவுகள் நோயாளியின் மனநிலையை புரிந்துகொண்டு அதற்கு தகுந்தாற்போல் சிகிச்சை அளிக்கிறார்கள். திருமண உறவு, குழந்தை நலன், கல்வி, வேலை, பொருளாதார நிலை போன்ற பல சமூகம் சார்ந்த விசயங்கள் தொடர்பான பிரச்சினைகளை ஆராயும்போது தீர்வளிக்கும்போது கனவுகள் மிகப்பெரிய அளவில் பல விசயங்களை புரிந்துகொள்ளவும் வழிகாட்டவும் உதவுகிறது. இது பற்றி வரும் பதிவுகளில் அவ்வப்போது சொல்கிறேன்.

17 வயது ஆணின் கனவு: ஒரு குடிகாரர் ஒரு மூலையில் கையில் பாட்டிலுடன் தாறுமாறாக கிடக்கிறார். கனவு முடிந்தவுடன் பயமாக உள்ளது இது என் எதிர்காலத்தை குறிக்கிறதா?

இந்த கனவு நீங்கள் உங்கள் வாழ்க்கையை எந்த அளவு கட்டுப்பாட்டில் வைத்திருக்கிறீர்கள் என கேட்கிறது. நீங்கள் உங்கள் வாழ்க்கையை அனுபவித்து வாழ்கிறீர்களா அல்லது அதிலிருந்து விடுபட நினைக்கிறீர்களா?

கனவு சிகிச்சை: கனவு சிகிச்சை என்பது நம் மற்றும் மற்றவரின் கனவுகளை புரிந்துகொண்டு அதன் காரணம் மற்றும் விளைவுகளை ஆராய்ந்து அறியும் முறையாகும். இதை உளவியலாளர்கள் அல்லாது சாதாரண நபர்களும் கற்றுக் கொள்ளலாம். இத்தொடரின் முக்கிய நோக்கமே அதுதான். உண்மையில் இத்தொடரை நீங்கள் முழுமையாக உட்கிரகித்தால் தங்களுக்கும் இது சாத்தியமே!!!

கனவை ஒரு பொழுது போக்காக, ஒரு கற்பனை திறனாக அனுபவியுங்கள். கனவே வரக் கூடாது என நினைப்பதை விட, அதுவும் ஒரு இயல்பான நிகழ்வு என சாதாரணமாக எடுத்துக் கொள்ளுங்கள். இதனால் நம் மனம் அதை ஏற்றுக் கொண்டு அதன் பொருளை புரிந்துகொள்ள முயற்சிக்கும். மேலும் இதற்கென எந்த கடின முயற்சியும் தேவையில்லை.

தன் முனைப்பு கனவுகள்: கனவை நாமாக விரும்பியும் வரவழைக்க முடியும். ஒரு குறிப்பிட்ட விசயத்தில் நம் மனதை ஒருமுகப்படுத்த இக்கனவுகள் பயன்படுகின்றன. உங்களின் பலதரப்பட்ட கேள்விகளுக்கு விடையளிக்கவும், பிரச்சினைகளை தீர்க்கவும், நீங்கள் விரும்பும் குறிப்பிட்ட அனுபவங்களை உருவாக்கவும் உதவுகிறது. இது வேறு, கனவு கட்டுப்பாடு வேறு. கனவு கட்டுப்பாட்டில் நீங்கள் கனவின் ஒவ்வொரு நுணுக்கமான விசயங்களை கட்டுப்படுத்தி வழிநடத்த முடியும். ஆனால் இந்த தன் முனைப்பு கனவுகளில் நீங்கள் ஒரு களம், மற்றும் விசயம் மற்றும் எடுத்துக் கொண்டால் நம் ஆழ்மனம் அதற்கு தகுந்தாற்போல் தானாக கனவை உண்டாக்கும்.

எடுத்துக்காட்டு: நான் தன்னம்பிக்கையோடு செயல்பட வேண்டும் என்பது உங்கள் குறிக்கோள் என வைத்துக் கொள்வோம். நீங்கள் மனதில் சொல்ல வேண்டியது: “இன்று என் கனவில் நான் தைரியமாக என் எதிரிகளை எதிர்கொள்ள வேண்டும்!”. இதை சாப்பிடும்போடும், நடக்கும்போது, இடைவேளை கிடைக்கும்போதெல்லாம் திரும்ப திரும்பச் சொல்ல வேண்டும். சில நாட்கள் இப்படி செய்துகொண்டே இருங்கள் அந்த கனவு உங்களுக்கு வரும்.

அப்படி கனவு வரும்போது அதில் வருபவை தெளிவாகவும் நீங்கள் எதிர்பார்த்தவையாகவும் இருந்தால் அதில் உள்ள செய்தியை புரிந்துகொள்ளுங்கள். இல்லையெனில் அக்கனவு புரியாததாகவும் முக்கியமானதாகவும் தோன்றினால் அதைப் பற்றி மேலும் ஆராயுங்கள் அதே சமயம் மேற்கண்ட தன்முனைப்பை அதிகமாக செய்ய வேண்டும்.

கனவில் வரும் உருவங்களின் (symbols) அர்த்தத்தை புரிந்துகொள்தல். இதை கனவுப் பலன் என்கின்றனர். ஆனால் உளவியல் கனவுப் பலனிற்கும் பாரம்பரிய/ஜோதிட கனப் பலன்களுக்கும் பெரும் வித்தியாசம் உண்டு. (இதை வரும் பதிவுகளில் விரிவாக காணப் போகிறோம்.)

இத்தனை விதமாக கனவை புரிந்துகொண்டு நாம் தம் தனிப்பட்ட வளர்ச்சி, தொழில் முன்னேற்றம், திறன் கட்டுமானம், கற்பனை வளம், குழந்தை வளர்ப்பு போன்ற பல விசயங்களுக்கு கனவை பயன்படுத்திக் கொள்ளலாம்.

===================

என் கணவர் என்னை ஏமாற்றுவது போல் கனவு கண்டேன். இது கெட்டதா? கனவு முடிந்தவுடன் வருத்தம் விஞ்சி நிற்கிறது.

உங்கள் சொந்த சிந்தனைகளின் படி வாழாமல் நீங்கள் உங்களையோ அல்லது மற்றவர்களையோ ஏமாற்றுகிறீர்களா அல்லது ஏமாற்ற வாய்ப்புள்ளதா என கேட்கிறது அல்லது அதைப் பற்றிய பயத்தைக் குறிக்கிறது இந்த கனவு.

கனவுகளின் வகைகள்

சாதாரண கனவுகள்:
நாம் இரவில் தூங்கும்போது நம் வெளி மனம் தூங்கி விடும் . அப்போது ஆழ்மனம் விழித்துக் கொண்டு கனவு காணும். இக்கனவுகள் நினைவில் இருப்பதில்லை.

தெளிவான கனவுகள்:
இவற்றை நாம் கட்டுப்படுத்த முடியும். ஏனெனில் இக்கனவை நம்மால் உணர முடியும். ஆனால் இதை உணர நாம் சில வழிகளை கையாள வேண்டும். இனி வரும் பதிவுகளில் இவற்றையே பெரும்பாலும் கையாளப் போகிறோம்.

மனப் பரிமாற்ற (டெலிபதி) கனவுகள்:
உயிருள்ள இருவரின் மனங்களின் பரிமாற்றம் கனவில் நடக்கும். அதாவது மற்றவரின் எண்ணங்கள் உருவங்களாக நம் கனவில் தோன்றுதல். இதைப் பற்றி பின்னர் பார்ப்போம்.

முன்னறிவிப்பு கனவுகள்:
பெயர் சொல்வது போல இக்கனவுகள் எதிர்காலத்தில் நடக்க போகிறவைகளை காண்பிக்கும். கனவில் வருபவைகளும் நடக்கலாம். அல்லது கனவில் வந்தபடி நடக்க நம் மனம் நம்மை ஆட்டுவிக்கலாம்.

கடைசியாக பயங்கர கனவுகள் (NIGHTMARES).................

ஃபோட்டோஷாப் 9 - Fade Guassian Blur Effect

2010-10-26T14:30:00.001-07:00

படத்தை எடுத்துக் கொள்ளவும். அந்த லேயரை ரைட்கிளிக் செய்து Duplicate செய்துகொள்ளவும்.

பின்னர் Filter-> Blur-> Gaussian Blur என்பதை கிளிக் செய்யவும். Radius 7 என கொடுக்கவும்.

பிறகு Edit-> Fade Gaussian Blurஐ கிளிக் செய்யவும். Fade என தோன்றும் பெட்டியில் Mode ஐ Screen என கொடுக்கவும்.

பின் மீண்டும் Filter-> Blur-> Gaussian Blur என்பதை கிளிக் செய்யவும். Radius 8 என கொடுக்கவும்.

பிறகு Edit-> Fade Gaussian Blurஐ கிளிக் செய்யவும். Fade என தோன்றும் பெட்டியில் Mode ஐ Soft Light என கொடுக்கவும்.

அவ்வளவுதான்.

DEMO:

ஃபோட்டோஷாப் 8 - Halftone Pattern effect

2010-10-26T14:30:00.000-07:00

பின்னர் Filter-> Sketch-> Halftone Pattern என்பதை கிளிக் செய்யவும். Size 1, Contrast 5, Pattern type: Dot(வேறு எதுவும் கொடுத்தால் வேறு எஃபக்ட் கிடைக்கும்.) கொடுக்கவும்.

பிறகு Blending Modeஐ Linear Light என கொடுக்கவும் அவ்வளவுதான்.

DEMO:

கனவுகள் 8 - மனம், மனம் அறிய ஆவல்......

2010-10-25T16:31:00.000-07:00

வெளிப்படையாய் தெரியாதது, கண்ணுக்குத் தெரியாதது, தொட்டு உணர முடியாதது, அது எங்கே உள்ளது என தெரியாது, அதன் அளவை அளவிய முடியாது, அது இருக்க இடம் தேவையில்லை.

இதெல்லாம் கடவுளைப் பற்றிய விளக்கம் மட்டுமல்ல மனதிற்கும்தான்!!! மனம் பற்றி மனிதன் எப்போது ஆரம்பித்தானோ தெரியாது ஆனால் இன்று வரை அவன் தேடல் தொடர்ந்து கொண்டிருக்கிறது! இது ஆன்மீகரீதியாவும் சரி, அறிவியல்ரீதியாகவும் சரி! உலகில் புரியாத எல்லாவற்றையும் ஒரு கட்டத்தில் நீங்கள் புரிந்துகொள்ள முடியும். ஆனால் முழுமையாக புரிந்துகொள்ள மிக கடினமான ஒன்று மனம்தான்! ஏனெனில் இங்கே மனதை பற்றி புரிந்துகொள்வது அதே மனம்தான்!

மனம் என்பது என்ன? மனம் எங்கே உள்ளது?

நீங்கள் சந்தோசமாக இருக்கும்போது நெஞ்சில் இனம்புரியா உணர்வு ஏற்படுகிறதே அப்படியானால் இதயம் மனதின் இருப்பிடமா?
நீங்கள் கவலையாக இருக்கும்போது தலைவலிக்கிறதே அப்படியானால் தலை மனதின் இருப்பிடமா?
நீங்கள் பயப்படும்போது வயிற்றில் ஏதோ ஒரு கலக்கம் உருவாகிறதே அப்படியானால் வயிறு மனதின் இருப்பிடமா?

நம் உணர்வுகள் ஒவ்வொன்றிற்கு நம் உடலின் சில பாகங்களில் மாற்றங்கள் ஏற்படுவதை உணராலம். மனம் தன் வெளிப்பாட்டை உடலில் காண்பிக்கிறது. அப்படியானால் உடல் செயல்பாடுகளை கட்டுப்படுத்துவது மூளைதானே அப்ப்படியானால் மூளைதான் மனமா?

-------------------------

மூளையின் படத்தை நீங்கள் கண்டிருக்கலாம். சில மேடுகள்(கைரஸ்), சில பள்ளங்கள்(சல்கஸ்) என அதன் அமைப்பு இருக்கும். நம் நினைவுகள் ஓவ்வொன்றும் நம் மூளையில் பதிகின்றன. இதில் நமக்கு அடிக்கடி ஞாபகத்தில் இருப்பவை மேட்டில் பதியும். உபயோகத்தில் இல்லாத நினைவுகள் பள்ளத்தில் தங்கிவிடும். ஆனால் எல்லாமே மூளையில்தான் இருக்கும். நாம் பிறந்து முதல் இறக்கும் வரை எல்லாமே அது ஒரு முறை பார்க்கப்பட்டாலும், கேட்க பட்டாலும், உணரப்பட்டாலும்,............

பத்து வருடம் முன் பார்த்த ஒருவரை இப்போது பார்த்தால் எங்கோயோ பார்த்தது போல் உள்ளதே என நெற்றி சுருக்கி யோசிக்கிறோமா! அப்போது பள்ளத்தில் உள்ள நினைவுகளை தூண்டி எழுப்புகிறோம். அது நன்றாக தூண்டப்பட்டால் நிச்சயம் நினைவுக்கு வரும்.

Unconscious மனது பள்ளத்திலும் Conscious மனது மேட்டிலும் உள்ளது. நம்மால் பலவந்தமாக மறக்கடிப்படும்/மறக்கடிக்க முயற்சிக்கப்படும் நினைவுகள் பள்ளத்திற்கு சென்றாலும் மேட்டிற்கு வர முயற்சிக்கும். இதுவே கனவின் மூலமும் நடக்கிறது. வெறும் மூளையில் நினைவை தக்க வைக்க முயலும் போராட்டம் தான் இது. ஆனால் அது Conscious மனதில் இருந்தால் மட்டுமே நீங்கள் அதை கருத்தில் கொண்டு நடப்பீர்கள். அதனால்தான் இந்த போராட்டம்!

---------------------------

மனம் என்பது என்ன? மனது எங்கே உள்ளது என்பது பற்றி இன்னும் தெளிவான முடிவிற்கு

அறிவியலாளர்களால் வர முடியவில்லை. ஆனால் மனம் என்பது ஒரு அற்புதமான கருவி என்பதை அவர்கள் புரிந்துகொண்டுள்ளனர்.

மனம் எனபது தீர்மானிக்கும் ஆற்றல், பகுத்தறிவு, உடல் இயக்க ஒருங்கிணைப்பு, புலன் உணர்வு, ஞாபக சக்தி, சுயநினைவு, மயக்கம், புலனறிவு ஆகிய எட்டு பகுதிகளை உள்ளடக்கியுள்ளது. நம் ஒவ்வொரு செயலிலும் இவை இணைந்து செயல்படுகின்றன. ஒரு பந்தை பிடிக்கும்பொழுது உடல் இயக்கத்தோடு புலன் உணர்வு(பந்து நம் கையில் பிடிக்கிறோமா), பகுத்தறிவு(பந்து எங்கே வரும்) என்பவை செயல்படுகின்றன.

நெற்றிப் பகுதியில் உள்ள மூளைப் பகுதியான superior frontal gyrus அல்லது superior frontal convolutionஐ மேற்கத்திய உளவியாளலர்கள் மனதின் பிறப்பிடமாக குறிப்பிடுகிறார்கள். அவர்களின் கூற்று: மனம் என்பது பித்தப்பையில் சுரக்கும் பித்த நீர் போன்று மனம் என்பது மூளையிலிருந்து சுரக்கும் ஒன்று(ஆனால் அதை காண முடியாது). நெற்றிப் பகுதியை மனதின் பிறப்பிடம் என ஒத்துக் கொள்ளலாம். கண்களை மூடி ஒரு புள்ளியை நினைத்துக் கொண்டு அதை நெற்றியின் மையத்தில் சில நிமிடங்கள் இருத்தி வையுங்கள். மனம் ஒருமுகப்படுவதை நீங்கள் உணரலாம்.

மனதின் பிறப்பிடம் எங்கே இருந்தாலும் மனம் நிச்சயம் ஒரே இடத்தில் இருப்பதில்லை அல்லது தன் இருப்பை காட்டிக் கொள்வதில்லை. நம் உணர்வுகளுக்கு தக்கவாறு மனம் தன் இடம் இப்போதைக்கு இதுவெனச் சொல்கிறது. மனம் பற்றிய கோட்பாடுகள் அறிவியல், தத்துவ இயல், ஆன்மீகம் என பல இடங்களில் பலவாறாக கையாளப்பட்டாலும் எல்லோமே முடிவில் மனம் ஒரு அற்புதப் புதிர் என்றே சொல்கின்றன.

கனவைப் பற்றி தொடரில் மனம் பற்றி அதிகம் பேசிவிட்டேன். மனம் பற்றி ஓரளவு புரிந்தால் கனவை எளிதாக புரிந்துகொள்ளலாம். அதற்காகவே இப்பதிவு. ஒன்று மட்டும் உறுதி- உலகில் நீங்கள் எவர் ஒருவரின் மனதையும் முழுமையாக புரிந்துகொள்ள முடியாது, உங்களுடையதை தவிர. மனம்... மனம் அறிய ஆவல் அதிகமாகிக் கொண்டே இருக்கும். மனதை பற்றி பேச எக்கச்சக்கமான விசயங்கள் அற்புதங்கள் உள்ளன. வேறு பதிவுகளில் அவற்றை சொல்கிறேன். மீண்டும் கனவிற்குள் செல்வோம்.......

-------------------------------------------------------------------

ஒரு கனவை ஆராய அதில் வரும் உருவங்கள்தான் முக்கியம் இதை Symbols என சொல்கின்றனர். இது அதில் வரும் நபர்கள், மற்ற உயிர்கள், பொருட்கள், இடங்கள், ஒலிகள், சுவை, மணம், வெளிச்சம், தொடு உணர்ச்சி, காலநிலை, உணர்வு(பயம், மகிழ்ச்சி போன்றவை), முக்கியமாக உங்களின், மற்றவர்களின் செய்கைகள் போன்றவை ஆகும். இது ஒவ்வொன்றும் மிக முக்கியமானதாகும் எல்லாவற்றையும் நினைவில் வைத்தால் தவிர முழுமையாக கனவை புரிந்துகொள்ள முடியாது.

உதாரணமாக....

என் கனவில் நான் ஓடிக் கொண்டிருக்கிறேன். ஒரு பிணம் என்னை துரத்திக் கொண்டே வருகிறது. அதற்கு அருகில் நான் செல்லும்போதெல்லாம் அது என்னை கடித்து விடுகிறது. நான் விழித்துக் கொண்டு விடுகிறேன். சில சமயங்களில் கனவு மிக பயங்கரமாக இருக்கும்போது நான் கனவின் நடுவிலேயே விழித்து விடுகிறேன். இருப்பினும் சில சமயம் சமாதனமாகி தூங்கினாலும் மீண்டும் அதே கனவு வருகிறது.

நீங்கள் எதைக் கண்டோ பயப்படுவதை கனவு குறிப்பிடுகிறது. கனவு கண்டவர் சிறியவரானால்-நீங்கள் சிறுவயதில் இருந்தபோது உங்கள் பெற்றோரின் பாதுகாப்பிலிருந்து விடுபட்டு சுதந்திரமாக இருக்க/வாழ நினைத்திருக்கலாம். கனவு கண்டவர் பெரியவரானால்-நீங்கள் சில சமூக மரபுகளை உடைத்து உங்கள் வழியில் வாழ நினைத்திருக்கலாம். இருப்பினும் சமூக வற்புறுத்தல் குறித்து பயப்படுகிறீர்கள். அந்த பிணம் உங்கள் பயத்தை குறிக்கிறது.

கனவை நாம் புரிந்துகொள்வது எளிதுதான் ஏனெனில் அதில் வருபவை தொடர்பானவை நம் வாழ்வில் ஏதேனும் சந்தர்ப்பத்தில் வந்துள்ளதா என நமக்கு மட்டுமே தெளிவாக தெரியும் அதனால் எளிதுதான்.

இவ்வளவெல்லாம் செய்து என் கனவை நான் புரிந்துகொள்வதால் என்ன பயன் உள்ளது? பார்ப்போம்................................

ஃபோட்டோஷாப் 7 - Ghost Image

2010-10-25T16:30:00.000-07:00

படத்தை எடுத்துக் கொள்ளவும். அதை ரைட்கிளிக் செய்து duplicate செய்து கொள்ளவும். இப்போது duplicate layerஐ தேர்ந்தெடுத்து, Image->Adjustments->Desaturate என்பதை கிளிக் செய்தால் படம் கருப்பு வெள்ளையாகிவிடும்.

இப்போது Filter->Blur-> Motion Blurஐ கிளிக் செய்யவும். Angle 0 எனவும், Distance 95 (இது உங்கள் விருப்பம்போல் மாற்றிக்கொள்ளலாம்) எனவும் அளிக்கவும்.

பிறகு Layer Mask பட்டனை கிளிக் செய்யவும். இப்போது desaturate blur layerல் ஒரு வெள்ளை கட்டம் வந்திருக்கும். அந்த வெள்ளை கட்டத்தை கிளிக் செய்யவும். பிறகு பிரஷை தேர்ந்தெடுக்கவும். சாஃப் பிரஷை தேர்ந்தெடுங்கள். நிறம் கருப்பாக இருக்கட்டும். opacity 10% கொடுக்கவும். பிரஷை படத்தின் நடுவிலிருந்து கண், மூக்கு, உதடு போன்ற பகுதிகளில் தேய்த்தால் அந்த இடம் மட்டும் தெளிவாகும். தேவையான இடங்களை இப்படி தேய்க்கவும்.

லேயரை ரைட்கிளிக் செய்து Merge layers(Merge down) ஐ கிளிக் செய்யவும். படம் ஒரே படமாகி விடும். பிறகு Filter-> Distort-> Difusse Glow என்பதை கிளிக் செய்யவும். Graininess: 3, Glow Amount: 10, மற்றும் Clear Amount: 10 என கொடுக்கவும். இவற்றை படத்திற்கு தகுந்தவாறு அட்ஜஸ்ட் செய்யலாம்.

கடைசியாக New Fill Or Adjustment Layer பட்டனை அழுத்தவும். அதில் Solid Colorஐ தேர்ந்தெடுக்கவும். விரும்பிய நிறம் கொடுக்கலாம் (பச்சை கொடுத்தால் நல்லது ). புது லேயர் உருவாகும். Layer Modeல் Color Burn அல்லது Color Dodgeஐ அளிக்கவும். Opacity 10-15க்குள் கொடுக்கவும்.

DEMO:

கனவுகள் 7 - நான்.............

2010-10-22T17:15:00.001-07:00

“Dreams are like stars...you may never touch them, but if you follow them they will lead you to your destiny.”

17 வயது இளைஞன் ஒருவனின் கனவு.

நான் பள்ளிக்கு சென்று கொண்டிருக்கிறேன். அப்போது என் நண்பர்களில் ஒருவன் தன் காதலியோடு பேசிக் கொண்டிருக்கிறான். நான் அவன் அருகே சென்று அவன் சட்டையை பிடித்து தள்ளி விடுகிறேன். ஒரு ஸ்டீல் ராடால் அவனை பயங்கரமாக அடிக்கின்றேன்.  நான் நிற்கும் தரையில் அவன் மூளை வெளியே வருகிறது. என்னைச் சுற்றியுள்ள அனைவரும் கைதட்டுகிறார்கள்.

உணர்ச்சி: மகிழ்ச்சி

ஆய்வு: இந்த கனவு நீங்கள் ஒரு சூழ்நிலையில் எப்படி செயல்படுகிறீர்கள் என கேட்கிறது. கனவில் நீங்கள் அளவுக்கு அதிகமாக உணர்ச்சி வசப்படுவது தெளிவாக தெரிகிறது. நீங்கள் ஏதேனும் சம்பவத்திற்கு அளவுக்கு அதிகமாக உணர்ச்சிவசப்பட்டீர்களா?

தூக்கம் என்பது ஒரு பயணம் போலத்தான். ஒவ்வொரு நாளும் தூங்கி எழுந்திருக்கும்போது நம் மனம் ஒரு பயணத்தை முடிக்கின்றது. நம் தூக்கத்தை மூன்று நிலைகளாக பிரிக்கலாம். 1. மந்தமான விழிப்புக்கும் லேசான தூக்கத்திற்கும் இடைப்பட்ட நிலைகளை. கண் சொக்குதல் இந்த நிலையில் ஏற்படுகிறது. 2. உண்மையான தூக்கம் இங்கே மனதில் நெருக்கமற்ற, உலகு சார்ந்த நினைவு போன்றவை ஏற்படுகின்றன. அதாவது நம்மை சுற்றி நடப்பவை உண்மையும் கற்பனையும் கலந்ததது போல் தோன்றும் நிலை. முதல் நிலையிலிருந்து இரண்டாம் நிலைக்கு விரைவில் சென்று விடுவோம். 3. டெல்டா தூக்கம் அல்லது ஆழ்ந்த தூக்கம் இதற்கு செல்ல எப்படியும் 20-30 நிமிடங்கள் ஆகும். ஆழ்ந்த தூக்கத்தில் கனவு காணுவது என்பது மிக மிக குறைவாகவே ஏற்படுகிறது. இந்த நிலையில்தான் நம் ஆழ்மனதுடன் தொடர்பு ஏற்படுகிறது, வெளி மனதின் தொடர்பு துண்டிக்கப்படுகிறது. ஆனால் ஞாபகங்கள், நம் நோக்கங்கள், பிரச்சினைகள் அப்படியே உள்ளன. ஆழ்ந்த தூக்கத்திற்கு சென்ற 30-40 நிமிடங்களுக்கு பிறகு மீண்டும் இரண்டாம் நிலைக்கு வந்து விடுகிறோம். எனவே தூங்க ஆரம்பித்து 70-90 நிமிடங்களில் நம் முதல் REM தூக்கம் ஏற்படுகிறது. இந்த நிலையில் ஒரு தற்காலிக விழிப்பு போன்ற நிலை ஏற்படுகிறது.

**************************

நாம் மூன்று நிலைகளில் வாழ்கிறோம். 1. நிஜ உலகு. 2. கற்பனை 3. கனவு. மனமானது. ஆழ்மனம் மூன்று நிலைகளிலும் வேலை செய்கிறது. ஆனால் வெளிமனது மூன்று நிலைகளிலும் முழுமையாக ஈடுபடுவதில்லை. மூன்று நிலைகளுக்குமான வேறுபாட்டையும் மூன்று நிலைகளிலும் வெளிமனதை வாழ பழக்கினால் கனவைப் பற்றி முழுமையாக நம்மால் புரிந்துகொள்ள முடியும். இதைச் செய்வதால் கனவைப் பற்றி மட்டும் அறியாமல் நம் மனதில் பல விஷயங்களையும் சக்திகளையும் புரிந்துகொள்ள முடியும், பெறமுடியும்.

நம் நிஜ உலகின் இருப்பை நமக்கு உணர்த்துவதில் பெரும்பங்கு வகிப்பது நம் புலன் உணர்ச்சிகளே. ஆனால் நாம் எப்போதும் விழிப்பு நிலையில் இருப்பதில்லை. உளவியலில் சில விசயங்களை ஆராயச் சென்றபோது நான் கண்டறிந்தது மனதை பண்படுத்தும் பல பயிற்சிகள் நம் முன்னோர்கள் சொன்ன ஆன்மீக/யோக பயிற்சிகளை போல் உள்ளது. கிட்டதட்ட நான் யார் என்ற கேள்விக்கு விடைதேடுவது போல இப்பயிற்சிகள் உள்ளன. எல்லாமே எளிமையானவைதான். ஆனால் அதை செய்ய செய்ய நமக்குள் தானாக ஏதோ மாற்றங்கள் உண்டாகின்றன. அதனை முறையாக பயன்படுத்தும்பொழுது பல பயன்கள் கிடைக்கின்றன.

நம் இருப்பை உணர்தல்:

நீங்கள் இருக்கிறீர்களா? இதென்ன கேள்வி இருக்கிறேனே! சரி என்ன செய்து கொண்டிருக்கிறீர்கள். இதை படித்துக் கொண்டிருக்கிறேன். பிறகு, பாட்டு கேட்கிறேன், பிறகு அருகில் உள்ளவர்களிடம் அவ்வப்போது பேசுகிறேன். இப்படி நீங்கள் செய்யும் ஓவ்வொரு செயல்களையும் எப்போதும் ஊன்றி கவனித்துக் கொண்டே இருக்கிறீர்களா?? இல்லை!!!!

விழிப்புநிலை - ஒரு பயிற்சி:

இந்த பயிற்சியில் கற்பனையாக நினைத்து அதனை நிஜமாக உணர வேண்டும். கற்பனையாக ஒரு பொருளை நினைத்தல் அந்த பொருளின் நுணுக்கங்களை கற்பனையில் கவனித்தல் மனதில் விழிப்புணர்விற்கு பெரிதும் உதவுகிறது. கீழ்காண்பவற்றை கற்பனையாக செய்யவும்.

1.பார்த்தல். நீங்கள் எதைப் பார்க்கிறீர்களோ. அதன் வடிவம், நிறம், அசைவு, பரிமாணம், அதன் நுணுக்கங்கள் அதைச் சுற்றியுள்ளவை எல்லாவற்றையும் கூர்ந்து நோக்குங்கள்.

2. கேட்டல் - நீங்கள் எதைக் கேட்கிறீர்களோ அதன் தொனி, ஏற்ற இறக்கம், ரிதம், ஒலி அளவு போன்றவற்றை கூர்ந்து கேட்டல்.

3. நுகர்தல் - வாசனை எந்த வித வாசனையை முகர்கிறீர்கள். மண், பழங்கள், மலர்கள் இவற்றின் ஒவ்வொரு வாசனையை நுகர்ந்து உணர்தல்(அதாவது ஒரு ரோஜாவை நினைத்தால் அதன் வாசனையை கற்பனையிலேயே உணர்தல்).

4. சுவைத்தல் - கற்பனையில் பலவித பொருட்களின் சுவையை உணர்தல்

5. தொடு உணர்வு - இது மிக முக்கியமானது. சூடு, குளிர்ச்சி, ஈரம், வலி, சாதாரண தொடுதல், சொரசொரப்பானதை தொடுதல் வழப்பானதை தொடுதல், எடை, போன்ற பல உணர்ச்சிகளை

6. சுவாசம் - நாம் எப்போதும் சுவாசித்துக் கொண்டிருக்கிறோம் ஆனால் அதை எல்லா சமயங்களிலும் உணர்வதில்லை. நம் சுவாசத்தை ஆழமாக கவனியுங்கள்.சீராக சுவாசிக்கவும். அதை ஆழமாக உற்று நோக்கவும்.

7. உணர்ச்சிகள் - நம் உணர்ச்சிகளான கோபம், சந்தோசம், கவலை, வருத்தம், வெறுப்பு போன்ற உணர்வுகளை கற்பனையில் நினைக்கவும். மனதால் உணரவும்.

8. எண்ணம்- இவ்வளவு நேரமாக இவை அத்தனையையும் சிந்தித்துக் கொண்டிருக்கிறீர்கள். நீங்கள் சிந்தித்து கொண்டிருக்கிறீர்கள் என்பதையும் உணர வேண்டும். அதாவது ஒவ்வொரு சமயமும் நாம் இப்போது என்ன யோசித்து கொண்டிருக்கிறோம் என உணர்தல்.

9. நான் - உங்கள் உலகத்தில் நீங்களும் இருக்கிறீர்கள். ஆமாம் நாம் நம்மைச் சுற்றியுள்ளவற்றை வைத்தே அனைத்தையும் யோசிக்கிறோம், உணர்கிறோம். நான் இதைச் செய்கிறேன் என்கிற போது நீங்கள்(அதாவது உங்கள் மனம்) உங்களுக்குள் இருந்து யோசிக்கிறது. உங்கள் மனதை உங்களை வெளியே வந்து யோசிக்கச் செய்யுங்கள் நீஙகள் செய்வதை வெளியிலிருந்து ஒரு வேறு நபரை கவனிப்பது போல செய்பவற்றை கவனிக்க செய்யுங்கள்.

10. விழிப்புணர்வை உணர்தல்- நீங்கள் எப்போதும் எல்லாவற்றையும் ஆழ்ந்து நோக்குகிறீர்கள் என்பதை உணர்தல.

மேற்கண்டவைகளை நீங்கள் படிக்கும்பொழுது புரிந்தும் புரியாமல் ஏதோ ஆன்மீகக் கட்டுரை படிப்பது போல இருக்கலாம். ஆனால் இவை அனைத்து நம் மனதை பண்படுத்தும் அடிப்படை உளவியல் பயிற்சிகள் ஆகும். உண்மையில் நீங்கள் இப்படி கற்பனையில் நினைத்து பார்ப்பதுதான் கனவிலும் நடக்கிறது. நிஜ உலகிலும் இப்படி ஒவ்வொன்றையும் ஒருமுறை கூர்ந்து கவனிக்கலாம். அதற்கு சுமார் 10 நிமிடங்கள் ஆகலாம். ஆனால் அந்த செயலை செய்து முடித்தபின்னும் மனம் ஒரு புத்துணர்வோடு இருப்பதை நாம் உணர முடியும்.

நீங்கள் நான் யார் என உண்மையாக யோசித்திருக்கிறீர்களா??? நான் யார் என 2 நிமிடம் யோசித்தாலே உள்ளுக்கும் ஒரு இனம் புரியாத பயம் போன்ற உணர்வு ஏற்படலாம். இது மனம் தன்னையே கேட்கும் கேள்வியால் ஏற்படுகிறது. நான் என்பது மனம் மட்டுமே.

உடலில் மனம் எங்கே உள்ளது???

ஃபோட்டோஷாப் 6 - Reflections in Sunglass

2010-10-22T17:15:00.000-07:00

முதலில் ஒரு கூலிங் கிளாஸ் உள்ள படத்தை எடுத்துக் கொள்ளவும்.
பிறகு செலக்சன் டூல்களை பயன்படுத்தி ஒரு பக்க கூலிங்கிளாஸின் உட்பக்த்தை தேர்ந்தெடுத்துக் கொள்ளவும்.

புதிய லேயரை உருவாக்கவும். பிறகு Edit->Fill என்பதை கிளிக் செய்து use என்பதில் Blackஐ கொடுக்கவும். இப்போது புதிய லேயரில் செலக்ட் ஆன பகுதி மட்டும் கருப்பாக இருக்கும்.

புதிய லேயரை உருவாக்கவும். அடுத்து கூலிங்கிளாசில் தெரிய வேண்டிய படத்தை திறந்தது காபி செய்து புதிய லேயரில் பேஸ்ட் செய்யவும்.

பிறகு controlஐ அழுத்திக் கொண்டே கருப்பு பகுதி லேயரை கிளிக் செய்தால் அந்த கருப்பு பகுதி மட்டும் செலக் ஆகும். பிறகு படம் இருக்கும் லேயரை ரைட்கிளிக் செய்து create clipping mask என்பதை கிளிக் செய்தால் கூலிங்கிளாஸ் பகுதியில் மட்டும் அப்படம் தெரியும். கூலிங்கிளாசுக்கு தகுந்தவாறு படத்தின் அளவை மாற்றலாம்.

பிறகு செலக்சனை டீசெலக்ட் செய்து விட்டு கூலிங்கிளாசில் உள்ள படத்தின் அளவை தகுந்தவாறு அமைக்கவும். பிறகு blending optionல் inner shadowஐ கொடுக்கவும்.

அதை ரைட்கிளிக் செய்து duplicate layerஐ உருவாக்கவும் அதுவும் clipping mask உடன் இருக்கும். அதன் blending modeஐ multiple எனவும் opacityஐ தகுந்தவாறு(80%) கொடுக்கவும். புதிய லேயரை உருவாக்கவும்.

புதிய லேயரை உருவாக்கி gradientஐ படத்தில் உள்ளவாறு அமைக்கவும். பிறகு மீண்டும் கூலிங்கிளாஸ் கருப்பு பகுதி லேயரை controlஐ அழுத்திக் கொண்டே கிளிக் செய்யவும். மீண்டும் புதிய லேயரை கிளிக் செய்து கிரேடியண்டை இழுக்கவும். இது கூலிங்கிளாஸின் ஒரத்தில் வெளிச்சத்தை தருவதற்காகும்.

இதேபோல் கூலிங்கிளாசின் மற்றொரு பக்கத்திற்கும் செய்யவும்.

DEMO:

கனவுகள் 6 - கனவுகள் நினைவில்.....

2010-10-21T18:29:00.000-07:00

Nothing happens unless first we dream. - Carl Sandburg

1815. நெப்போலியனின் பிரெஞ்சுப் படைகளுக்கும் பிரஷ்யப் படைகளுக்கும் வாட்டர்லூ(தற்போது பெல்ஜியத்தில் உள்ளது) என்ற இடத்தில் கடும் சண்டை நடந்து கொண்டிருந்தது. ஒரு நாள் இரவு நெப்போலியனுக்கு ஓர் கனவு வந்தது அதில் ஒரு கருப்பு பூனை அவரின் படைகளும் பிரஷ்ய படைகளும் என முன்னும் பின்னுமாக சென்று கொண்டிருந்தது.

மறுநாள் போரில் பிரெஞ்சுப் படைகள் கடும் வீழ்ச்சியடைந்து போரில் தோற்றன. அந்த தோல்வியே நெப்போலியனின் சாம்ராஜ்யத்திற்கும் முற்றுப் புள்ளியாக அமைந்தது.

*************

Elias Howe ஒரு தையல் இயந்திரத்தை உருவாக்க மாதக் கணக்கில் முயன்று கொண்டிருந்தார். அவர் நடுவில் ஒரு ஓட்டை உள்ள ஊசியை பயன்படுத்தி தைத்தார். ஆனால் தையல் சீக்கிரத்தில் பிரிந்தி விடுகின்றது. ஒரு நால் அவர் கனவில் அவரைச் சுற்றி காட்டுமிராண்டிகள் நின்று கொண்டு ஈட்டி வேல்கம்புகளை சுழற்றி பயமுறுத்துவதை கண்டார். அந்த எல்லா ஆயுதங்களின் முனைகளின் நடுவிலும் ஓட்டை இருந்தது.

கனவில் இருந்து விழித்த அவர் தன் தையல் ஊசியில் முனையின் நடுவில் ஓட்டை உருவாக்கினார். தையல் இயந்திரம் உருவாயிற்று.

___________________________________

கனவைப் பற்றியும் அதன் முக்கியத்துவம் பற்றியும் ஓரளவு தெரிந்து கொண்டீர்கள். சரி. ஆனால் கனவு எனக்கு ஞாபகம் இருந்தால்தானே அதைப் பற்றி அறிந்துகொள்ள முடியும் என சிலர் கூறலாம். கனவை நினைவில் வைக்க சில வழிகள் உள்ளன.

படுக்கச் செல்லும் முன், கனவுகளை ஞாபகம் வைத்துக் கொள்ள வேண்டும் உங்களிடம் நீங்களே வாய்விட்டுச் சொல்லுங்கள். வெறுமனே மனதிற்குள் சொல்வதை விட வாய்விட்டுச் சொல்வது மிகுந்த பலனளிக்கு. உங்கள் குரல்வளை செயல்பாடு, நரம்பு மண்டலத்தில் ஒரு பணியை திட்டமிட உதவுகிறது.

கனவுகளை குறித்து வைக்க என்று ஒரு நோட்டை உருவாக்குங்கள். ஒவ்வொரு நாள் கனவில் வந்த உருவங்கள் குறியீடுகள் பற்றி அதில் குறித்து வையுங்கள். அந்த நோட்டு உங்கள் படுக்கைக்கு அருகில் இருக்க வேண்டும். இந்த நோட்டு கனவிற்கான எதிர்பார்ப்பை தூண்டும் பொருளாக செய்லபடுகிறது. டார்ச் லைட்கள், சில பேனாக்கள் போன்றவற்றை அருகில் வைக்கவும். சிலருக்கு குவார்ட்ஸ்(படிகக் கல்) கூட கனவிற்கான அலைவரிசைக்கு உதவும் பொருளாக இருந்துள்ளது. அந்த கனவை குறிக்கும் நோட்டில் ஒவ்வொரு நாள் தூங்கச் செல்லும் முன் அன்றைய தேதியை எழுதவும். இது கனவை ஞாபகம் வைக்க வேண்டும் என்ற எதிர்பார்ப்பை அதிகமாக்கும்.

முடிந்தவரை இயல்பாக (அலாரம் இல்லாமல்) எழுந்திருக்க பாருங்கள். தூங்கும் முன் அதிகமாக தண்ணீர் குடிப்பது எழுந்திருக்க வைக்கும் கனவை நினைவில் வைக்க உதவும்.

படுக்கும் முன் ஓய்வாக இருக்கவும். (முடிந்தால் குளிக்கலாம்). படுக்கும் நிலை, படுக்கும் நேரம், எழுந்திருக்கும் நேரம் போன்றவற்றை ஒரே மாதிரியாக அமைத்துக் கொள்ளவும். தூங்கும் முன் மிகப் பலமாக உண்ண வேண்டாம்.

கனவிலிருந்து விழித்தவுடன் உங்களுக்கு உடனே எதுவும் ஞாபகத்திற்கு வரவில்லை என்றால் உங்கள் உடல் உணர்வுகளை ஆழமாக கவனியுங்கள். கனவிலிருந்து எழுந்திருக்கும்போது உடல் எந்த நிலையில் இருந்ததோ அந்த நிலையில் படுக்கவும்(கனவு காணும்போது உடல் திரும்பியிருந்திருக்கலாம்). உடலில் என்னென்ன மாற்றங்கள்(கிளர்ச்சி, அயர்ச்சி, நடுக்கம் போன்றவை) ஏற்பட்டுள்ளது என கவனியுங்கள். கனவிலிருந்து விழித்த பின் உங்கள் உணர்ச்சிகள் அதாவது வாசனை, சுவை, தொடு உணர்வு, கேட்குதல், பார்வை போன்றவற்றில் ஏதாவது மாற்றம் உள்ளதா என கவனியுங்கள். இவையெல்லாம் கனவை நினைவுக்கு கொண்டு வர உதவும். ஆனால் மிகுந்த பலவந்தமாக கனவை நினைவுபடுத்த முயற்சிக்க வேண்டாம்.

கனவிலிருந்து விழித்த உடன் அதைப் பற்றி மேற்கண்டவாறு செய்த பின் அதை எழுதி வைக்கவும். அதற்காகத்தான் பொருட்கள் படுக்கைக்கு அருகில் இருக்க வேண்டும். கனவை பற்றி எழுதி வைக்கும் பொழுது உங்கள் மனதில் வரும் அனைத்தையும் எழுதவும். - நிறங்கள், உருவங்கள், ஒலிகள், சுவை, வாசனை, பேச்சுக்கள், சூழ்நிலை அமைப்புகள், உணர்ச்சிகள், உணர்வுகள் எல்லாவற்றையும் எழுதவும். அது மட்டுமில்லாது கனவை ஒரு சம்பவம் போல நீங்க விவரிப்பது போலவும் எழுதி வைக்கவும்.

கனவை ஞாபகம் வைக்க மருந்துகள் கூட உண்டு ஆனால் அவற்றை மருத்துவர் பரிந்துரைபடியே பயன்படுத்த வேண்டும். கனவுகளை நினைவில் கொள்ள மேலும் சில மனோதத்துவ முறைகளும் உள்ளன அவற்றை வரும் பதிவுகளில் பார்ப்போம்.

பல விசயங்களின் பலன் புரியாவிட்டாலும் செய்துபார்க்கும்பொழுது அதன் பயனையும் மாற்றத்தையும் நீங்கள் நிச்சயம் உணர்வீர்கள்.

___________________________

80% பிறந்த குழந்தைகள், கைக்குழந்தைள் REM வகை தூக்கத்தில் பெருமளவு நேரத்தை தூக்கத்தில் கழிக்கின்றனர். காயம்/விபத்து ஏற்பட்டவர்கள் அந்த சூழ்நிலைகளில் அதை சம்பந்தமாக கனவுகளை அதிகமாக காண்கிறார்கள்.
பெரியவர்களை விட குழந்தைகள் அதிகமாக மிருகங்கள பற்றி கனவு காண்கிறார்கள். சிறுவயது கனவுகள் பெரியவர்களின் கனவுகளை விட சிறியதாக இருக்கும். அவற்றில் 40% பயங்கர கனவுகளாக இருக்கும். சிறுவயதில் கருப்பு வெள்ளை தொலைக்காட்சி பார்த்தவர்கள் சிறுவயதில் கலர் டிவிக்களை பார்ப்பவர்களை விட அதிகமாக கருப்பு- வெள்ளை நிறத்தில் கனவு காண்கிறார்கள். இனி வரும் பதிவுகளில் கனவுகள் வரும் உருவங்கள் அதை சார்ந்த நம்பிக்கைகளை பற்றி காணலாம்.

____________________

ஒரு சிறு மேஜிக்: நாற்காலியிலோ அல்லது தரையில் சுவற்றின் ஓரமாகவோ வசதியாக உட்காரவும். கைகளை மடியில் உங்கள் உள்ளங்கைகளை ஒன்றோடொன்று பார்க்குமாறு வைக்கவும். கைகள் தரைக்கு இணையாக இருக்க வேண்டும். கண்களை மூடவும். உள்ளங்களைகளுக்கு இடையில் சிறிது இடைவெளி இருக்க வேண்டும். கைகளை சுழற்றுவது போல ஆட்டவும் (கிட்டதட்ட சிறுவர்கள் ரயில் ஓட்டி காண்பிப்பது போல). கொஞ்ச நேரத்தில் கைகளுக்கு இடையில் ஒரு பந்து உருளுவதை போல நீங்கள் உணரலாம்.

ஃபோட்டோஷாப் 5 - Fill a photo with another

2010-10-21T18:28:00.000-07:00

Fill செய்ய நினைக்கும் படத்தை எடுத்துக்கொள்ளவும். படம் மிகச் சிறியதாக இருந்தால் நல்லது. இல்லாவிட்டாலும் Image-> Image sizeல் தேவையான அளவு படத்தை மாற்றலாம்.

பிறகு Image -> Desaturationஐ கிளிக் செய்யவும். படம் கருப்பு வெள்ளையாகி விடும். பிறகு Edit -> Define Patternஐ கிளிக் செய்யவும். பெயர் ஏதாவது கொடுக்கவும். உங்கள் படம் Pattern ஆக சேவ் ஆகி விடும்.

இப்போது முதன்மை படத்தை எடுத்துக் கொள்ளவும்.

புதிய லேயரை உண்டாக்கவும். Edit -> Fillஐ கிளிக் செய்யவும். அதில் Use என்பதில் Pattern எனக் கொடுத்து நீங்கள் உருவாக்கிய படத்தை தேர்ந்தெடுக்கவும்.
படம் லேயர் முழுதும் நிறைந்திருக்கும்.

பிறகு அந்த லேயரின் blend modeஐ Overlay ஆக மாற்றவும். தேவைப்பட்டால் Opacityஐ குறைக்கலாம்.

DEMO:

கனவுகள் 5 - கோட்பாடுகள்

2010-10-18T15:44:00.000-07:00

"கனவுகள் என்பவை நம் பண்புகளை கூறும் உரைகல்."

- Henry David Thoreau

சில பேருக்கு கனவுகளில் சுவாரசியம் இல்லாமல் இருக்கலாம். அவர்கள் கேட்கலாம். நான் ஏன் கனவுகளைப் பற்றி கவலைப்பட வேண்டும்? எனக்கு கனவு ஞாபகம் இருப்பதே எப்போதாவதுதான்! ஞாபகம் இருப்பது கொஞ்சம்தான். அதுவும் வெறும் குப்பைதான்.”

இப்படி நினைப்பவர்களுக்கு: நாம் அனைவரும் கனவு காண்கிறோம். நாம் நம் வாழ்க்கையில் சுமார் 5-15% வாழ்நாளை கனவில் கழிக்கிறோம். அதிகபட்சம் 10 வருடங்கள்!!! நிச்சயம் கனவுகளில் ஏதோ முக்கியத்துவம் இருக்கிறது.

கனவுகளில் பல சிறந்த விசயங்கள் நடந்துள்ளன. பல கண்டுபிடிப்புகள் கண்டறியப்பட்டுட்டுள்ளன. பென்சீன் வளையம், தையல் ஊசி போன்றவை விஞ்ஞானியின் கனவில் உதித்தவையே. Robert Louis Stevenson தன் கனவினாலேயே Dr. ]ekyll மற்றும் Mr. Hyde ஆகிய புகழ்பெற்ற கதாபாத்திரங்களை உருவாக்கியதாக சொல்லியுள்ளார். Mozart தன் இசைக்கான தீம்கள் தன் கனவிலிருந்து பெறப்படுவதாக கூறியுள்ளார். Tartini தன் பிரபலமான வயலின் இசையை தன் கனவில் ஒரு பேய் வாசித்ததைக் கொண்டு உருவாக்கியதாக கூறியுள்ளார்.

ஒவ்வொரு நாள் காலையில் நாம் விழிக்கும்போது நம் மனம் ஒரு முக்கியமான நிலையில் இருக்கிறது. நாம் பெரும்பகுதி தூக்கத்தில் கழித்துள்ளோம். ஒரு உண்மை. நாம் தூங்கும்போது நம் உடல் கிட்டதட்ட செயலிழப்பு(paralyse) ஆனதுபோன்று இருக்குமாம். தூக்கத்தை உண்டாக்க உதவுவதற்காக நம் உடலில் ஹார்மோன்கள் சுரக்கின்றன. இதனால் உடலை ஓய்வாக வைத்திருக்குமாறு நரம்பு செல்கள் நம் தண்டுவடத்திற்கு செய்தி அனுப்புகின்றன. ஓய்வு கிட்டதட்ட செயலிழப்பு ஆகிறது. எனவே நாம் தூக்கத்தில் கால் தூக்கி போடுவது, புரளுவது இதெல்லாம், கனவினால்தான். தானாக நடக்கும் உடல் அசைவுகள்.

இப்படிப்பட்ட கனவை நாம் ஆராய ஆரம்பித்தால் குப்பையாக நினைக்கும் கனவுகள் ஆச்சரியங்களாகும். கனவைப் பற்றி பல ஆராய்ச்சியாளர்கள் பலவித கருத்துக்களை கொண்டுள்ளனர்.

+ பகுப்பாய்வு உளவியலின் தந்தையான சிக்மண்ட் ஃபிராய்டு சொல்லும் கருத்துக்களே பெருமளவில் ஏற்றுக் கொள்ளப்பட்டிருந்தாலும் இவை அனைத்தும் தியரிகளே. இவரின் கூற்றுப்படி கனவுகள் என்பவை ஆழ்மனதின் ஆசைகள், கற்பனைகள், நினைவுகள், மற்றும் செயல்நோக்கங்கள் ஆகும். மக்கள் ஆக்ரோஷம் மற்றும் பாலுறவு உந்துதல்களை கொண்டுள்ளனர். இவை வெளிமனதிலிருந்து மறைக்கப்படுகின்றன. அழுத்தப்படுகின்றன. வெளிமனதில் வெளிப்படாத இவைகள் கனவாக வெளிப்படுகின்றன. சிக்மண்ட் ஃபிராய்டு கனவுகள் என்பவை ’அடக்கி வைக்கப்பட்ட ஆசைகளின் பொய்யான நிறைவேறுதல்கள்’ என்கிறார்.

+ மற்றொரு கருத்து: REM வகை தூக்கத்தின்போது உணர்ச்சிகள், உணர்வுகள் மற்றும் நினைவுகளை உள்ளடக்கிய இடமான லிம்பிக் சிஸ்டம் தூண்டப்படுகிறது. மூளை இந்த சிக்னல்களுக்கு(செய்திகளுக்கு) அர்த்தம் கண்டுபிடிக்க உள்ளுக்குள் நிகழ்த்தும் நிகழ்வுகளே கனவுகள் எனப்படுகின்றன. நம் மூளை பல விசயங்களை உருவாக்கும் திறன் பெற்றது. அதேசமயம் அது ஒழுங்கற்றும், உடனுகுடனும் செயல்படக்கூடியது. நாம் தூங்கும்போது இப்படி செயல்பட்டு பல புதிய விசயங்களை சிந்திக்கின்றனது. இவை அர்த்தமற்றவை போல தோன்றினாலும் அதன் சில விசயங்கள் நிச்சயம் பயனுள்ளதாக இருக்கும். இதனால் கனவு காணும் நேரமும் வீணாவதில்லை.

சிலர் கனவை வெளித்தூண்டுதல்கள் உதாரணமாக ரேடியோ சத்தம் போன்றவை மூளையை தூக்கத்தில் இடையூறு செய்வதன் காரணமாக ஏற்படுவதாக கூறுகின்றனர். சிலர் கனவை வேறு விதமாக சொல்கிறார்கள். கணிப்பொறியில் clean up வேலைகளை செய்வது போல, கனவுகள் மனதை சுத்தம் செய்ய ஏற்படுகின்றன.

கனவைப் பற்றி பல கருத்துக்கள் இருந்தாலும் அவை அனைத்துமே சரி போல தோன்றினாலும் உண்மையில் கனவென்பது என்ன? கனவின்போது மனம் எப்படி செயல்படுகிறது. இதை தெரிந்துகொள்ள விழித்திருக்கும்போது மனம் எப்படி செயல்படுகிறது என பார்க்க வேண்டும். அடுத்த பதிவில்............

---------------------------

பல வகை மிருகங்களும் கனவு காண்கின்றன. நாய்கள் தூங்கும்பொழுது கவனித்து பாருங்கள். சில சமயம் கால்களை ஓடுவதுபோல தூக்குவதையும் வித்தியாசமாக ஒலி எழுப்புவதையும் காணலாம். கனவில் அது யாரையாவது துரத்திக் கொண்டிருக்கலாம்.
ஒரு மனிதன் சராசரியாக ஒரு வருடத்தில் 1460 கனவுகள் காண்கிறான். ஒரு நாளைக்கு 4.
கனவுகளால் உடலில் கலோரிகளும் குறைகின்றன, ஆனால் அவை பெரும்பாலும் பாலுறவு சம்பந்தபட்ட கனவுகளாக இருக்கும்.
நீண்ட கனவுகள் (30-45 நிமிடங்கள்) அதிகாலையில் ஏற்படுகின்றன.
கருவிலுள்ள குழந்தைகளும் கனவு காணும் அவைகளின் கனவுகள் பெரும்பாலும் சத்தம் மற்றும் தொடு உணர்வை சார்ந்தே இருக்கும்.
பிளேட்டோவின் கூற்றுப்படி வயிற்றிலுள்ள உறுப்புகளிலிருந்து கனவுகள் உற்பத்தியாகிறதாம். குறிப்பாக கல்லீரல் கனவின் பிறப்பிடமாம்.
முழு இரவு தூக்கத்திலிருந்து விழிப்பவதை விட, REM தூக்கத்திலிருந்து விழித்துக் கொண்டால் கனவை நீண்ட நேரம் ஞாபகத்தில்
வைக்க முடியும்.
ஆண்களின் கனவுகள் பெரும்பாலும் செயல்பாடு சார்ந்ததாக இருக்கும், outdoorகளில் இருக்கும் மேலும் புதியவர்கள் கனவில் இருப்பார்கள். பெண்களின் கனவுகள் பெரும்பாலும் உணர்ச்சிகள் சார்ந்து இருக்கும், indoorகளில் இருக்கும், அவர்களின் மேல் அன்பு செலுத்துபவர்கள் கனவில் இருப்பார்கள்
ஆண்கள் பெண்களை விட அதிகமாக ஆக்ரோஷம், துரதிர்ஷ்டம் மற்றும் கோபம், பயம், கவலை, வெறுப்பு போன்ற எதிர்மறை உணர்வுகளைப் பற்றி கனவு காண்கிறார்கள். பெண்கள் அடிக்கடி நட்புரீதியாகவும் நேர்மறை சார்ந்த கனவுகளை காண்கிறார்கள்.

அடோப் ஃபிளாஷ் (62) - Fade slide

2010-10-18T15:43:00.000-07:00

பல இணையதளங்கள், பிளாக்குகளில் ஸ்லைட்ஷோ வைத்திருப்பதை பார்த்திருக்கலாம். அதை எளிதாக செய்யும் முறை.

தேவையான படங்களை எடுத்துக் கொள்ளவும். ஒவ்வொரு படத்திற்கு 45(15+15+15) பிரேம்கள்.

முதல் படத்தை ஸ்டேஜுக்கு கொண்டுவரவும். அதை ரைட்கிளிக் செய்து சிம்பலாக கன்வர்ட் செய்யவும். typeல் graphicஐ தேர்ந்தெடுக்கவும். 15, 30, 45 ஆகிய பிரேம்களில் கீபிரேமை இன்சர்ட் செய்யவும். 1வது பிரேமிலும், 45வது பிரேமிலும் கிளிக் செய்து படத்தை கிளிக் செய்து பிராப்பர்டி பேனலில் colorல் Alphaஐ தேர்ந்தெடுக்கவும். பிறகு 1 மற்றும் 15வது பிரேமுக்கு இடையிலும், 30 மற்றும் 45வது பிரேமுக்கு இடையிலும் ரைட்கிளிக் செய்து create motion tweenஐ கிளிக் செய்யவும். முதல் படம் முடிந்தது.

புதிய லேயரை உருவாக்கவும். 30வது பிரேமில் ஒரு கீபிரேமை இன்சர்ட் செய்யவும். இரண்டாவது படத்தை ஸ்டேஜுக்கு கொண்டுவரவும். அதை ரைட்கிளிக் செய்து சிம்பலாக கன்வர்ட் செய்யவும். typeல் graphicஐ தேர்ந்தெடுக்கவும். 45, 60, 75 ஆகிய பிரேம்களில் கீபிரேமை இன்சர்ட் செய்யவும். 30வது பிரேமிலும், 75வது பிரேமிலும் கிளிக் செய்து படத்தை கிளிக் செய்து பிராப்பர்டி பேனலில் colorல் Alphaஐ தேர்ந்தெடுக்கவும். பிறகு 30 மற்றும் 45வது பிரேமுக்கு இடையிலும், 60 மற்றும் 75வது பிரேமுக்கு இடையிலும் ரைட்கிளிக் செய்து create motion tweenஐ கிளிக் செய்யவும். இரண்டாவது படம் முடிந்தது.

இதே போல் எத்தனை படங்களை வேண்டுமானாலும் சேர்க்கலாம்.

கடைசியாக எல்லா படத்தையும் இவ்வாறு சேர்த்த பின், முதல் லேயரின் கடைசி 15 பிரேம்களில் செய்ய வேண்டியது. இங்கே 90-105. 90 பிரேமில் ஒரு கீபிரேமை இன்சர்ட் செய்யவும். மீண்டும் முதல் படத்தின் கிராபிக் சிம்பலை இழுத்து விடவும். 105வது பிரேமில் ஒரு கீபிரேமை இன்சர்ட் செய்யவும். பிறகு 90வது பிரேமில் கிளிக் செய்து பிராப்பர்டி பேனலில் colorல் Alphaஐ தேர்ந்தெடுக்கவும். பின் அவற்றுக்கு இடையில் ரைட்கிளிக் செய்து create motion tweenஐ கிளிக் செய்யவும்.

கடைசி படி: புதிய லேயரி உருவாக்கவும். 15வது பிரேமில் ஒரு கீபிரேமை இன்சர்ட் செய்யவும். கீழே பிராப்பர்டி பேனலில் Frame Lableல் Restart என எழுதவும். இப்போது மேலே 15வது பிரேமில் restart என தோன்றியிருக்கும். பிறகு அந்த லேயரின் கடைசி பிரேமில் ஒரு கீபிரேமை இன்சர்ட் செய்யவும். பிறகு அங்கே ரைட்கிளிக் செய்து Actionsஐ கிளிக் செய்து கீழ்காணும் ஸ்கிரிப்டை பேஸ்ட் செய்யவும்.

gotoAndPlay("restart");

DEMO: